Htû̌sò̌htò̌ 144
144
Khwǐdû̌ hî̌bwǐhî̌sîrîhtò̌ Cǒmara dǒ ta̤ma̤pè̤̌ aya
Khwǐdawi̤ ata̤sǎwǐ htû̌sò̌htò̌
1Htû̌sò̌htò̌ he Cǒmara tûjû̌pwa̤ dǒ amè̤̌ helǒ̤dû̌.#Htû̌sò̌htò̌ 18:2
Bǎ shěpè̤̌ hî̌tènu a sû̌ǐtòwòǐ he.#Htû̌sò̌htò̌ 18:34
2A mî̌ he Cǒmaradû̌ dǒ a mô̤ǐ he kû̌ ata̤mô̤ dǒ ahǎbòjò tô̤̌.
A mî̌ wî̤̌dû̌ dǒ atònò, helǎ̤ô̌tûdû dǒ aměagle, pwa̤ dǒ a ma̤hǎplǎkè he.
A mî̌ helǎ̤ takaǐ, he lǎ̤ô̌tûdû, pwa̤ dǒ a ma̤pè̤̌bò khlilèphû̌ tokhlǒ dě a nopǒnǐ̤ he.
3Ǒ Cǒmara tûjû̌pwa̤, na cû̌ kè̌khwè̌ǐ tǒ̤ pa kòyòhǎkhû̌phû̌ tokhlǒ mî̌ ma̤titè?
Na cû̌ gènè̤ tǒ̤ pakòyò tokhlǒ awe̤akè mî̌ ma̤titè?#Yṳ̂bǎ 7:17; Htû̌sò̌htò̌ 8:4
4Pa sô̌sô̌pwǎkû̌ sǎnṳ̌sǎhtò̌ tôpla pwǎ.
Palṳmṳ̌ni̤ lṳmṳ̌sa tokhlǒnu asô̌sô̌pwǎkû̌ ta̤yô̤ǔ sǒsǔhǎmǎkè nupwǎ.#Htû̌sò̌htò̌ 8:4, 31:7
5Ǒ Cǒmara tûjû̌pwa̤, bǔmôlò̤ namǒkhû̌takha dě hèlò̤ mò̌.#Htû̌sò̌htò̌ 18:9
Tô̌bǎ khôlôhtûkhôlôdû̌ tokhlǒ dě no khǔhtò̌bò mî̌nu.#Htû̌sò̌htò̌ 104:32
6Nolò̤ shî̌lî̌ sô̌sô̌kû̌ na khǎlò̤ naplǎ̤nu dě no khlè̌pò̌khlè̌shî bò pwa̤sǎkhě henu.#18:14
7Naô̌ dǒ mǒkhû̌ dě yṳ̂̌lò̤ nacǔde, dě ma̤hǎplǎ he.#Htû̌sò̌htò̌ 18:16
Cǐhǎhtò̌ he dǒ shidû̌lò̤yô̤̌kû, pwa̤sǎkhě he dǒ asîrîshû̌sho tokhlǒ acǔdekû.#Htû̌sò̌htò̌ 69:14
8Asî hî̌bǎ còcè̌ ta̤lòhǎlòhô.
Asî ma̤ còcè̌ ta̤lô̌ta̤plò̤.
9Ǒ Cǒmaradû̌, he gǔ sǎwǐhtò̌ na kû̌ ta̤sǎwǐ asa pě.
He gǔ dǒ tǐtutegwe dǒ apliô̌ abôshǐ nudě he gǔ sǎwǐhtûsò̌htò̌ na pě.#Htû̌sò̌htò̌ 71:22
10Na no shěpè̤̌ khwǐdû̌ tokhlǒ ta̤shě.
Na ma̤hǎplǎkè napwa̤ma̤ta̤phû̌ Khwǐdawi̤ dǒ nò̌shî akla.#Htû̌sò̌htò̌ 18:50
11Ma̤hǎplǎkè he dǒ pwa̤sǎkhě tokhlǒ acǔdekû.
Asî hî̌bǎ còcè̌꤮ ta̤lòhǎlòhô.
Asî ma̤ còcè̌ ta̤lô̌ta̤plò̤.
12Bǎ paphû̌pwa̤khû tokhlǒ nějǎ pepwǎ akhanu, asô̌sô̌tû̌ kû̌ ta̤khlimṳ̌ dǒ awî̤awô̌.#Htû̌sò̌htò̌ 128:3
Paphû̌pwa̤mǒ tokhlǒ sô̌tû̌kû̌ hǐhtǔ dǒ kòyò shǒǐ tôwô̌ lû̌û dǒ khwǐhôně̤.
13Pabǔphò tokhlǒ gǔ ô̌lǒô̌be sô̌sô̌kû̌ bǔhudî, sǒsusǒsǎ pṳ̂̌ tôcǒ nî̌.
Pasû̌phû̌ dǒ pakè̌ǐya̤dakhû̌ tokhlǒnu a gǔ phû̌ô̌wô̤̌ô̌plû tû̌ dǒ arî̌asò̌kû nî̌.
14Papṳ̂̌pa̤nǎ̤ tokhlǒ aphû̌ pî̌ tô̤̌, a ô̌ma̤ tô̤̌tô̤̌ dě a ô̌wô̤̌ô̌dû̌htò̌ tûû̌ nî̌꤮.
No cû̌hǎwô sǎplǎ̤sǎyṳ tǎ̤ asî dǒ klè̌dakû tôglò̌ tǎ̤mǎ̤ nî̌꤮.
15Kòyò dǒ a kè̌shǐ pô̤̌nu tokhlǒ, a sǎlě̤sǎlò̤ tû̌ nî̌.
Kòyò dǒ a cubǔcabǎhtò̌ Cǒmara tûjû̌pwa̤ phû̌ a Cǒmaradû̌nu a sǎlě̤sǎlò̤ tû̌ nî̌꤮.
Currently Selected:
Htû̌sò̌htò̌ 144: KXF
Highlight
Share
Copy
Want to have your highlights saved across all your devices? Sign up or sign in
Wycliffe USA
