ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤏᤡᤛᤢᤶ
ᤏᤡᤛᤢᤶ
ᤁᤴ ᤛᤠᤵᤐᤴᤏᤡᤴ ᤗᤢᤁᤠ ᤔᤧᤵᤔᤏᤠᤒᤠ ᤕᤧᤛᤢ ᤂᤪᤡᤛ᤻ᤋᤖᤧ ᤕᤠᤱᤛᤡᤒᤠ ᤁᤢᤜᤢ᤹ᤛᤠᤶᤒᤠᤸᤗᤧ ᤛᤠᤵᤋᤢᤒᤠᤖᤥ॥ ᤁᤴ ᤛᤠᤵᤐᤴᤏᤡᤱᤃ ᤋᤃᤡ ᤛᤠᤵᤋᤢᤒᤠ “ᤗᤢᤁᤠᤖᤧ ᤁᤢᤛᤢᤏᤠᤀᤡᤱᤅᤡᤸᤗᤧ” ᤁᤢᤈᤰᤗᤥ॥ ᤁᤴ ᤛᤠᤵᤐᤴ ᤛᤠᤵᤔᤠᤸᤗᤧᤴ ᤁᤢᤈᤧᤰ ᤏᤡᤱᤘᤠ᤹ᤛᤥᤰᤁᤡᤱᤃ ᤀᤠᤰᤂᤣᤗ᤹ᤖᤡᤰ ᤜᤢ᤹ᤛᤠᤶᤒᤠᤜᤠ᤹ᤖᤧ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶ ᤏᤢ ᤁᤢᤗᤠᤶᤗᤥᤔᤠᤴ ᤔᤧᤄᤥᤛᤢ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ “ᤕᤖᤢᤛᤗᤧᤶᤔᤥ. ᤕᤜᤢᤍᤡᤕᤠ ᤏᤢ ᤛᤠᤔᤖᤡᤕᤠ ᤌᤢᤶᤔᤥ. ᤜᤧᤰᤁᤩᤠᤱ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ” ᤛᤢᤏᤠᤀᤡᤱ ᤀᤡᤱᤔᤧᤓᤥᤛᤢ ᤁᤧᤗ᤹ᤒᤠᤴ ᤐᤥᤎᤰ ᤆᤥ᤺ᤰᤔᤠᤖᤥ (᥇:᥎)॥ ᤁᤴ ᤜᤡᤴᤍᤥᤰᤜᤠ᤹ᤃ ᤀᤠᤰᤂᤣᤗ᤹ᤖᤡᤰ ᤂᤪᤡᤛ᤻ᤋᤠᤏᤡ ᤛᤠᤶᤕᤥᤴ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤁᤢᤗᤠᤃᤡ ᤛᤠᤶᤕᤥ ᤐᤥ᤺ᤰᤂᤧ ᤁᤧᤗ᤹ᤒᤠ ᤔᤢᤴᤎᤢᤶᤗᤥ॥ ᤂᤪᤡᤛ᤻ᤋᤠᤏᤡ ᤛᤠᤶᤕᤥ ᤁᤧᤏᤠ᤺ᤵᤐᤠᤜᤠ᤹ ᤖᤥᤔᤡ ᤜᤠᤱᤈᤢᤶᤔᤥ ᤜᤠᤱᤒᤡᤑᤩᤢᤱ ᤁᤧᤈᤥ᤺ᤰᤐᤠ ᤔᤧ᤺ᤴᤇᤡ. ᤁᤖ ᤂᤪᤡᤛ᤻ᤋᤠᤏᤡ ᤏᤛᤠ᤺ᤴᤏᤡᤱᤃ ᤕᤜᤢᤍᤡ ᤛᤠᤶᤕᤥᤴ ᤁᤢᤗᤡᤱᤍᤥ ᤁᤧᤃᤧᤵᤐᤠ ᤛᤠᤶᤕᤥ ᤑᤠ᤹ᤀᤠᤱ ᤜᤧᤴᤏᤡ᤺ᤵᤐᤠᤜᤠ᤹ᤖᤧ ᤁᤢᤛᤡᤱ ᤔᤧᤏᤡ᤺ᤳᤋᤢᤖ ᤁᤧᤗ᤹ᤒᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤁᤴ ᤛᤠᤵᤐᤴᤏᤡᤴ ᤛᤠᤵᤋᤢᤒᤠᤖᤥ॥
ᤁᤴ ᤛᤠᤵᤐᤴᤏᤡᤴ ᤛᤢᤶᤛᤡ ᤗᤰᤁᤥ ᤜᤠᤔᤠ ᤛᤢᤰᤋᤧᤳᤗᤥ—
(᥇) ᤕᤧᤛᤢᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤐᤣᤀᤠᤱ ᤕᤖᤢᤛᤗᤧᤶᤔᤥ ᤂᤪᤡᤛ᤻ᤋᤠᤏᤡ ᤏᤛᤠ᤺ᤴᤏᤡᤴ ᤀᤡᤱᤛᤧᤖᤧᤒᤠ
(᥈) ᤐᤩᤠᤗᤣᤛ᤻ᤋᤠᤀᤡᤏ ᤗᤠᤈᤣ᤹ᤖᤧ ᤘᤣ᤹ ᤋᤧᤱᤃᤵ ᤜᤧᤱᤄᤠᤳᤋᤡ ᤛᤢᤏᤠᤀᤡᤱ ᤛᤧᤖᤧᤒᤠ
(᥉) ᤂᤠᤶᤍᤥᤗᤢᤶ ᤘᤖ᤺ᤱ ᤁᤢᤕᤠᤒᤠ ᤗᤠᤈᤣ᤹. ᤜᤠᤱᤃᤵᤜᤠ᤹ ᤏᤢ ᤖᤥᤔ ᤗᤠᤈᤣ᤹ ᤌᤠᤖᤡᤰ ᤛᤢᤏᤠᤀᤡᤱ ᤛᤧᤖᤧᤒᤠ ᤐᤥᤎᤰ॥
ᤁᤴ ᤛᤠᤵᤐᤴᤏᤥᤒᤠ ᤁᤧᤕᤧᤰᤐᤠ ᤐᤠ᤺ᤴᤏᤡᤱᤃ ᤛᤣᤛᤣᤔᤠᤱᤅᤡᤸᤗᤧ ᤁᤢᤕᤠ᤺ᤶᤒᤰᤗᤥ॥ ᤂᤢᤏᤧ᤹ᤃ ᤐᤧᤴᤋᤡᤁᤥᤛ᤻ᤋ ᤕᤧᤴᤏᤥ ᤔᤢᤰᤛᤠᤶᤏᤢ ᤕᤖᤢᤛᤗᤧᤶᤔᤥ ᤁᤧᤘᤠ᤹ᤒᤠ ᤏᤛᤠᤏᤡᤒᤠᤜᤠ᤹ᤀᤥ ᤌᤩᤧ ᤜᤧᤰᤁᤩᤠᤱ ᤛᤣᤛᤣᤜᤢᤵᤗᤰ ᤏᤢ ᤗᤠᤶᤗᤥᤒᤠᤜᤠ᤹ ᤁᤴ ᤛᤠᤵᤐᤴᤏᤥ ᤐᤥᤎᤰ ᤐᤥ᤺ᤰᤂᤧᤒᤠ ᤜᤡᤴᤍᤥᤰᤜᤠ᤹ᤀᤥ ᤗᤠᤶᤗᤥᤛᤢᤛᤡᤖ ᤂᤢᤏᤡ᤹ ᤏᤛᤠ᤺ᤴᤏᤡᤴ ᤁᤧᤎᤢᤶᤒᤠ ᤆᤥᤃᤢ ᤜᤧᤰᤁᤩᤠᤱ ᤜᤠᤱᤜᤠᤱ ᤔᤧᤳᤋᤢᤛᤡ᤹ᤖᤥ॥ ᤁᤴ ᤛᤠᤵᤐᤴᤏᤥ ᤛᤠᤵᤋᤧᤒᤠ ᤐᤠ᤺ᤴᤜᤠ᤹ᤖᤧ ᤏᤛᤠᤏᤡᤒᤠᤜᤠ᤹ᤖᤧ ᤜᤡᤱᤔᤴ ᤏᤢ ᤂᤢᤏᤡ᤹ ᤛᤣᤛᤣ ᤆᤢᤶᤗᤢᤱᤅᤥ ᤛᤢᤏᤠᤀᤡᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤐᤥᤎᤰ ᤆᤥᤃᤢ᤹ᤖᤥ॥
ᤋᤠᤱᤒᤠ ᤌᤠᤔᤡᤱ
ᤋᤥ᤺ᤴᤍᤡᤖᤧ ᤗᤠᤃᤡ ᤕᤠᤖᤡᤵ ᥇:᥇-᥈᥌
ᤕᤧᤛᤢᤖᤧ ᤀᤣᤃᤠᤱᤒᤠ ᤁᤢᤀᤡᤱᤈᤠᤱ ᤏᤢ ᤁᤢᤔᤠᤱᤜᤢᤵ ᥇:᥇-᥇᥊
ᤕᤜᤢᤍᤠᤖᤧ ᤁᤢᤗᤧᤰᤘᤠᤀᤥ ᤛᤣ᤺ᤰᤕᤢᤰ ᥇:᥇᥋-᥈᥌
ᤕᤖᤢᤛᤗᤧᤶᤔᤥ ᤋᤥ᤺ᤴᤍᤡ ᥈:᥇–᥎:᥉
ᤕᤜᤢᤍᤡᤕᤠ ᤏᤢ ᤛᤠᤔᤖᤡᤕᤠᤀᤥ ᤋᤥ᤺ᤴᤍᤡ ᥎:᥊–᥇᥈:᥈᥋
ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤁᤥ ᤋᤥ᤺ᤴᤍᤡ ᥇᥉:᥇–᥈᥎:᥉᥇
ᤐᤠᤘᤗᤖᤧ ᤆᤥᤃᤢᤒᤠ ᤌᤡᤰᤛᤡᤃᤣᤰᤐᤠ ᤀᤡᤱᤓᤴ ᥇᥉:᥇–᥇᥊:᥈᥎
ᤕᤖᤢᤛᤗᤧᤶᤔᤥ ᤁᤧᤒᤥᤱᤒᤠ ᤆᤢᤶᤗᤢᤱ ᥇᥋:᥇-᥉᥋
ᤐᤠᤘᤗᤖᤧ ᤆᤥᤃᤢᤒᤠ ᤏᤡᤛᤡᤃᤣᤰᤐᤠ ᤀᤡᤱᤓᤴ ᥇᥋:᥉᥌–᥇᥎:᥈᥈
ᤐᤠᤘᤗᤖᤧ ᤆᤥᤃᤢᤒᤠ ᤛᤢᤶᤛᤡᤃᤣᤰᤐᤠ ᤀᤡᤱᤓᤴ ᥇᥎:᥈᥉–᥈᥇:᥇᥌
ᤕᤖᤢᤛᤗᤧᤔ. ᤛᤡᤖᤡᤕᤠ ᤏᤢ ᤖᤥᤶᤔᤥ ᤐᤠᤘᤗᤧᤴ ᤛᤠᤰᤐᤠ ᤌᤠᤒᤠ ᥈᥇:᥇᥍–᥈᥎:᥉᥇
Currently Selected:
ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤏᤡᤛᤢᤶ: LIFOTNT
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.