Danyeli 12

Kweelim maŋa kam taane

1“Maŋa kam konto ná yia, malese sem yiga tu Mikayeli wó zaŋe o nwoŋi. Wonto mo ye wolo na nii nmo dwi tiina bam baŋa ne to. Lɛɛro nam mo wó tiini te taa wora maŋa kam konto ne. Ko na zege á teo kom boboa maŋa ne se ko taa via, nɔɔna ta wo nɛ lɛɛro tento dwoŋi.#Jeremia 30:7; Matiyu 24:21; Maake 13:19 De ko de, nmo nɔɔna balo maama yera na popone ya tiŋi tɔnɔ kom wone to wó na verem. 2Nɔɔna balo na tege ba tigi tega kuri ne to dedɛ wó jwoori ba bi. Ba badwonna wó bi ba na ŋwea kalo na ba jege kweelim to, ye badaara de bi ba na chaveera de yaalem se ko taa vei wuu. 3Nɔɔna balo na fɔge ba jege Wɛ swa yam to wó taa nye de pwooni mo ne wɛyuu pwooni na ye tei to. Balo na woli nɔɔna se ba taa tɔge chega chwoŋa to maa wó taa nyeena ne wɛyuu pwooni na ye tei to taa wuu.#Memaŋa 4:18 4Ko nam ná ye nmo Danyeli, nmo jege se n seigi taane dento na wo tɔnɔ kom wone to mo, se ko taa nii kweelim maŋa kam. Nɔɔna dedɛ wó taa kare ba vei yiga de kwaga, se ba kwaane ba lɔre wonnu tento kuri.”

5Amo Danyeli laam ma kwoni a yuu se a nii, ye a na nɔɔna balei mo na zega ba woli da. Ba dedoa zege buga kam bubɛ dedoa ne mo, ye wodwoŋi wom de zege dedwoŋi dem ne. 6Nɔɔna balei bam dedoa ma bwei wolo na zo gare-fefale ye o yaara o tete nabara kam baŋa ne to o we, “Ko lage ko dáane tetɛ mo se wo-kenkagela yanto maama ke ya ti?”

7Wolo na zo gare-fefale ye o yaara o tete nabara kam baŋa ne to ma zeiŋi o je selei wɛɛne, ye o du duuri Taa-wuu Wɛ wom yere ŋwaane o we, “Wonnu tento maama lage te dáane nenɛɛne maŋa kadwoŋi laŋa ne, de maŋa kuni belei laŋa ne, ko woli de maŋa chichworo laŋa ne mo#12:7 naa bena yatɔ de chichworo. Wɛ nɔn-laaro tem yaara yam ná ke te ti, mo wonnu tento maama kweelim de wó yi.”

8Amo na nigi o taane dem to, a déem wo lɔre de kuri. A maa bwei‑o a we, “Amo tu, kweelim maŋa kam lage ka guri tetɛ mo?” 9O de ma leiri-ne o we:

“Danyeli, pa dé tiŋi taane dem, kokuri to, taane dento laam kwoli mo pa se de seigi se ko taa nii kweelim maŋa kam. 10Cham maŋa kam wó pa se nɔɔna dedɛ fɔge ba kwɛ mo se ba taa lana jase. Puseŋ-nyena maa wó taa vei yiga ba ke ba kikia, ye ba bá ni wonnu tento kuri. Balo na jege Wɛ swa yam to yerane mo wó ni te kuri.

11Ko zege maŋa kalo ne ba na wó che nɔɔna se ba daa yé taa ke dɛ maama kaanem dem, ye ba daare ba kwei wo-zɔɔne delo na chɔge Wɛ yere to ba zege, ko lage ko ke da moro de bia yalei de funogo (1,290)#12:11 da 1290 = bena yatɔ de chichworo mo. 12Wolo maama nam ná zuri o yera o cheigi se ko yi da moro de bia yatɔ de fintɔ-yanu yam (1,335) kweelim maŋa kam, kotu wó tiini o na yu-ywoŋo!

13Ko nam ná ye nmo Danyeli, yɔɔre n ta‑n vei de yazura se ko yi n kweelim maŋa. N momwɛ wó ba de ti. Nmo nam ta wó jwoori n bi kweelim maŋa kam ne se n jwoŋi ŋweero telo na tigi te cheigi‑m to.”

Currently Selected:

Danyeli 12: KBG

Highlight

Copy