Mateus 20
20
Ti aarwater in te trauwe plantaaj
1Yeesus saat:
— Te Himels Raych is wii te hër fon en trauwe plantaaj woo kans frii moynts aus kang is fer aarwater aan xtele fer sayn plantaaj. 2Tee hot mit tëne te loon pextimt wii imer, tas heest ëne silwerne nikel te taach, un hot kexikt tas se xafe këngte in sayn plantaaj. 3Um noyn uer, is eyer noch mool aus kang, is pis an ti prase kang un siit too phaar mëner woo niks am mache waare. 4Tan saat er: “Keet teyer aach in mayn plantaaj xafe, un ich petsaale aych was kerecht is.”
5— Un tii sin kang. Uf mitach un um tray uer noo mitach hot eyer tas selwiche kemach mit anere aarwater. 6Waar xon neekst finef uer noo mitachs wii er tsurik uf ti prase kang is. Hot noch anere mëner kesiin woo noch too waare un hot kefroot: “Warom sayt teyer te kanse taach too oone niks se mache?” 7Tii hon keantwort: “Is wayl nimant uns aan kextelt hot!” Tan saat eyer: “Keet teyer aach in mayn plantaaj xafe.”
8— Am ën fom taach, saat eyer fer te atministratoer: “Ruuf ti aarwater un tuu se petsaale. Fëng aan mit tëne woo te letst aankextelt kep sin un mach xlus mit tëne woo te eyerxt aankextelt kep sin.” 9Ti mëner woo am finef uer noo mitachs aankefang hon se xafe hon en silwerne nikel kriit yeete ëne. 10Tan hon tii woo te eyerxt keruuf kep waare ketënkt teere meyer petsaalt kriin; awer tii hon aach en silwerne nikel kriit. 11Hon tas kelt kehool un hon aankefang se knutre keeche te hër, 12am saan: “Ti mëner woo am letste aankextelt kep sin hon ploos een xtun kexaft, awer meyer hon ti aarwat te kanse taach unich te sun kephakt. Un toch waar tëne iire loon kraat soo wii unsere!”
13— Too hot te hër fon te plantaaj fer ëne fon tëne kesaat: “Horich mool, froynt! Ich waar net unkerecht mit tich. Host tuu net tsuu kesaat fer te kanse taach se xafe fer eene silwerne nikel? 14Hool tayne loon un hau ap. Wayl ich wil yoo fer tee man, woo te letst aankextelt kep waar, tas selwiche kewe woo ich fer tich kep hon. 15Meecht ich net ti recht hon fer se mache was ich wil mit mayn kelt? Ore pist tuu ayfersichtich ploos wayl ich kuut fer tee waar?”
16— Un Yeesus macht xlus, am saan: “Soo, tii woo te eyerxte waare wëre ti letste, un ti letste wëre ti eyerxte.”
Yeesus saat sayne toot un peleepung noch mool aan
Markus 10.32-34; Lukas 18.31-34
17Wii Yeesus ruf noo Yeruusalëm am keen waar, hot eyer ti tisiple uf ti sayt keruuf un hot mit tëne kexproch in priwaat, iwer em keen. Eyer saat:
18— Heyert! Meyer sin noo Yeruusalëm am keen, woo te Soon fom Man ap kep wërt fer ti xëfe fon te priister un fer ti Kesets mayster. Tii tuun em tsum toot konteneere 19un tuun em ap kewe fer ti pakaane. Ti letste tuun em ferxpote, ferxlaan un tuun em pekraytse; awer am trite taach kept eyer peleept.
En moter sayn pitung
Markus 10.35-45
20Tan is ti moter fon Zebedeu sayn puuwe aan khom mit sayn puuwe ticht pay Yeesus, hot sich kepikt un hot en kefale ferlangt.
21Yeesus hot kefroot:
— Was wilst tuu?
Sii hot keantwort:
— Ferxprech tas, wën teyer Kheenich kept, hier ti mayn tswaay puuwe tuun sich uf ayer rechts un links sayt setse. 22Yeesus saat fer tëm sayn tswaay khiner:
— Teyer wist net was teyer am ferlange sayt. Khënt teyer, filaycht, te khelich trinke woo ich trinke tuun?
Tii hon keantwort:
— Meyer khëne!
23Tan saat Yeesus:
— In te woerheet, teyer tuut te khelich trinke woo ich trinke tuun, awer ich hon net ti recht fer aus se suuche weyer sich uf mayn rechts un mayn links sayt setse tuut. Wayl es waar mayne Fater weyer tii plets prepareyert hot un tee kept se fer weem eyer wil.
24Wii ti anere tisiple tas keheyert hon, sin se pees kep mit te tswaay priiter. 25Tan hot Yeesus se al ticht pay sich keruuf un saat:
— Wii teyer weest, ti kowerneyer fon te pakaane foleke hon autoriteet iwich tii, un tii woo macht hon xike an tëne. 26Awer, unich aych khan tas net soo sin. Kraat es keeche teel, weyer important sin wil, sol ti anere petiine, 27un weyer te eyerxte sin wil, sol ayre sklaawe sin. 28Wayl sokaar te Soon fom Man is net khom fer petiint kewe, awer fer petiine un sayn leewe kewe fer fiile mënxe se rete.
Yeesus heelt tswaay plinte
Markus 10.46-52; Lukas 18.35-43
29Wii Yeesus un ti tisiple aus Jerikoo am keen waare, is en kroos folek Yeesus noo kang. 30Tswaay plinte hon am rant fom weech kesitst. Tan hon se yemant keheyert saan tas Yeesus torich am keen waar un hon aan kefang se xraaye:
— Hër, Soon fon Dawii, petauer uns!
31Tas kroos folek hot se kexteyert un hot kexikt solte ti xnis hale, awer ti hoon noch mee kexraayt:
— Hër, Soon fon Dawii, petauer uns!
32Tan hot Yeesus xtil kehal, hot ti plinte keruuf un hot kefroot:
— Was wolt teyer tas ich mache?
33Tii hon keantwort:
— Hër, meyer wole siin khëne!
34Yeesus hot se ketauert un hot tëne an ti aue kethupt. Im selwiche momënt khonte tii siin un tan sin se Yeesus noo kang.
Currently Selected:
Mateus 20: NTHunsrik
Highlight
Share
Copy
Want to have your highlights saved across all your devices? Sign up or sign in
2022 Sociedade Bíblica do Brasil
