Zekaria 11
11
Lɛɛro wó yi Wɛ nɔɔna bam dona
1Lebanon, pore n teo kom ni,
se mini na chwoŋa de zo
de di n Sedare teeni dem.
2Tei-ŋonno#11:2 tei-ŋonno = pine trees de, ta‑á chwoosi-na,
Sedare teeni dem na toa to ŋwaane.
Tei-kamunnu tem maama to te pɔ mo!
Basan tei-lilirru#11:2 tei-lilirru = oak trees tem,
keeri-na bugi-bugi!
Ko ná ye goa kalo ya na lini
de teeni to,
ba laam gwoni ka teeni dem maama mo ba de tega ne!
3Cheigi-na se á wó ni nayera bam na laare tei to,
ba vara pwoli sem maama laam na chɔge to ŋwaane.
Cheigi-na se á wó ni
nywonnu tem na suura,
Jɔdan buga ni goa kam tete
de na chɔge to ŋwaane.
Nayera balei taane
4Amo Tu Baŋa Wɛ na tage tei to mo tento: “Fɔge n kɔne pei selo ba na lage ba go to. 5Balo na yeigi pei sem to mo kwei-se ba go, ye ba ba boŋe we ba tusi. Balo na jege pei sem ba yeigi to de maa tɛ ba we, ‘Dé ke-na Baŋa Wɛ lei, se dé nɛ nyɔɔre dedɛ.’ Pei sem nayera tete de yiga tere se wone. 6A nam daa bá duri teo kom konto nɔɔna bam ŋwaŋa.” Baŋa Wɛ na tage kolo to mo konto. “Nii-na. Amo wó kwei nɔɔno maama a ke o dwoŋi jeŋa ne, de o pɛ wom jeŋa ne. Banto laam maa wó chɔge tega kam maama zɔŋ-zɔŋ. A nam bá jwoŋi nɔɔn-nɔɔno ba jeŋa ne a yage.”
7Mo kokuri a jege pei selo ba na lage ba go to a kɔna a pa balo na jege-se ba yeigi to. A nam jege gwola yalei mo. A ma pa dedoa yere ye ‘Zaane’. Dedwoŋi dem yere ye ‘Ni-mɔrɔ’. A maa jege-ya a mae a nii a pei sem baŋa ne. 8Chana dedoa wone, a ma zeili nayera batɔ bam, a na wo wane a ja a tete de-ba to ŋwaane. Pipim-piina bam tete de maa vae a ni taane. 9A ma ta a we, “Amo daa bá taa kɔne pei sem a pa abam. Selo na maŋe se se te to wó te, se selo na ye se se jei to de jei. Selo maa na daare to de wó taa di da ya-nɔna.”
10Amo ma ja a gwoli delo yere na ye Zaane to a bwori, se ko bere we a yiri ni delo a ya na gwoni de nɔɔna bam maama to. 11Dɛ dem konto ne nɔɔ mo ni-gwonim dem seene de chɔge. Pipim-piina bam nɛ-ne, ye ba lɔre we kwora kam konto yɔɔre ka nwoŋi Baŋa Wɛ tei ne mo.
12A ma ta de-ba a we, “Abam ná nii we ko maŋe, se á pa-ne a ŋweero. Ko nam daa ná dae konto, se á ta‑á jege-te.” Ba ma jeeli a ŋweero, ye ba kwei lu-nyenno sabu-dala fintɔ ba pa-ne.
13 Baŋa Wɛ ma ta de amo o we, “Kwei sabia bam n ke sabu tiŋim dakaa kam wone#11:13 sabu tiŋim dakaa kam wone naa kamɔ-mɔro wom jeŋa ne.” Mo banto sabu-yere delo ba na jeeli se ko taa ye amo ŋweero to mo konto. A ma seene a kwei sabia bam konto a ja a vo Wɛ diga kam a dole a de sabu tiŋim dakaa kam wone.#Matiyu 26:15; 27:9-10
14A laam ma bwori a gwoli dedwoŋi dem, de yere na ye Ni-mɔrɔ to, se ko bere we Judah tiina bam de Isarele tiina bam choro kom chɔge.
15 Baŋa Wɛ daa ma ta de amo o we, “Daa ta kwei nayero zela se n ke ne n ye nayere-jworo mo to. 16Nii-na, a lage a pa nayero wodwoŋi mo ba o taa nii tega kam nɔɔna baŋa ne. Wonto yiga bá taa wo pei selo na lage se jei to wone, de pei selo na beeri yɔɔ to wone. O nam bá taa nii selo na nɛ zonne to se o yɔɔre-se, naa se o kɔne pei selo na dana to. O nam wó di pi-bigila yam mo, ye o tore se napɔɔna yam nywa.
17Lɛɛro nam lage te yi
nayere-jworo kom mo,
o na tage pei sem o yage to ŋwaane!
Se-zɔɔ mo lage ko zɔ o vɔŋɔ
de o jazem yi dem!
O vɔŋɔ kom maama jege
se ko kwaare mo,
ye o jazem yi dem de dwei
de daa ta ba nae!”
Currently Selected:
Zekaria 11: xsmKBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
