लुका छाप्लाङाना चिनारि
छाप्लाङाना चिनारि
येसुङाना बारेङि लिसाना घाट्नाचि बारान चोक्मा नुङ् ना छाप्लाम्बाक् लुकाङा छेप्टुङ् थियोफिलास ओलोडुना याप्मि लोङ्सा पाङ्सुना चिट्ठि ए॥
ना नुना खाबोरङि येसु इस्राएलि छोङ्चि माझै उङ्युक् पिक्सा माङ्हुप् चोक्बालाक् काहिङ्मेप्बा डाङ्बा हिट्नुङ् सोब्बे छोङ्चिलोङ्सा छुट्कारा कापिबा टाङ्बा नुङ् छेप्टाइसे॥ येसुङा याङ्छामा ओटोगुगा हिट्नुङ् पाक्चा वानिगा याप्मिचि सोब्बे लोङ्सा नुना खाबोर पारचार ओचोगु नुङ् माङ्हाङ्ङा ना नाराङि पाङ्सुना॥ ना नुना खाबोर सोब्बे पारागा चाहाबा उलिसागा याप्मिचि लोङ्सा यान्दा चोक्सा छेप्टेसे॥ हिट्नुङ् ना छाप्लाङि आड्डिक् हारकाङाना खाबोर मुलिगारि येसु पोङ्साना हिट्नुङ् लाट्माङि उन् लाम्डुङ्ङि कोबाउङ् खाडाना रिङ् छेप्टेसे॥
येसु डाङ्बा टोनालोग्लेङ् खाडाउङ् खिरिस्टियान बिस्वासङि बोल्लेउ लिसा ओखाडागा हिट्नुङ् छिन्सा ओखाडागा रिङ् लुकाङा “मुलिचेला टोॽवा” ओलोडुना छाप्लाङि छेप्टुएसुए॥ यो छेप्बालाक् बिसाए-सुचिङि इप्पोक् हिट्नुङ् ङा ओखान्डाचिङि नाड्डेना मुन्डुम्चि उयुङ्ग्वा हिट्नागा ना नुना खाबोरङि एडोक् टोग्ना, हिट्नागा मुन्डुम्चिम्बाक्: टोनालोग् रिङ् काउग्बाचिङा ओठाक्टुना छाम्लोमा, येसु पोङ्सानाँ गोठालाचि उन् टुब्सिङा ओटायागा, येसु ओओ लिसाना बेला माङ्ठानाङि खाडाना हिट्नुङ् ओचेट्नुना सामारि हिट्नुङ् मासाना छाङाना मुन्डुम् युङ्ग्वा॥ ना छाप्लाटेप् बिन्टि बारेङि, सेङ्सेङ्ना हाङ्सा, येसुङा चोगुना सेवाङि मेन्झेमाचिङा घुवार ओफाडुना हिट्नुङ् माङ्हाङ्ङा याप्मिचि पाप छेमा पिडुचिगा रिङ् छेप्टैसे॥
बिसाए-सुचि
चिनारि १:१-४
बाप्टिस कापि युहान्ना हिट्नुङ् येसु पोङ्ना हिट्नुङ् ओओबेला १:५–२:५२
बाप्टिस्मा कापि युहान्नाङाना ओटोॽवा ३:१-२०
येसुङाना बाप्टिस्मा हिट्नुङ् जाँच ३:२१–४:१३
गालिलङि येसुङाना सेवाङाना टोॽवा ४:१४–९:५०
गालिल छेट्रालाम्मा यरुसलेम सोम्मा ९:५१–१९:२७
यरुसलेमङिना आन्तिम् हाप्टा १९:२८–२३:५६
येसु सियाउङ् कोबाउङ् टोनालोग्ङि खाडाना रिङ् २४:१-५३
Currently Selected:
लुका छाप्लाङाना चिनारि: APH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society