HOSEA 14
14
Ampeu lau Ideighilo
1 Ampeu o Lhou lau ideighilo, O Israel,
kughengu no ye o xine ghenguno küpxavae.
2Atsa pesü Ampeu lau idewo
eno Pa vilo pilo,
“Axine kümtsü ikhive tsülo;
kiu no alo keno ikhilu tsülo,
eno ni kichi lono tushoqhi ketoi
nino amshitsü pesü tsüni.
3Assyria ye ni xamla nani;
ningu ye khurshi samo nani;
eno ningu ye, ‘Ni Lhou’ ipi
ni u no mlakeu vilo pimo nani.
O launo mighimi no küpükini ithulu chenie.”
4Panongu no pheve keu küpülü I no shipivi tsü nani;
I no kümsano kimiye nani, kughengu panoqo
launo I mlokighide iqüve ake.
5Ni ye Israel lau atsüzü toi nani;
pa ye lapu toi puipeghi nani;
pa ye Lebanon süboqo toi akuhu qüilo nani;
6pa khuniqo no thuipeghi nani;
paw jukivi no olivebo toi nani,
pa xokütsüngü no Lebanon toi nani.
7Panongu no ideighi no Iw#14:7 Hebrew loye paw sükusho qholo xü nani;
athi toi kupukuno shi nani;
atsaibo toi mini ipeghi nani; pano
jekipi ye Lebanon tsaiji toi nani.
8O Ephraim, Ni ye ajulho pesü kiu shive tsüni kea?
O khochile eno o jukuto chekeu ye I no ke.
Ni ye xüthilei keu cypressbo toi ke;
I launo o xathi ithulu cheni.
9Khukhumu alokütsüu no hipaqo vethalulo;
Khuu no kimchilu cheni keno, pa no ithilo;
kughengu Ampeu laghi ye achipi ke,
eno müzüchoi xüche kemi no tipau laghi püla cheni,
ikemu axinemi ye tipaqo lono küpxalu chenie.
Currently Selected:
HOSEA 14: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
