Pulim 11

Babili di-dedɔrɔ kom

1Boboa ne to, nabiina bam maama déem jege taane dedwe mo ba ŋɔɔna. Ba botare-bia déem dae yera yera. 2Ko na ke fee to mo nɔɔna badwonna nwoŋi wɛ-puli jei sem ne ba beeri#11:2 nwoŋi wɛ-puli jei sem ne ba beeri naa beeri wɛ-puli jei sem ne naa yɔɔre wɛ-puli jei sem ne ba beeri ba vo ba yi Sinare#11:2 Sinare = Babilonia laŋa kam. Ba ma jeini ba lɔ sane ko te-kampare jei ne. 3Nɔɔna bam ma ta daane ba we, “Pa-na se dé mage wara dé fuli-ya se ya taa dana.” Ba ma seene ba ke konto. Ba déem mɛ wara yam ba ji kandwa ba ma lɔ ba sane ye ba ma kɔtaale se ko taa ye te-lɛɛro ko pa-ba. 4Ba ma daare ba we, “Pa-na dé ke ni daane se dé lɔ teo kamunu ye dé lɔ di-dedɔrɔ kolo yuu na wó di wɛ-wɛ ko twɛ wɛyuu to. Ko ná ke konto, dé wó na yere dé pa dé tete, ye dé bá jage tega baŋa jei maama ne.”

5 Baŋa Wɛ ma tu o ba se o nii teo kolo nabiina bam na lɔge to de ko di-dedɔrɔ kom. 6O ma ta o tete ne o we, “Nii nɔɔna banto na gare ba bobo se ba taa toŋe tei! Ba nam na ye dwi dedoa ye ba ta ŋɔɔne taane dedwe to mo pa se ko ye konto. Ko ná lage ko taa ye tento, ko bá dáane ye ba wane ba toŋe kolo maama ba na lage to. 7Pa-na se dé vo dé yi ba tei dé vugimi ba taane dem se ba daa yé taa ni da-taane kuri.”

8 Baŋa Wɛ déem ma seene o pa se ba jage tega baŋa jei maama ne. Ba ma kwei ba teo kom lɔɔm dem ba yage. 9Ko laam ma pa se ba bwoŋi teo kom konto yere we Babili, kokuri to, dáane mo Wɛ déem vugimi nabiina taane dem ye o daare o pa se ba zege dáane ba jage ba vo tega kam baŋa jei maama ne.#11:9 Babili de vugimim beeri nye daane mo de Hiburu taane dem.

Sɛm dwi dem taane

10Sɛm dwi dem taane mo tento: Sɛm déem na yi bena bi to mo o loge Arapazade. Na-fɔrɔ kom na kɛ pa se bena yalei daa yi to mo konto. 11Arapazade lora kam kwaga ne, Sɛm daa ta ma na bena bia yanu, ye o lo bia badwonna o woli da, bakeiri dedaane busankane.#1 Tigisim 1:24-27; Luka 3:35, 36

12Arapazade déem na yi bena fintɔ-yanu to mo o loge Sela. 13Sela lora kam kwaga ne, Arapazade daa ta ma na bena bia yana de yatɔ (403), ye o lo bia badwonna o woli da, bakeiri dedaane busankane.

14Sela déem na yi bena fintɔ to mo o loge Ebera. 15Ebera lora kam kwaga ne, Sela daa ta ma na bena bia yana de yatɔ, ye o lo bia badwonna o woli da, bakeiri dedaane busankane.

16Ebera déem na yi bena fintɔ-yana to mo o loge Pɛlega. 17Pɛlega lora kam kwaga ne, Ebera daa ta ma na bena bia yana de fintɔ, ye o lo bia badwonna o woli da, bakeiri dedaane busankane.

18Pɛlega déem na yi bena fintɔ to mo o loge Rewu. 19Rewu lora kam kwaga ne, Pɛlega daa ta ma na bena bia yalei de nogo, ye o lo bia badwonna o woli da, bakeiri dedaane busankane.

20Rewu déem na yi bena fintɔ-yalei to mo o loge Serugi. 21Serugi lora kam kwaga ne, Rewu daa ta ma na bena bia yalei de yarepɛ, ye o lo bia badwonna o woli da, bakeiri dedaane busankane.

22Serugi déem na yi bena fintɔ to mo o loge Nahora. 23Nahora lora kam kwaga ne, Serugi daa ta ma na bena bia yalei, ye o lo bia badwonna o woli da, bakeiri dedaane busankane.

24Nahora déem na yi bena finlei-nogo to mo o loge Tera. 25Tera lora kam kwaga ne, Nahora daa ta ma na bena bi de fuga-nogo, ye o lo bia badwonna o woli da, bakeiri dedaane busankane.

26Tera déem na yi bena fuserepɛ to mo o loge Abaram, ye o daare o lo Nahora de Haran.

Tera dwi dem taane

27Tera dwi dem taane mo tento: Tera déem ma lo Abaram, de Nahora, dedaane Haran. Haran ma lo Lot. 28Tera déem loge o bia bam Babilonia tiina teo kolo yere na ye Uri to ne mo. Haran déem ma lwoori yiga o te dáane, ye o kwo Tera ta ŋwe. 29Abaram de Nahora déem maa nii kaana ba di. Abaram kaane wom yere déem mo ye Sarai. Nahora kaane wom yere déem maa ye Milika. Milika déem ye Haran bukɔ mo ye o daare o ye Isika nakɔ. 30Sarai déem ye kadega mo. O ya wo wane bia se o lo.

31Tera déem ma boŋe se o zaŋe Babilonia tiina teo Uri ne se o vo Kanaan teo kom. O ma ja o bu Abaram, de o naa Lot wolo na ye Haran bu to, ko woli de Abaram kaane Sarai, ye o zaŋe o maa kɛa. Ba maama ma vo ba yi Haran teo ba zoore da ye ba ta wo yi Kanaan.

32Tera déem ŋwe mo taa o yi bena bia yalei de yanu (205), ye o laam te Haran teo kom ne.

Currently Selected:

Pulim 11: KBG

Highlight

Copy