ᤔᤳᤋᤡ ᤏᤡᤛᤢᤶ
ᤏᤡᤛᤢᤶ
ᤔᤳᤋᤡᤖᤧ ᤛᤠᤵᤋᤢᤒᤠ ᤁᤴ ᤛᤠᤵᤐᤴᤏᤡᤸᤗᤧ ᤕᤧᤛᤢ ᤂᤪᤡᤛ᤻ᤋᤧᤴ ᤋᤃᤡᤏᤢᤛᤠ ᤋᤠ ᤑᤠ᤹ᤀᤠᤱ ᤛᤣᤛᤣ ᤔᤠᤱᤜᤧᤰ ᤆᤥ᤺ᤰᤔᤏᤠᤒᤠ ᤛᤧᤴᤗᤵᤍᤠᤱᤒᤠ ᤗ᤹ᤖᤡᤰ ᤀᤥᤛᤣ᤺ᤴᤍᤠᤱ ᤆᤥᤃᤢ᤹ᤖᤥ॥ ᤋᤃᤡᤛᤔᤠ ᤔᤠᤱᤜᤢᤵᤐᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤒᤠᤅᤣ ᤁᤢᤔᤏᤠ ᤕᤜᤢᤍᤡᤜᤠ᤹ ᤂᤡᤏᤡ᤹ᤀᤥ ᤛᤧᤴᤗᤵᤍᤠᤱᤒᤠ ᤌᤡᤰ ᤐᤠᤱᤄᤢᤱ ᤗ᤹ᤖᤡᤰ ᤔᤠᤱᤜᤧᤰ ᤆᤥᤃᤢᤀᤠᤱ ᤘᤕᤧᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤕᤧᤛᤢᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤐᤠᤱᤄᤢᤕᤢᤛᤢᤀᤠᤱ ᤂᤧᤴ ᤔᤠᤱᤜᤧᤰᤁᤡᤴ ᤁᤧᤳᤋᤢᤖᤥ॥ ᤁᤴ ᤛᤢᤏᤠᤀᤡᤱᤅᤡᤱᤃ ᤕᤜᤢᤍᤡᤜᤠ᤹ᤖᤧ ᤗᤠᤃᤡᤖᤰ ᤔᤣ᤺ᤴ. ᤁᤖ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤏᤡ᤹ ᤗᤠᤃᤡᤀᤠᤱᤗᤥ॥
ᤔᤳᤋᤡᤖᤧ ᤁᤴ ᤛᤢᤏᤠᤀᤡᤱᤅᤥ ᤐᤥ᤺ᤰᤂᤧᤒᤠ ᤁᤧᤖᤧᤰ ᤜᤡᤴᤍᤥᤰᤜᤠ᤹ ᤌᤧᤵᤐᤧᤳᤋᤠᤱ ᤛᤠᤵᤋᤢᤀᤠᤱ ᤐᤳᤗᤥ॥ ᤂᤢᤏᤧ᤹ ᤁᤴ ᤛᤠᤵᤐᤴᤏᤥ ᤕᤧᤛᤢᤴ ᤛᤠᤘᤠ᤺ᤴᤇᤡᤱᤒᤠ. ᤒᤵᤋᤡᤛ᤻ᤔᤠ ᤐᤥ᤺ᤰᤂᤧᤒᤠ. ᤁᤢᤏᤡᤱᤘᤠ᤹ ᤛᤠ᤹ᤖᤧᤒᤠ ᤜᤧᤰᤁᤩᤠᤱ ᤃᤠᤗᤡᤗ ᤜᤧᤱᤄᤠᤳᤋᤡ ᤛᤢᤏᤠᤀᤡᤱ ᤀᤡᤱᤓᤥᤛᤢᤒᤠ. ᤏᤡᤛᤠᤶ ᤜᤢ᤹ᤖᤢᤛᤡᤒᤠ ᤏᤢ ᤔᤏᤠᤜᤠ᤹ ᤘᤣ᤺ᤴᤍᤢᤛᤡᤒᤠ ᤐᤠ᤺ᤴᤜᤠ᤹ ᤆᤧᤰᤂᤢᤀᤠᤱ ᤐᤳᤗᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤔᤳᤋᤡᤖᤧ ᤕᤧᤛᤢᤴ ᤕᤖᤢᤛᤗᤧᤔ ᤐᤣᤒᤠ. ᤛᤡᤔᤠᤏᤢ᤺ᤸᤗᤧ ᤋᤃᤡ ᤂᤧᤵᤔᤥ ᤘᤕᤧᤒᤠ ᤐᤠ᤺ᤴᤜᤠ᤹ ᤜᤧᤰᤁᤩᤠᤱ ᤂᤢᤏᤧ᤹ ᤛᤡᤗᤠᤶᤛᤠᤰᤔᤠ ᤛᤡᤱᤅᤥ ᤔᤧᤓᤥᤴᤍᤢ ᤔᤧᤛᤧᤖᤢᤒᤠ ᤏᤢ ᤛᤢᤶᤕᤧᤴ ᤀᤣᤃᤠᤱ ᤂᤢᤏᤧ᤹ ᤕᤠᤶᤔᤥ ᤜᤡᤅᤧᤒᤠ ᤐᤠ᤺ᤴᤏᤡᤴᤏᤠᤱ ᤛᤠᤵᤋᤢᤀᤠᤱ ᤐᤳᤗᤥ॥
ᤁᤴ ᤛᤢᤏᤠᤀᤡᤱᤅᤡᤸᤗᤧ ᤕᤧᤛᤢᤴ ᤛᤠᤶᤕᤥᤌᤡᤶ ᤏᤢ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤸᤗᤧᤴ ᤛᤡᤒᤡ᤹ ᤐᤠ᤺ᤴᤜᤠ᤹ ᤐᤥᤎᤰ ᤆᤥ᤺ᤰᤔᤠ ᤕᤢᤰ ᤁᤧᤃᤵᤐᤠ ᤕᤶᤒᤠ ᤛᤡᤰᤛᤠᤶᤒᤠ ᤗ᤹ᤖᤡᤰ ᤀᤥᤛᤣ᤺ᤴᤍᤠᤱ ᤀᤠᤈᤥ᤺ᤰᤗᤥ॥
ᤋᤠᤱᤒᤠ ᤌᤠᤔᤡᤱ
ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤔᤡᤱᤛᤪᤠ ᤏᤢ ᤒᤵᤋᤡᤛ᤻ᤔᤠ ᤐᤥ᤺ᤰᤂᤧᤒᤠ ᥇:᥇–᥈:᥈᥉
ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤧ ᤁᤢᤔᤠᤱᤛᤣᤘᤠ ᤕᤠ᤺ᤶᤒᤰ ᥉:᥇-᥇᥈
ᤕᤧᤛᤢᤴ ᤒᤵᤋᤡᤛ᤻ᤔᤠ ᤐᤥ᤺ᤰᤂᤧᤒᤠ ᤏᤢ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤏᤡᤱᤘᤠ᤹ ᤛᤠ᤹ᤖᤢᤒᤠ ᥉:᥇᥉–᥊:᥇᥇
ᤃᤠᤗᤡᤗ ᤌᤢᤶᤔᤥ ᤕᤧᤛᤢᤖᤧ ᤆᤥᤃᤢᤒᤠ ᤔᤠᤱᤛᤧᤘᤠ ᤕᤠ᤺ᤶᤒᤰ ᥊:᥇᥈–᥇᥎:᥉᥋
ᤃᤠᤗᤡᤗᤗᤠᤶ ᤕᤖᤢᤛᤗᤧᤔ ᤌᤠᤖᤡᤰ ᥇᥏:᥇–᥈᥆:᥉᥊
ᤂᤢᤏᤧ᤹ ᤕᤖᤢᤛᤗᤧᤔ ᤘᤕᤧᤒᤠ ᤁᤢᤏᤢᤵᤔᤠ ᤕᤧᤳᤏᤠᤶ ᥈᥇:᥇–᥈᥍:᥌᥌
ᤕᤧᤛᤢᤴ ᤛᤡᤔᤧᤴᤗᤠᤶ ᤕᤠᤶᤔᤥ ᤜᤡᤅᤧᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤀᤥ ᤀᤥᤛᤣ᤺ᤴᤎᤠᤰᤛᤡᤱᤒᤠ ᥈᥎:᥇-᥈᥆
Currently Selected:
ᤔᤳᤋᤡ ᤏᤡᤛᤢᤶ: LIFOTNT
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.