ᤔᤳᤋᤡ 4

ᤔᤠᤑᤧᤴᤛᤠᤶᤗᤠᤶ ᤕᤧᤛᤢᤴ ᤜᤱᤛᤠ᤹

(ᤔᤷᤁᤢ ᥇:᥇᥈-᥇᥉; ᤗᤢᤁᤠ ᥊:᥇-᥇᥉)

1ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤕᤧᤛᤢᤴ ᤔᤠᤑᤧᤴᤛᤠᤶᤗᤠᤶ#᥊:᥇ ᤔᤠᤑᤧᤴᤛᤠᤶ—ᤁᤴ ᤑᤠ᤹ᤀᤡᤴ ᤛᤤᤋᤠᤏᤗᤥ॥ ᤁᤢᤏᤡᤱᤘᤠ᤹ ᤛᤠ᤹ᤛᤧ ᤀᤣ᤺ᤰᤛᤠᤍᤧᤴᤏᤥ ᤋᤣ᤹ᤖᤢᤖᤥ॥ 2ᤂᤧᤵᤔᤥ ᤂᤢᤏᤧ᤹ ᤗᤡᤒᤥᤱ (᥊᥆) ᤛᤧᤴᤍᤡᤰ ᤏᤢ ᤗᤧᤴᤍᤡᤰ ᤌᤠᤖᤡᤰ ᤌᤣᤀᤠᤱ ᤔᤧᤈᤏᤧᤴᤏᤠᤱ ᤛᤠ᤹ᤖᤡᤰ ᤁᤢᤛᤧᤳᤗᤠ᤺ᤰᤋᤧᤖᤥ॥ 3ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤴ ᤂᤧᤵᤔᤥ ᤋᤩᤧᤀᤠᤱ ᤂᤢᤏᤧ᤹ ᤀᤰᤂᤣ ᤔᤧᤳᤋᤢᤖ ᤁᤢᤏᤡᤱᤘᤠ᤹ ᤛᤠ᤹ᤖᤢ. “ᤂᤧᤏᤧ᤹ ᤏᤡᤱᤘᤠ᤹ᤑᤢᤛᤠᤏᤧ ᤑᤠ᤹ᤃᤪ ᤁᤴ ᤗᤢᤱᤜᤠ᤹ ᤂᤖᤧ᤺ᤱ ᤐᤥ᤺ᤰᤂᤧ᤹ ᤑᤠ᤹ᤀᤠᤱ ᤔᤧᤳᤋᤧ᤹॥”

4ᤁᤖ ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤜᤧᤰᤁᤣ ᤔᤧᤈᤥᤰᤁᤠᤴ. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤔᤥᤛᤠᤖᤧ ᤀᤰᤂᤣᤗ᤹ᤖᤡᤰ ᤛᤠᤵᤋᤢᤀᤠᤱ ᤐᤳ. ‘ᤔᤧᤴᤇᤠᤶ ᤕᤠᤵᤔᤡ᤺ᤱᤃ ᤁᤢᤈᤠ᤺ᤸᤗᤧᤖᤰ ᤔᤧᤜᤡᤱᤏᤧᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤒᤠ ᤁᤧᤖᤧᤰ ᤐᤠ᤺ᤴᤏᤡᤸᤗᤧ ᤜᤡᤱ॥’”#ᤛᤠᤶᤕᤥ ᤀᤡᤱ ᥎:᥉

5ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤂᤢᤏᤧ᤹ ᤕᤖᤢᤛᤗᤧᤶᤔᤥ ᤋᤣ᤹ᤖᤢᤀᤠᤱ ᤔᤠᤱᤜᤡᤶᤔᤥᤒᤠ ᤁᤧᤖᤧᤰᤏᤢ᤺ᤸᤗᤧ ᤁᤣ᤺ᤶᤒᤠ ᤆᤶᤈᤶᤒᤠ ᤋᤧᤴᤏᤥ ᤕᤧᤵᤛᤢᤀᤠᤱ ᤔᤧᤳᤋᤢ 6“ᤂᤧᤏᤧ᤹ ᤛᤧᤰᤂᤠᤀᤣ ᤏᤡᤱᤘᤠ᤹ᤑᤢᤛᤠᤏᤧ ᤑᤠ᤹ᤃᤪ ᤐᤡᤴᤍᤧ ᤌᤩᤧ᤹. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹ ᤂᤧᤏᤧ᤹ ᤁᤧᤗᤠᤃᤡ ᤀᤡᤱᤈᤠᤱ ᤐᤡᤖᤢᤛᤡᤀᤠᤱ ᤂᤧᤏᤧ᤹ ᤌᤠ᤺ᤱᤎᤠ᤺ᤱᤅᤣ ᤂᤢᤏᤡ᤹ ᤜᤢᤰᤁᤥ ᤁᤧᤶᤍᤠ᤺ᤰᤁᤠᤱ ᤁᤧᤗᤠᤱᤅᤡᤴ ᤗᤢᤱᤅᤥ ᤔᤧᤎᤠᤶᤛᤡᤱᤅᤡᤴᤗᤥ॥’”#ᤏᤡᤱ ᤛᤢᤶ ᥏᥇:᥇᥇-᥇᥈

7ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤁᤖ ᤛᤠᤶᤕᤥᤛᤠᤵᤗᤠᤀᤥ ᤕᤠᤶᤔᤥ ᤀᤰᤂᤣᤗ᤹ᤖᤡᤰᤁᤠᤱ ᤛᤠᤵᤋᤧᤀᤠᤱ ᤐᤳ. ‘ᤍᤠᤱᤒᤠ ᤁᤧᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤔᤧᤛᤠ᤹ᤖᤧᤴᤏᤧ᤹॥’”#ᤛᤠᤶᤕᤥ ᤀᤡᤱ ᥌:᥇᥌

8ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤂᤢᤏᤧ᤹ ᤛᤠ᤹ᤖᤡᤰ ᤆᤶᤈᤶᤒᤠ ᤁᤥ᤺ᤰᤔᤠᤀᤥ ᤋᤣ᤹ᤖᤢᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤜᤠᤱᤈᤢᤶᤜᤠ᤹ ᤜᤧᤰᤁᤩᤠᤱ ᤂᤧᤵᤔᤥᤒᤠ ᤐᤕᤶ ᤕᤶᤒᤠ ᤏᤢ ᤏᤢ᤺ᤒ᤻ᤏᤢᤒᤠ ᤐᤠ᤺ᤴᤜᤠ᤹ ᤀᤥᤛᤣ᤺ᤴᤎᤠᤰᤋᤢᤀᤠᤱ 9ᤔᤧᤳᤋᤢ. “ᤂᤧᤏᤧ᤹ ᤛᤠᤶᤒᤥᤴ ᤁᤧᤓᤴᤇᤡᤱᤅᤠᤱ ᤀᤡᤱᤃᤠ᤹ ᤛᤧᤘᤠ ᤁᤧᤔᤧᤳᤋᤠᤏᤧ ᤑᤠ᤹ᤃᤪ ᤁᤱᤜᤠ᤹ ᤁᤧᤖᤧᤰ ᤐᤡᤏᤧ᤹॥”

10ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤛᤤᤋᤠᤏᤣ. ᤁᤵᤔᤥᤗᤠᤶ ᤐᤣᤃᤧ᤹. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. ‘ᤂᤧᤏᤧ᤹ ᤍᤠᤱᤒᤠ ᤁᤧᤏᤡᤱᤘᤠ᤹ᤑᤢᤔᤠᤱᤅᤡᤴᤗᤰ ᤛᤧᤘᤠ ᤔᤧᤳᤋᤧ᤹ ᤜᤧᤰᤁᤩᤠᤱ ᤂᤢᤏᤧ᤹ᤀᤡᤴᤗᤰ ᤁᤢᤛᤧᤘᤠ ᤆᤥᤃᤧ᤹ᤀᤥ॥’”#ᤛᤠᤶᤕᤥ ᤀᤡᤱ ᥌:᥇᥉ 11ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤕᤧᤛᤢᤴ ᤗᤧᤖᤢᤎᤀᤠᤱ ᤔᤠᤱᤗᤠᤀᤡᤱᤒᤠᤜᤠ᤹ ᤔᤧᤍᤩᤧ ᤜᤧᤰᤁᤩᤠᤱ ᤂᤢᤏᤧ᤹ ᤁᤶᤒᤪᤠᤱ ᤔᤧᤔᤧᤳᤋᤢ॥

ᤕᤧᤛᤢᤖᤧ ᤔᤠᤱᤛᤧᤘᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤜᤣ᤺ᤰᤋᤢ

(ᤔᤷᤁᤢ ᥇:᥇᥊-᥇᥋; ᤗᤢᤁᤠ ᥊:᥇᥊-᥇᥋)

12ᤀᤠᤸᤗ ᤕᤧᤛᤢᤖᤧ ᤕᤢᤜᤢᤴᤏᤠᤴ ᤐᤢᤱᤗᤠᤜᤡᤶᤔᤥ ᤔᤧᤛᤠᤰᤋᤢᤀᤠᤱ ᤕᤠᤰ ᤁᤧᤗ᤹ᤒᤠ ᤂᤧᤵᤛᤢᤀᤠᤱ ᤂᤢᤏᤧ᤹ ᤃᤠᤗᤡᤗ ᤌᤢᤶᤔᤥ ᤏᤢ᤺ᤰᤂᤧ ᤐᤣ॥ 13ᤂᤢᤏᤧ᤹ ᤏᤠᤛᤖᤋ ᤐᤠᤱᤈᤢᤶᤔᤡᤴ ᤗᤧᤖᤢᤀᤠᤱ ᤁᤐᤷᤏᤜᤢᤔ ᤐᤠᤱᤈᤢᤶᤔᤥ ᤘᤠ᤹ᤛᤧ ᤐᤣᤖᤥ॥ ᤂᤧᤱᤃ ᤃᤠᤗᤡᤗ ᤘᤖᤰᤁᤡᤸᤗᤧ ᤁᤢᤒᤣᤛᤠᤱ ᤏᤠᤵᤋᤠᤗᤡ ᤏᤢ ᤈᤒᤢᤗᤢᤏ ᤌᤢᤶᤔᤥ ᤏᤧᤖᤥ॥ 14ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤧᤖᤧᤒᤠᤖᤥ—

15“ᤕᤷᤍᤏ ᤕᤱᤄᤱᤅᤡᤸᤗᤧ ᤏᤠᤎᤠ᤺ᤶᤒᤡᤒᤠ ᤃᤠᤗᤡᤗ ᤘᤖᤰᤁᤡᤸᤗᤧ ᤁᤢᤒᤣᤛᤠᤱᤒᤠ ᤏᤠᤵᤋᤠᤗᤡ ᤏᤢ ᤈᤒᤢᤗᤢᤏ ᤁᤧᤕᤢᤱᤒᤠ ᤕᤠᤵᤔᤡᤛᤣ.

ᤃᤠᤗᤡᤗ ᤌᤢᤶᤔᤥ ᤁᤧᤘᤠ᤹ᤒᤠ ᤌᤡᤶᤔᤧᤴᤍᤱ ᤛᤢᤘᤠᤱᤛᤣ.

16ᤂᤠᤍᤠᤶᤔᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ᤖᤧ ᤐᤕᤶ ᤕᤶᤒᤠ ᤀᤥ᤺ᤳᤋᤡᤴ ᤔᤧᤏᤡᤛᤢᤖᤥ॥

ᤛᤡᤔᤧᤸᤗᤧᤴ ᤂᤠᤔᤠᤰᤔᤠᤀᤥ ᤁᤧᤘᤠ᤹ᤒᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤀᤥ᤺ᤳᤋᤡᤎᤡᤰ ᤀᤥ᤺ᤳᤗᤥ॥”#ᤕᤛᤤ ᥏:᥇-᥈

17ᤂᤧᤴ ᤕᤧᤶᤔᤠᤱᤎᤥ ᤕᤧᤛᤢᤖᤧ ᤀᤰᤂᤣ ᤐᤠ᤺ᤳᤋᤢᤖ ᤀᤡᤱᤓᤥᤔᤠ ᤜᤣ᤺ᤰᤋᤢ. “ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤡᤴ ᤏᤡ᤺ᤳᤋᤠᤱᤅᤣ ᤋᤩᤧᤀᤠᤱ ᤘᤠ᤹ᤖᤥ॥”

ᤕᤧᤛᤢᤖᤧ ᤌᤡᤰᤛᤡᤃᤣᤰᤐᤠ ᤜᤢ᤹ᤛᤠᤶᤒᤠᤜᤠ᤹ ᤛᤣᤃᤢᤛᤡ

(ᤔᤷᤁᤢ ᥇:᥇᥌-᥈᥆; ᤗᤢᤁᤠ ᥋:᥇-᥇᥇)

18ᤌᤡᤰᤕᤧᤴ ᤕᤧᤛᤢᤴ ᤃᤠᤗᤡᤗ ᤘᤖᤰᤁᤡᤸᤗᤧ ᤁᤢᤕᤠᤀᤥ ᤗᤠᤱᤄᤣᤃᤧᤖ ᤘᤕᤧᤸᤗᤧ ᤐᤋᤪᤢᤛ ᤔᤧᤵᤔᤏᤠᤒᤠ ᤛᤡᤔᤥᤏᤧᤴ ᤏᤢ ᤁᤢᤴᤛᤠ᤹ ᤀᤠᤴᤍᤪᤡᤕᤠᤛᤧᤴ ᤏᤡᤛᤢᤛᤡ॥ ᤂᤧᤱᤜᤠ᤹ ᤘᤖᤰᤁᤥ ᤕᤥ᤺ᤱ ᤗᤧᤵᤋᤧᤳᤇᤢᤖ ᤕᤠᤃᤧᤳᤇᤡ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤕᤥ᤺ᤱ ᤁᤧᤗᤧᤵᤐᤠ ᤘᤕᤧᤳᤇᤡᤖᤥ॥ 19ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤠᤀᤣᤃᤠᤱ ᤌᤠᤏᤧᤳᤇᤧ᤹ᤀᤥ. ᤂᤡᤴᤇᤡ᤹ ᤅᤠ ᤁᤧᤍᤧᤶᤛᤢ ᤁᤧᤍᤠ᤺ᤳᤇᤢᤒᤠ ᤁᤢᤀᤡᤛᤡᤰ ᤀᤡᤱᤃᤠ᤹ᤀᤥ ᤔᤏᤠ ᤁᤧᤍᤠ᤺ᤵᤐᤠ ᤆᤥ᤺ᤰᤏᤧᤳᤇᤡᤱᤗᤥ॥” 20ᤂᤡᤔᤥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤕᤥ᤺ᤱᤅᤡᤴ ᤏᤧᤛ᤻ᤛᤧᤳᤇᤢ ᤌᤩᤧᤛᤧᤳᤇᤢᤀᤠᤱ ᤂᤢᤏᤧ᤹ᤏᤢ ᤐᤣᤛᤡ॥ 21ᤂᤧᤵᤔᤥᤗᤠᤶ ᤔᤡᤛᤠᤰ ᤏᤠᤏᤠᤰ ᤐᤣ᤺ᤸᤗᤧ ᤕᤧᤛᤢᤖᤧ ᤈᤒ᤻ᤍᤡᤕᤠᤖᤧ ᤁᤢᤛ᤻ᤛᤠ ᤕᤠᤁᤢᤒ ᤏᤢ ᤂᤧᤸᤗᤧ ᤁᤢᤴᤛᤠ᤹ ᤕᤢᤜᤢᤴᤏᤠᤴ ᤏᤡᤛᤢᤛᤡ॥ ᤂᤧᤱᤜᤠ᤹ ᤂᤢᤴᤇᤡ᤹ ᤐᤠ᤺ᤴᤏᤢ ᤂ᤺ᤱᤒᤣᤀᤥ ᤕᤥ᤺ᤱ ᤗᤧᤶᤍᤧᤳᤇᤢᤖ ᤕᤠᤃᤧᤳᤇᤡ॥ ᤕᤧᤛᤢᤖᤧ ᤂᤧᤱᤜᤠ᤹ ᤀᤢ᤺ᤳᤋᤢᤛᤡᤏᤢᤔᤧ᤺ᤴᤏᤣ 22ᤂ᤺ᤱᤒᤣᤴ ᤏᤢ ᤂᤢᤴᤇᤡ᤹ ᤐᤠᤴ ᤗᤧᤖᤧᤳᤇᤢ ᤌᤩᤧᤛᤧᤳᤇᤢᤀᤠᤱ ᤕᤧᤛᤢᤴ ᤏᤢ ᤐᤣᤛᤡᤖᤥ॥

ᤃᤠᤗᤡᤗᤀᤥ ᤕᤧᤛᤢᤖᤧ ᤁᤢᤔᤠᤱᤛᤣᤘᤠ ᤕᤠ᤺ᤶᤒᤰᤁᤡᤴ

(ᤗᤢᤁᤠ ᥌:᥇᥍-᥇᥏)

23ᤕᤧᤛᤢᤖᤧ ᤕᤜᤢᤍᤡ ᤆᤢᤶᤗᤢᤱᤜᤡᤶᤜᤠ᤹ᤀᤥ ᤏᤡᤛᤠᤶ ᤜᤢ᤹ᤖᤢᤛᤡᤖ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱ ᤛᤧᤛᤢ. ᤜᤧᤰᤁᤩᤠᤱ ᤁᤧᤖᤧᤰ ᤐᤖᤡᤰᤗᤧᤴ ᤋᤢᤰᤔᤠ ᤕ᤹ᤔᤠᤗᤠᤶ ᤁᤧᤍᤢᤰᤐᤠᤜᤠ᤹ ᤘᤣ᤺ᤴᤍᤢᤛᤡᤖ ᤃᤠᤗᤡᤗ ᤌᤢᤶᤔᤥ ᤂᤠᤖᤠᤰ ᤋᤠᤰᤁᤴᤍᤧᤖᤥ॥ 24ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤀᤡᤱᤄᤱᤅᤡᤴ ᤛᤡᤖᤡᤕᤠ ᤗᤠᤈᤣ᤹ ᤂᤠᤖᤠᤰ ᤛᤧᤖᤧ. ᤜᤧᤰᤁᤩᤠᤱ ᤕᤖᤡᤰ ᤐᤖᤡᤰᤗᤧᤴ ᤋᤢᤰᤔᤠᤸᤗᤧ ᤋᤖᤢᤛᤡᤒᤠ ᤔᤏᤠᤜᤠ᤹. ᤁᤧᤍᤢᤰᤐᤠᤜᤠ᤹. ᤑᤧᤴᤛᤠᤶᤔᤡᤸᤗᤧ ᤕᤠᤱᤄᤢᤛᤡᤒᤠᤜᤠ᤹. ᤜᤧᤰᤁᤩᤠᤱ ᤌᤵᤔᤠ ᤁᤧᤔᤒᤠᤜᤠ᤹ ᤏᤢ ᤁᤧᤍᤢᤰᤐᤠ ᤁᤧᤕ᤹ᤒᤠᤜᤠ᤹ ᤂᤢᤏᤧ᤹ᤀᤥ ᤔᤧᤍᤠᤖᤢᤛᤡᤀᤠᤱ ᤂᤧᤱᤜᤠ᤹ ᤁᤧᤖᤧᤰ ᤏᤢᤛᤢᤛᤡᤖᤥ॥ 25ᤜᤧᤰᤁᤩᤠᤱ ᤃᤠᤗᤡᤗ ᤌᤢᤶ. ᤍᤣᤁᤠᤐᤥᤗᤡᤛ ᤌᤢᤶ. ᤕᤖᤢᤛᤗᤧᤔ. ᤕᤜᤢᤍᤡᤕᤠ ᤏᤢ ᤕᤷᤍᤏ ᤕᤱᤄᤱ ᤏᤠᤎᤠ᤺ᤶᤒᤡᤒᤠ ᤌᤢᤶᤔᤥᤗᤠᤶ ᤁᤧᤍᤠᤒᤠ ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤔᤧᤍᤡᤶᤍᤢᤖᤥ॥

Currently Selected:

ᤔᤳᤋᤡ 4: LIFOTNT

Highlight

Copy