Matiyu 28

Yezu bi toone wone

Maake 16:1-8; Luka 24:1-12; Jɔn 20:1-10

1Ba siu dɛ dem na kɛ to,#28:1 Ko kuri mo ye ‘Sunday’ tetete. te-pora ni ne mo Mary Magadala de Mary wodwoŋi wom zaŋe ba vo yibeeli dem ne se ba nii. 2Tega ma pɔpɔ ka ziziŋi dedɛ. Baŋa Wɛ maleka ma nwoŋi telaao ne ka ba ka bibili kandwɛ-kamunu kom ka yage dáa ne, ye ka daare ka jeini ko baŋa ne. 3Ka yibia maa tiini ya pepela, ye ka gwaaro tem de tiini te peere cha. 4Nɔɔna balo na wora ba yere yibeeli dem to ma beiri de foone nenɛɛne ba tege tei.

5Maleka kam laam ma ta de kaana bam ka we, “Yé ta‑á kɔre-na foone. A lɔre we abam lage se á na Yezu wolo ba na jaane ba pa dagara kam yuu ne ba go to mo. 6O nam tere ywo. Ko seene ko ke nenɛɛne o na wuuri o ta kolo we, Wɛ wó bi‑o to mo. Nam ba-na á nii o yera yam ya na tigi mɛ. 7Abam nam ke lela á vo á ta de o kwaga tɔgena bam we, Wɛ seene o bi‑o toone wone, ye o laam wó tɔge yiga o vo Galili se á vo á na‑o dáane. Mo kolo a na lage a ta a bere abam to.”

8Maleka kam na tage konto to, kaana bam ma ke lela ba yage yibeeli dem ye ba kɛ de foone delo na jege-ba ye ba ta jege ywoni dedɛ to. Ba ma duri ba vo se ba ta de Yezu kwaga tɔgena bam kolo na ke to.

9Ba na maa kɛ to, Yezu ma pɔpɔ o jeeri-ba, ye o ke ba lei. Ba ma vo ba yi o tei ba kuni dwoona ba ja o nɛ ye ba zuli‑o. 10Yezu ma ta de-ba o we, “Yé ta‑á kɔre-na foone. Véi-na amo nu-bia bam tei se á ta de-ba we, ba zaŋe ba vo Galili, se dáane mo ba wó na amo.”

11Kaana bam na yage yibeeli dem jei sem konto to, soja tiina balo na wora ba nii-de to badaara ma zaŋe ba jwoori teo kom wo, ye ba ta kolo maama na ke to ba bere Juu tiina kaanem yiga tiina bam. 12Kaanem yiga tiina bam laam ma vo ba ŋɔɔne de teo kom nakwa bam. Ba ma ke ni daane se ba kwei sabu-fɔrɔ ba pa soja tiina bam, 13ye ba we, “Abam jege se á ta we, Yezu kwaga tɔgena bam mo tu tete ne ba ŋɔ‑o ba ja viiri, de abam ta tigi á dɔa. 14Gɔmena tu wom nam ná tu o lɔre ko ni ne ye ko ke taane, debam wó ŋɔɔne dé jwoŋi abam dé yage se lwia yé taa wora á baŋa ne.”

15Soja tiina bam ma jwoŋi sabu kom ye ba seene ba ke kolo ba na tage-ba se ba ke to. Mo konto mo Juu tiina bam jege ba tɛa de zem maama.

Yezu na ŋɔɔne kolo de o kwaga tɔgena o kweeli to

Maake 16:14-18; Luka 24:36-49; Jɔn 20:19-23; Kikia 1:6-8

16Yezu tɔgena fuga-dedoa bam laam ma zaŋe ba vo Galili peo kolo seeni o na maŋe o ta-ba se ba vo to. 17Ba ma seene ba vo ba na‑o, ye ba kuni dwoona ba zuli‑o. Badaara maa jege boboŋa yalei ded‑o. 18Yezu laam ma fɔɔre o yi ba tei, ye o ta de-ba o we, “Wɛ laam pɛ-ne dam se a taa tei telaao de tega baŋa maama.#Izaya 9:6; Danyeli 7:13-14 19Konto ŋwaane nam véi-na logo baŋa dwi maama tei, se á pa ba ji amo tɔgena, se á daare á pa ba jwoŋi sɛɛm amo Kwo Wɛ yere ŋwaane, ko woli de o Bu wom de o Sin-laao kom yere ŋwaane. 20Ta‑á bere-ba se ba sɛ ba tɔge kolo maama amo na pɛ abam ni se á ke to. Nam ta‑á yei-na we, amo wó taa wora abam tei ne maŋa maama, se ko vo ko yi logo baŋa kweelim maŋa kam.”

Currently Selected:

Matiyu 28: xsmKBG

Highlight

Copy