लुका 24
24
येसु उहिङ्ग्वाट् लिसाना
(मात्ति २८:१-१०; मारकुस १६:१-११; युहान्ना २०:१-१०)
1आइताबार एका भ्यानिक् डोक् हिट्नागा मेन्झेमाचिङा टेयार ओचोगुना बुङ्बुङ् नाम्ना क्या ओखाट्टुङ् हिट्नागा येसु ओहुम्पाङि ओखाडे॥ 2हिट्नागा हिट्नि ओटासुनाँ उहुम्पा ओयासि ओटेप्टुएसुना ठेना लिङ्गेॽवा ओसोन्डुना उनिसुए॥ 3हिट्नुङ् हिट्नागा उहुम्पा भिट्रा उलिगे, टरो हिट्नागाँ येसु डाङ्बाङाना ओयेम् उनिस्वाट्टुन्॥ 4हिट्नागा डोङ् ओठोङ्डाउङ् ओएबेसागा बेला इकिनाँ माङ्ओम्ना लोट्निङ् वाडाचुगा इप्पाङ् याप्मिचि हिट्नागा सोरि येबाचे॥ 5हिट्नागा मेन्झेमाचि पिलिम् पिलिम् ओयोक्टाउङ् हाम्बोम्फोप् ओचोगे, हिट्नागाचि इप्पाङ् याप्मिचिङा हिट्नागा लोडाचुए, “खानिङा पोङ् उहिङ्ग्वाट् लिसाना याप्मि उसियागा याप्मिचिगा उहुम्पाङि आकोलुएट्टुम्ना? 6येसु नाहि वाइना, उन् उहिङ्ग्वाट् लिमा हिडे॥ खानिलोक् गालिलङि आवासिनाँ येसुङा मालोडिगा रिङ् मिट्टानुम् टे, 7‘याप्मि छा पापि याप्मिचि मुक्ङि उपिडुटु, खाप्चेङि उछुडुटु हिट्नुङ् सुम्बोक् लेम्बा फेरि उहिङ्ग्वाट् लियुङ् कोब्युक्॥#मात्ति १६:२१; १७:२२-२३; २०:१८-१९; मारकुस ८:३१; ९:३१; १०:३३-३४; लुका ९:२२; १८:३१-३३’” 8हिट्नापाका येसुङा लोडुचिगा रिङ् हिट्नागाँ उमिट्टुए॥
9हिट्नुङ् हिट्नागा उहुम्पालाम्मा ओनोक्टा ओखाडाउङ् एघार चेलाचि हिट्नुङ् आरु याप्मिचिलोङ्सा नागा ख्वाप्पा रिङ्चि ओखेम्मेट्टुचे॥ 10हिट्नागा मारियाम माग्दालिनि, योआन्ना, याकुबङाना उमा मारियाम हिट्नुङ् आरु मेन्झेमाचि चा ओवासेट्टागा॥ नागाँ डोक् हिट्नि लिसाना रिङ् मुलिचेलाचि ओखेम्मेट्टुचे॥ 11टरो मुलिचेलाचिङा खानि खेरोक् आपिगेट्टि पिक्सा हिट्नागा मेन्झेमाचिगा रिङ् बिस्वास ओचोग्वाट्टुन्॥ 12टरो पाटरुसम्बाक् मुक्चोप् कोबाउङ् पिन्सा उहुम्पा पुसिङा खाडे॥ हिट्नि टासुङ् उहुम्पा भिट्रा गुङ् चोगाउङ् पुयुनाँ हिट्नि मोरो रिग्बालाक् लोट्निङ् एडोक् निसुए॥ हिट्नुङ् डोङ् ठोङ्डाउङ् पाक् गोलो लिसेना पिक्सा पाङ्लेङ् नोक्टे॥
इम्माउसङिना लाम्बोङि येसु
(मारकुस १६:१२-१३)
13हिट्ना लेम्बा डोक् येसुङाना इप्पाङ् ओचेलाचि यरुसलेम खालाङ्गालाम्मा इप्पोक् घान्टा टेप्मा लाम्टिउङ् टासुम्ना लाप्माङ्ना इम्माउस ओलोडुना युक्ताम्ङि खाडागेट्टाचिगा॥ 14हिट्नागाचिङा होप्मोलोक् लिसाना घाट्ना बारेङि रिङ्पान् चोगेट्टाचुगा॥ 15हिड्डे मुन्डुप्सा खाडा गेट्टाचिना बेला येसु हिट्नागाचि सोरि आबाउङ् हिट्नागाचिलोक् एक्केउ लाम्टिमा ठालाँ चोगुए, 16टरो हिट्नागाचिङा येसु निसाचुए, टरो मिसेन् डोक् निमा हिचुव्ट्चुन्॥ 17येसुङा हिट्नागाचि सिलाप्टुचे, “हाउ, पाक् रिङ् गोलो माट्सा आखाट्चिगेट्चिगा?” हिट्नुङ् हिट्नागाचि हिट्नि डोक् येबाचे, हिट्नागाचिगा आड्डिक् उन्चि निङ्ग्वा भेन्डाइसाना॥ 18हिट्नागाचिङि क्लेओपास ओलोडुनाङा सिलाप्टुए, “यरुसलेम खालाङ्गाङि लिसाना रिङ् खान्ङा एरोक् आखेम्सुन्गेट्टुन्ना रैछो॥ यरुसलेम खालाङ्गाङि हाट्लेसेन् लिएट्ना रिङ् पाक् आखेम्सुन्गेट्टुन्नै?”
19येसुङा सिलाप्टुचे, “खोड्डेना रिङ् हाउ?”
हिट्नागाचिङा लोडाचुए, “नासारातङिना येसुङाना रिङ् गो॥ उन् माङ्हाङ् हिट्नुङ् सोब्बे याप्मिचिगा टोकानाङि आड्डिक् ठेना डोङ् ठोङ्डिना टोॽवा काचोक्बा हिट्नुङ् लुम्बोक् लोसिना रिङ् काहिसिक्बा ठिबाङ् माङ्काटा याप्मि डाना॥ 20टरो आनि गाडुवाडाङ्बाचिङा हिट्नुङ् ओठेडोङ्चिङा सेप्मा रोमि सासाक् उमुक्ङि उपिडुए हिट्नुङ् हिट्नागाँ खाप्चेङि उछुडु ओसेडुए॥ 21आन्याँउम्टे उन् डोक् इस्राएलि याप्मिचिगा काहिङ्मेप्बा डाङ्बा नुङ् ओलाम्बो पुयेट्टुम्मा॥ टरो उन् खाप्चेङि उछुडु ओसेडुना चा सुम्बोक् लेम्बा लिमा हिडे॥
22-23“हिट्नाटेप्मा एरोक् माखाक्, आन्याँलोक्गा आम्टेप्मा मेन्झेमाचि हाट्ले एका भ्यानिक् डोक् उहुम्पाङि ओखाडे, टरो हिट्नागाँ येसुङाना ओयेम् उनिस्वाट्टुन् हिट्नुङ् हिट्नागा ओनोक्टा ओआबाउङ् हिट्नागाँ माङ्हाङ् रिङ् काउग्बाचि उनिसुचिगा रिङ् हिट्नुङ् माङ्हाङ् रिङ् काउग्बाचिङा ‘येसु उहिङ्ग्वाट् वाहेट्’ पिक्सा ओलोडुचिना रिङ् आन्याँ याप्मि लोडाउङ् डोङ् याप्मि मेट्टे॥ 24ना रिङ् ओखेम्सुङ् इप्पाङ् सुम्बाङ् आन्याँ साइबाचि चा उहुम्पा पुसिङा ओखाडे, हिट्नुङ् मेन्झेमाचिङा ओमाट्टु गाड्डे डोक् हिट्नागाँ हिट्नि उनिसुए, टरो येसुङा ओयेम्बाक् उनिस्वाट्टुन्॥”
25येसुङा हिट्नागाचि लोडुचे, “खानि खोड्डेगा याप्मिचि, खानिगा बुजा चोक्माना निङ्ग्वा आड्डिक् डोम्-डोम् लिसाइसे॥ माङ्काटाचिङा ओमाट्टुगा रिङ् चा बिस्वास चोक्मा आहिनिम्गेट्निम्॥ 26पाक् खिरिस्टङा मान् हिट्नुङ् माहिमा टोक्मा नुङ्ना पाइले नागा ख्वाप्पा याङ्छामा आङ्मा कोन्नेट्निनै टे?” 27हिट्नुङ् येसुङा हिट्नागाचि मोसाङा छेप्टुना धारमाछाप्ला हिट्नुङ् माङ्काटाचि ख्वाप्पाङा ओछेप्टुना छाप्लाङि ओबारेङि छेप्बालाक् रिङ् पारचिन्दा माट्टुबिडुचे॥
28हिट्नुङ् हिट्नागा ओखाडागेट्टागा इम्माउस युक्ताम् नेहेटाङ् ओटासुनाँ येसुम्बाक् हिट्नालाम्मा चिपा याम्बा खाडि गाड्डे चोगे॥ 29टरो हिट्नागाचि चेलाचिङा येसु लोडाचुए, “नाम्कुडा लाबे, हाट्ले आन्च्याँलोक् युङा॥” हिट्नुङ् येसु हिट्नागाचिलोक् बास हेन्ङा खाडे॥ 30येसु चा हिट्नागाचिलोक् चामा चासिङा युङे, हिट्नुङ् उन्ङा चालेपा कोबुउङ् माङ्हाङ् पोए-पोए चोगुए हिट्नुङ् चालेपा एगुङ् हिट्नागाचि पिडुचे॥ 31हिट्नुङ् गोलो हिट्नागाचिगा उन्चि मिक् ओङ्से हिट्नुङ् येसु मिसेन् निसाचुए॥ हिट्ना बेला डोक् येसु हिट्नागाचिलाम्मा मासाडे॥ 32हिट्नागाचि पिगाचे, “उन् आन्चिलोक् लाम्बोङि मुन्डुप्सा आबिनाँ उन्ङा धारमाछाप्लाङिना बारेङि माट्टुनाँ पाक् आन्चि निङ्ग्वा आड्डिक् डोक् हाङ्हाङ् लिनेट्निनि टे?”
33हिट्नुङ् हिट्नागाचि हिट्ना बेला डोक् कोबाचिउङ् यरुसलेम खालाङ्गालेङ् नोक्टाचे॥ हिट्नि एघार जाना चेलाचि हिट्नुङ् आरु याप्मिचि उछुमाउङ् उयुङैसागा टुबाचुए॥ 34हिट्नागा याप्मिचिङा हिट्नागाचि नाड्डे ओलोडुचे, “छेम्बा डोक्, टाङ्बा सियानालाम्मा उहिङ्ग्वाट् लिसाउङ् कोबेना रैछो, हिट्नुङ् सिमोन पाटरुसलोक् चा टुबाचेगा रैछो॥”
35हिट्नुङ् हिट्नागाचिङा चा खोड्डेउङ् लाम्बोङि येसु टुबाचुङ् उमुन्डुप्टागा हिट्नुङ् येसुङा चालेपा एगुनाँ एरोक् उन् मिसेन् निसाचुना रिङ् माट्टाचुए॥
येसु चेलाचिङि ठेट्टाना
(मात्ति २८:१६-२०; मारकुस १६:१४-१८; युहान्ना २०:१९-२३; मुलिचेला टोॽवा १:४-८)
36हिट्नागाँ नागा रिङ् ओमाट्टुना बेला डोक् ठाहा मिटोक्ङे येसु हिट्नागा माझै ठेट्टे हिट्नुङ् “खानि निङ्ग्वा हाङ्हाङ् उलि” पिक्सा लोडुचे॥
37टोंडेबा गोलो निसुमेना रैछो उमिट्टाउङ् हिट्नागा टुक्लोक् उकिट्टे॥ 38टरो येसुङा हिट्नागा लोडुचे, “खानि पोङ् आकिट्टिटिगा? खानि निङ्ग्वा फाम्नेनुम्? 39आलाङ् आमुक् पुयानुम् हिट्नुङ् आङा खानिङा नुलोक् मिसेन् आनिसिटिङा॥ आङा याङ्खोट्टानि हिट्नुङ् आङा टोंडेबा माखाक् नुङ् ठाहा टोगानुम्, पोङ्भोने टोंडेबाङाना ओयेम् सारुॽवा हिट्नुङ् साङाना लिनिना, टरो आङाना युङ्ग्वा॥”
40हिट्डे लोडुचिउङ् येसुङा हिट्नागा उमुक् लोक् ओलाङ् निमेट्टुचे॥ 41हिट्नागा चेलाचिगा आड्डिक् टुक्लोक् उन्चि चाप् टाए, हिट्नुङ् डोङ् ओठोङ्डाउङ् ना रिङ् छेम्बा इ माङ्जोना इ नुङ् बिस्वास डोक् चोक्मा उहिडुवाट्टुन्॥ हिट्डेउङ् येसुङा हिट्नागा लोडुचे, “पाक् खानिलोक् नाहि चामासिङ्जेम् युङ्ग्वानि?” 42हिट्नुङ् हिट्नागाँ ठुक्बालाक् ठिक् ङासा ओखान्डा उपिडुए॥ 43येसुङा हिट्ना ङासा टाक्टुङ् हिट्नागा सोरि डोक् चोडेसुए॥
44हिट्नुङ् हिट्नागा लोडुचे, “आङा खानिलोक् वासाङ्नाँ मोसाङा छेप्टुना धारमाबिधिङाना छाप्ला, माङ्काटाचिङा ओछेप्टुना छाप्ला हिट्नुङ् छाम्लोमा छाप्लाङि आङाना बारेङि छेप्टाना रिङ्चि ख्वाप्पा युयुक् पिक्सा आङा खानि लोनानिगा॥”
45हिट्नुङ्ना येसुङा हिट्नागा धारमाछाप्लाङि छेप्बालाक् रिङ्चि हिट्नागाँ बुजा चोक्मा उहिडु नुङ् हिट्नाङाना उटुप् माट्टुबिडुचे॥ 46हिट्नुङ् लोडुचे, “धारमाछाप्लाङि नाड्डे छेप्टेसे, खिरिस्टङा याङ्छामा आङ्डुटु हिट्नुङ् सुम्बोक् लेम्बाङि फेरि सियानालाम्मा उहिङ्ग्वाट् लियुङ् कोब्युक्॥ 47धारमाछाप्लाङि नाड्डे चा छेप्टेसे, पापलाम्मा काएल्-काबु लिमाउङ् माङ्हाङ्लाम्मा पापङाना छेमा टोगुम्ना नुना खाबोर खिरिस्टङा उनिङ्ङि यरुसलेम खालाङ्गालाम्मा उटुम् लियुङ् ख्वाप्पा छोङ्चिङि पारचार चोक्मा कोन्युक्॥ 48नागा लिसागा रिङ्चि खानिङा आनिसुम्मे हिट्नुङ् खानिङा डोक् नागा ख्वाप्पा रिङ्चि आरु याप्मिचि खेम्मेट्टानुम्चिम्॥ 49हिट्नुङ् आङा खानि लोनाँनि, आप्पा माङ्हाङ्ङा चोगुना माङ्हुप् आङा खानि सोरि एला डोक् पाङ्सुङ्टुङ्॥ टरो माङ्हाङ्ङाना ओबोल् मिटोक्ङे सोम्मा खानि ना खालाङ्गाङि डोक् युङायाक्टानि॥”#मुलिचेला टोॽवा १:४
येसु टोनालोग् खाडाना
(मारकुस १६:१९-२०; मुलिचेला टोॽवा १:९-११)
50हिट्नुङ्ना येसुङा ओचेलाचि हिट्ना खालाङ्गालाम्मा नेहेटाङ्ना बेथानिया ओलोडुना युक्तामलेङ् खाट्टुचे, हिट्नि ओटासुङ् येसुङा उमुक् फोगुङ् हिट्नागा आसिक् पिडुचे॥ 51येसुङा आसिक् पिडुगेट्टुचिना बेला डोक् उन् टोनालोग्लेङ् ठाङाडे॥ 52हिट्नुङ् ओचेलाचिङा उन् स्या ओमेट्टुए हिट्नुङ् हिट्नागा उन्चि चाप् टासा यरुसलेम खालाङ्गालेङ् ओनोक्टे॥ 53हिट्नागा सोरोक् माङ्ठानाङि उछुमाउङ् माङ्हाङ्ङाना उनिङ् ओचोन्डुगा डागा॥
Currently Selected:
लुका 24: APH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
