RAWMA 4

Ngiapâna ta Abarahâ thaichâna

1Cha khiahta la, sapa ryhpa ta miah pathlatuhpa Abarahâ kha, khâpa hmo a hmôpa hawhta ma eima reih aw? 2Abarahâ kha hmotaopa vâta thai pachâsapa a châ khiahta cha, a palai nawpa a hnei, Khazohpa hmiakô lia deikua cha hnei vei. 3#Âtn 15.6; Kal 3.6Biehrai ta kheihta ma a reih? “Abarahâ cha Khazohpa a ngiapâ ta, cha ngiapâna cha a siana ta raopa a châ,” a tah. 4Raihriatuhpa hlao cha ngiachhiena hawhta pachâpa châ leipa ta, a bâhpa hawhta pachâpa a châ. 5Rai a hria leipa chhao ta, moleipazy thai a pachâsatuhpa a ngiapâpa cha, â ngiapâna cha siana ta raopa a châ. 6Hmotaopa vâta châ leipa ta, Khazohpa ta mosiapa ta a raopa nohlaona kyh cha, Dâvi chhao ta,

7 # Hla 32.1,2 “Ama paraonazy a ngiahthaipa châ ta,

Ama moleinazy khupa ta a ypazy cha,

Ama nohlao na;

8Abeipa ta moleina hnei leipa ta a raopa cha,

A nohlao na,”

tahpa ta a vaw reih haw. 9Abarahâ ngiapâna cha a siana ta raopa a châ, eima tah tlôh khiahta cha, cha nohlaona cha chopawtaipazy châ deita ma, chopawtai leipazy châta chhao maw? 10Abarahâ kha khâpa vâta ma mosiapa ta raopa a châ? Chopawtaipa a châ tawhta ma, tai hlâta maw? Chopawtaipa a châ tawhta châ leipa ta, chopawtai hlâ tawhta mosiapa ta rao hapa a châ. 11#Âtn 17.10Chopawtaileipa a châ nota, mosiapa a châna pa-i nawpa ta, chopawtaipa ngiana cha ngiapâna ta hmô ta. Cha chata â chhuahpa cha, chopawtaileipa zydua paw ta tao ta, âmo chhao mosiapa ta raopa ama châ thei nawpa ta a châ. 12Chopawtaipazy chhao chopawtai thlâhthlipazy châ leipa ta, miah pathlatuhpa Abarahâ chopawtaipa a châ hlâta â ngiapâna pheihnie a pazituhpa ama châ thei nawpa ta, ano cha chopawtaipazy paw ta taopa a châ hra.

Ngiapâna ta hmôpa bietai

13 # Âtn 17.4-6; 22.17,18; Kal 3.29 Ano cha khizaw ryu a to awpa a châna kyh, Abarahâ nata a pathlazy hnohta a vaw tlôpa bietai kha, ryhpa vâta a vaw tlôpa châ leipa ta, ngiapâna ta siana vâta a vaw tlôpa tlao a châ. 14#Kal 3.18Ryhpa a zyhtuhpazy ta ryutotuhpazy ama châ awpa khiahta cha, ngiapâna cha hraoleipa châ aw ta, bietai chhao aruapa a châ aw. 15Ryhpa ta pathiiana tlôkhei tyh ta, ryhpa y leina liata paraona y vei.

16 # Kal 3.7 Chavâta bietai cha ngiachhiena liata a pahnieh ta, a pathla zydua châta pa-ipa a châ thei nawpa ta, ngiapâna ta a vaw tlôpa a châ. Ryhpa a hneipazy dei châ leipa ta, Abarahâ ngiapâna a hlykheituhpazy chhao ta ama hmô hra aw. Ano cha eima zydua paw a châ. 17#Âtn 17.5“Phopi hluhpi paw ta ei cha tao haw,” tahpa ta ropa hawhta, Abarahâ cha athihpa a pahrotuhpa nata hmo a y leipazy a paysatuhpa châ ta, â ngiapâpa Khazohpa mohmô liata eima zydua paw a châ. 18#Âtn 15.5“Cha hawhna chata na pathlazy ama y aw,” tahpa ta chhopa a châpa hawhta, phopi hluhpi paw châ awpa ta, hnabeiseih â chhih leipa chhao ta, ngiapâna ta khâchâ hnabeiseih lymâ ta. 19#Âtn 17.17Kô za kha châ daihmâ ha ta, a pôhpa pachâpa ta, athipa hawhta a châ ha bâpa chhao ta nata Sârâ chhi a choh hapa chhao ta, ngiapâna kyh liata thachhâpa ta y beih vei. 20Ngiapâna a phahla beih leipa ta, Khazohpa bietai a lôh leipa ta y beih vei. Â ngiapâna a thatlô via rili ta, Khazohpa a palyupalih lymâ. 21Khazohpa cha a bietai hawhta a tao thei tahpa khâchâ a ngiapâ ta. 22Chavâta â ngiapâna cha a siana ta raopa a châ. 23“A siana ta raopa a châ,” tahpa biezy cha ano châ dei ropa châ leipa ta, 24keimo châta chhao a châ. Athihpa hry tawhta eima Beipa Zisu a pathyutuhpa cha eimâ ngiapâ khiahta cha, keimo chhao mosiapa ta raopa eima châ hra aw. 25#Isai 53.4,5Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

Currently Selected:

RAWMA 4: MARVBSI

Highlight

Copy