HMOTAOPAZY 7

Stiphana biereipa

1Theihthai beichaipa ta, “Cha biezy cha â do ma?” tah ta. 2#Âtn 12.1Stiphana ta, “Unawhzy nata pawzy saih u, na nathlie teh u. Miah pathlatuhpa Abarahâ kha Harânâ khih liata a y hlâ, Mesôpôtamia râh liata a y nona khata, rônahna Khazohpa ano lâ a vaw luah ta, 3a hnohta, ‘Na râh nata na chiheihzy tawhta pua la, râh ei cha pahmô awpa lâ sie mah y,’ tah ta. 4#Âtn 11.31; Âtn 12.4Chatanachata Kaldia râh tawhta pua ta, Harânâ khih liata pahrâ ta. A paw a thi tawhta, Khazohpa ta cha khih tawhta a chhi ta, tahmâ ta nama pahrâna râh lâ he pasiesa ta. 5#Âtn 12.7; 13.15; 15.18; 17.8Châhrasala Khazohpa ta Abarahâ cha, he râh liata ryuto râh phei tlyna khi chhao pie leipa ta, saw a hnei lei tarawpa ta, a hnôhlâ ta a vaw pazi awpa a chipathla hnohta râh pie awpa ta bie a taih ta. 6#Âtn 15.13,14Cha kyh liata, Khazohpa ta Abarahâ hnohta a pathlazy maniah râh liata kô za palih sei ta y aw ei ta, riethei ama tao awpazie chho ta. 7#Pua 3.12Châhrasala Khazohpa ta, ‘Sei châpa ta ama chakaopa phopi cha pachia aw na ta, cha khai tawhta kaw pua aw ei ta, he su liata eina chakao aw ei,’ tah ta. 8#Âtn 17.10-14; Âtn 21.2-4; Âtn 25.26; Âtn 29.31—35.18Khazohpa ta Abarahâ cha chopawtaina biehrai pie ta. Abarahâ cha Aisika sa ta, a noh chariena noh ta a chopaw tai ta, Aisika ta Zakaw sa ta, Zakaw ta pathlatuhpa pahrawh hleinozy kha sa ta.

9 # Âtn 37.11; Âtn 37.28; Âtn 39.2,21 “Pathlatuhzy khata Zawsi chô liata ama hiatlia ta, Izi râh lâ zuah ei ta. Châhrasala Khazohpa a hnohta y ta, 10#Âtn 41.39-41a riethei taona zydua liata pachha lymâ ta, Izi bei Phiraoh hmiakô liata khokheina patosapa ta, sona ta tobi ta. Chatanachata Phiraoh ta Zawsi cha Izi râh chô liata ryureituhpa nata ano chhôhkha zydua chô liata ryureituhpa ta tao ta. 11#Âtn 42.1,2Izi nata Kâna râh zydua liata chakâhna tlô ta, ama riethei ngaita ta, miah pathlatuhpazy cha nie awpa rai hmô thei khao leipa ei ta. 12Zakaw cha Izi râh liata sâh a ypa thâtih a thei nahta, miah pathlatuhpazy tuah ta, cha cha ama sie tua chaina a châ. 13#Âtn 45.1; Âtn 45.16Ama sie ei nona liata, Zawsi ta a unawhzy cha a pahnosa ta, chatanachata Zawsi chhôhkha cha Phiraoh pahnopa châ ha ei ta. 14#Âtn 45.9,10,17,18; Âtn 46.27Chatawhcha Zawsi ta a paw Zakaw nata a chhôhkha zydua kaw padysa ta, ama zydua ta sysari nata papangawh ama châ. 15#Âtn 46.1-7; Âtn 49.33Zakaw cha Izi râh lâ zu ta, cha liata ano nata miah pathlatuhpazy cha thi ei ta, 16#Âtn 23.3-16; 33.19; 50.7-13; Zsua 24.32Sekhe khih lâ ama ri phaoh ei ta, Abarahâ ta Sekhe khih liata Hamô sawchapawzy liata tâkâ ta thlâ su a chaleipa liata ama pabu.

17 # Pua 1.7,8 “Khazohpa ta Abarahâ hnohta bie â taihpa a vaw tlô nawpa daihti â hnia nahta, Izarei sawzy cha Izi râh liata thata pôh ei ta, hluh via lymâ ei ta. 18Zawsi a pahno leipa bei hropa Izi râh liata â vaw beina taihta pôh lymâ ei ta. 19#Pua 1.10,11; Pua 1.22Cha bei cha eima chipho chô liata chhie ngaita ta, miah pathlatuhpazy cha ama hawsaihzy pahro lei awpa ta, tararuahna hmâpa ta pathysa lymâ ta. 20#Pua 2.2Cha daihti liata Mawsi vaw pih ta, Khazohpa mohmô ta hmi pha kawpa châ ta. A paw o liata thla thôh mohôhpa a châ tawhta, 21#Pua 2.3-10khôtho liata soh ei ta. Phiraoh sawchanô ta la ta, ano sawchapaw hawhta mohôh ta. 22Mawsi cha Izi chyhsa sona zydua pachu ei ta, a bie nata a hmotaopa liata thatlô ngaitapa châ ta.

23 # Pua 2.11-15 “Kô sypalih a tloh nahta, a unawh Izarei sawzy hmô khohna a palôh liata vaw y ta. 24Izarei chyhsa pakha cha Izi chyhsa ta a taochhie haipa hmô ta, a chiheih cha a châhpa ta a phuh la ta, Izi chyhsa cha thie ha ta. 25Mawsi cha ano ku ta Khazohpa ta Izarei sawzy a pachha ei tahpa a unawhzy ta ama pahno thai thlyu aw tahpa pachâ ta, châhrasala pahno thai leipa ei ta. 26A mylâ ta chyhsa pano amâ tu hai nota kei tlô ta, âmo cha paryh a chhuah ta, ‘Pâpuh saih u, unawh nama châ khawh, khazia namâ tu?’ tah ta. 27Châhrasala a opapa a tu ngâpa chata, Mawsi cha chatitha ta, ‘Eima chô liata hyutuhpa nata ryureituhpa ta ahy ma châ tao? 28Zâhnia ta Izi chyhsa na thiepa hawhna khata ma thie ei nâ chhuah chi?’ tah ta. 29#Pua 18.3,4Cha bie vâna chata Mawsi cha a râ ta, Midia râh liata mapaihpa ta y ta, cha liata sawchapaw pano sa ta.

30 # Pua 3.1-10 “Kô sypalih a châ tawhta, Sinai Tlâh râhchawhpa thobuh liata, meipaleih hry liata vâlyuhchâpa a hnohta a vaw luah ta. 31Mawsi ta a hmô nahta, a hmo hmôpa cha a noâh ngaita ta, mo awpa ta a kei hnia ta. Abeipa ao vaw pua ta, 32‘Kei he châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,’ tah ta. Mawsi cha a chalyu ta, moh ngâh khao leipa ta. 33Abeipa ta a hnohta, ‘Na phei tawhta na pheiky kha pahluh teh, nâ duana su kha alei pathaihpa a châ. 34Izi râh liata ei phopi a ypazy rietheizie hmô na ta, amâ hrôna chhao ei thei haw. Chavâta âmo pachha awpa ta ei zu. A vy teh, Izi râh lâ ei cha tuah aw,’ tah ta.

35 # Pua 2.14 “Kha Mawsi, ‘Hyutuhpa nata ryureituhpa ta ahy ma châ tao?’ tahpa ta ama dythapa kha, thobuh liata a hnohta a luahpa vâlyuhchâpa ku hmâpa ta, Khazohpa ta hyutuhpa nata pachhatuhpa châta vaw tuah ta. 36#Pua 7.3; Pua 14.21; Maluh 14.33Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta. 37#Ryhpa 18.15,18Cha Mawsi cha Izarei sawzy hnohta, ‘Khazohpa ta keima hawhpa hrohsopa he nama unawhzy tawhta a cha paduapa aw ei,’ a tahtuhpa kha a châ. 38#Pua 19.1—20.17; Ryhpa 5.1-33Ano cha Sinai Tlâh liata ano bie â chhopa vâlyuhchâpa nata miah pathlatuhpazy chhaota râhchawhpa liata Izarei zawpi hnohta a ypa kha a châ. Miah pie pachhuah awpa ta bietapa hrohpazy a daotuhpa a châ. 39Miah pathlatuhpazy ta a bie zyh khoh leipa ei ta, ano cha dytha ei ta, ama palôh ta Izi lâ kua ei ta. 40#Pua 32.1Arawna hnohta, ‘Miah chhihtha awpa ta khazohzy miah taopa teh. He Mawsi, Izi râh tawhta miah a kaw chhi papuatuhpa he a thâtih pahno khao ma pi,’ tah ei ta. 41#Pua 32.2-6Cha nohzy liata, viahchao taw nothlahpa tao ei ta, nothlahpa lâ cha atheihna hlâ ei ta, âmo ku ta taopa chô liata thapha ngaitapa ta y ei ta. 42#Ams 5.25-27Chavâta Khazohpa ta âmo cha a heihsai ta, avâ liata awhsizy a chhy awpa ta âmo cha a siesai ha ei, hrohsopazy châbu liata,

“‘Hy Izarei phopi,

Râhchawhpa liata kô sypalih nama y chhôh ta,

Sa thiepa nata atheihnazy eina hlâ ei chi ma?

43A chhy awpa nothlahpazy tao ei chi ta,

Môlôka achhyna byureih a sy ei chi ta,

Nama Rephâ khazoh awhsi achhyna byureih namâ sy tyh;

Chavâta Babylaw khô lâ ei cha paphao aw ei,’

tahpa ta ropa hawhna khata.

44 # Pua 25.9,40 “Miah pathlatuhpazy khata Khazohpa achhyna byureih râhchawhpa liata hnei ei ta, Khazohpa ta taozie awpa Mawsi a chho nota, a nothlahpa a pahmôpa hawh tlai ta ama tao. 45#Zsua 3.14-17Cha achhyna byureih cha miah pathlatuhpazy pathla pachhuahpazy chhao ta chhy lymâ ei ta. Khazohpa ta miah pathlatuhpazy hmiakô liata phopizy papua ta, Zawsua chhaota râh ama kei pahrâ nona khata a ngiakhei ei ta. Cha achhyna byureih cha Dâvi daihti taihta y ta. 46#2 Sam 7.1-16; 1 Ttr 17.1-14Dâvi cha Khazohpa modypa ta y ta, Zakaw Khazohpa pahrâ nawpa su hnei awpa ta hiah ta. 47#1 Abei 6.1-38; 2 Ttr 3.1-17Khazohpa o cha Sawlawmaw ta tlao sa ta. 48Châhrasala Chônôchaipa cha ku ta sapa ozy liata pahrâ vei, hrohsopa ta,

49 # Isai 66.1,2 “‘Avâ cha ei beidyuchhai châ ta,

Alei cha phei tlyna a châ.

Kheihawhpa o ma eina sapa aw chi,

Ei pahâna su chhao khâpa ma a châ?

50He hmo zydua he keima ku ta taopa châ vei ma?’

tahpa ta a reipa hawhna khata.

51 # Isai 63.10 “Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra. 52Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta, 53nâmo, vâlyuhchâpazy hmâpa ta piepa ryhpa hnei ta, a zyh khoh leipazy he nama châ,” tah ta.

Stiphana alô ta vawsaona

54Cha biezy cha ama thei nahta, ama pathi ia ngaita ta, Stiphana cha ama hâh charieh chie ei ta. 55Châhrasala Stiphana cha Thlahpa Pathaihpa ta biepa ta, vârâh lâ sai ta, Khazohpa rônahna nata Khazohpa chachâh lâta Zisu â duahpa hmô ta. 56“Moh teh u, vârâh a pahypa hmô na ta, Chyhsa Sawchapawpa cha Khazohpa chachâh lâta â duapa ei hmô” tah ta. 57Chyhsazy cha ao paro ngaitapa ta awh ei ta, ama nah a chahu ei ta, â raohpa ta Stiphana cha a râhnao ei ta. 58Khihpi khôtho lâ papua ei ta, alô ta vawh ei ta. Bie pahnotuhpazy ta satlia pakha, Sawla ama tahpa phei thaby liata ama pohzy soh ei ta. 59Alô ta ama vaw hai nota, Stiphana cha awh ta, “Abeipa Zisu, ei thlahpa vaw dy mah y,” tah ta. 60A pakhu paneih ta, ao paro ngaitapa ta, “Abeipa y, he ama moleina maoh he âmo paphaosa khah y,” tah ta. Cha bie cha a rei khai nahta, a mô ha ta.

Currently Selected:

HMOTAOPAZY 7: MARVBSI

Highlight

Copy