MATTHEW Kilekithitsa
Kilekithitsa
Matthew no yekeu Atsakiviu ye Jisü ye Xakuluu kepi piqhi püakeu sütsa kivi ke, ti ye Puloshoqhi Aqau lo Alhou no Paw timiqo lau piqhi püakeu pa vecheo shikupu ke. Asütsa kivi hi ye Jewmi khunoqo gholo Jisü punu püzü xüche keno tipaqo ghengu likhi kumono ayeghiqha kümtsü ghenguno ke.
Matthew kaku ye akivishi pekithi püani. Hi ye Jisü punu keu lono huthuno pa no azü lono baptiz shilu keu, ghukeju keu, Galilee lo veküpha asheshu, kütsü eno shipivi keu yepüani. Tipa thiu Jisü no Galilee lono Jerusalem lo wukeu, pa no apinedo ashekhau lo mlakeqo, pa yedave keu, eno xüchilekulu no kishekha shi yetsü ke.
Atsakiviu hipau ye Jisü pesü Shikükau akiqheu, Alhou yezah kiqi pitsü kulupu küka küau eno Alhou Yekipe ghili pesü shika keu yetsü ke. Atsato kiqi lono amqo pungu shi pekütsü püani: (1) Naghuto lo kükütsü, tipau lo kungugha yekipe ghakhumi ghushoghili, akümlapu, ajekivipu eno ashekha lo kiu lo iloni keno yepüani (akiyedo 5-7); (2) Akhopemi chighikini puwu keu kümla (akiyedo 10); (3) Kungugha Yekipe ghili kimighipiye keqo (akiyedo 13); (4) Kütsüluve kemi kiqi kütsü keu (akiyedo 18); (5) Hipa tiqheli küxü shekha eno ighiniye akeu Kungugha Yekipe ghili kükütsü (akiyedo 24-25).
Kaku Kimji: Jisü ye Messiah eno alhokupuju kükau kepi pitsü niye ke.
Khuu no ye kea: Matthew.
Khuno lau ye kea: Akhotoshi Jewmi lau.
Kughono ye kea: A.D. 60 qhauno.
Currently Selected:
MATTHEW Kilekithitsa: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More