᥈ ᤕᤢᤜᤢᤴᤏᤠ 1
1
ᤋᤢᤶᤔᤩᤠᤱᤜᤠᤱᤔᤠᤴ ᤕᤢᤜᤢᤴᤏᤠᤗᤠᤶ ᤛᤧᤘᤠ
1ᤀᤡᤱᤃᤠ᤹ ᤛᤣᤛᤣᤜᤢᤵᤗᤰᤁᤥᤒᤠ ᤋᤢᤶᤗᤠᤶᤗᤥᤒᤠᤸᤗᤧ ᤛᤣ᤺ᤰᤔᤏᤠᤔᤠ ᤋᤢᤶᤔᤩᤠᤱᤜᤠᤱᤔᤠ#᥇:᥇ ᤋᤢᤶᤔᤩᤠᤱᤜᤠᤱᤔᤠ—ᤁᤴ ᤑᤠ᤹ᤀᤡᤴ ᤗᤳᤇᤠ ᤔᤧᤴᤇᤢᤔᤠ᤹ ᤘᤕᤧᤒᤡᤗᤠ. ᤀᤡᤃᤪ ᤗᤳᤇᤠ ᤛᤣᤛᤣᤜᤢᤵᤗᤰ ᤘᤕᤧᤒᤡᤗᤠ. ᤜᤧᤰᤁᤩᤠᤱ ᤁᤢᤛ᤻ᤛᤠᤜᤠ᤹ ᤑᤠ᤹ᤀᤡᤴ ᤛᤣᤛᤣᤜᤢᤵᤗᤰᤁᤥᤒᤠ ᤔᤏᤠᤜᤠ᤹ᤒᤡᤗᤠ॥ ᤏᤢ ᤁᤢᤛ᤻ᤛᤠᤜᤠ᤹ ᤁᤴ ᤛᤰᤀᤡᤱᤄᤱᤅᤡᤴ ᤜᤠᤰᤏᤡᤱᤗᤥ॥ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤡ᤺ᤶᤈᤡ ᤔᤧᤳᤏᤡᤱᤗᤥ. ᤜᤧᤰᤁᤩᤠᤱ ᤛᤧᤰᤂᤠᤴ ᤁᤢᤛᤡᤱ ᤁᤧᤏᤡ᤺ᤵᤐᤠ ᤁᤧᤖᤧᤰᤗᤧᤀᤠᤱ ᤔᤡ᤺ᤶᤈᤡ ᤁᤧᤶᤔᤧᤳᤋᤡ᤹ᤖᤥ॥ 2ᤌᤣᤀᤠᤱᤓᤧᤸᤗᤧ ᤛᤧᤰᤂᤠ᤺ᤱᤃ ᤀᤠᤏᤡ᤹ᤀᤥ ᤘᤠ᤹. ᤜᤧᤰᤁᤩᤠᤱ ᤛᤍᤠᤍᤡᤱ ᤀᤠᤏᤡ᤹ᤏᤢᤀᤣ ᤘᤠ᤹ᤖᤥ॥ 3ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤀᤠᤒᤢᤃᤧᤴ ᤁᤢᤛ᤻ᤛᤠ ᤕᤧᤛᤢ ᤂᤪᤡᤛ᤻ᤋᤗᤠᤶ ᤁᤧᤍᤠᤒᤠ ᤗᤢᤱᤃᤢᤶ. ᤗᤢᤱᤔᤠ᤹ ᤋᤢᤰᤔᤠᤴ ᤏᤢ ᤛᤏᤠᤖᤢᤱᤅᤡᤴ ᤀᤠᤏᤡ᤹ ᤛᤧᤰᤂᤠ ᤏᤢ ᤔᤡ᤺ᤶᤈᤡᤀᤥ ᤁᤧᤘᤠ᤹ᤒᤠᤜᤠ᤹ᤏᤢ ᤘᤠ᤹ᤖᤖᤥ॥
ᤂᤪᤡᤛ᤻ᤋᤖᤧ ᤁᤢᤀᤡᤱᤈᤠᤱᤅᤥ ᤗᤠᤱᤄᤣ᤺ᤰᤔᤠ
4ᤐᤠᤏᤢᤍᤡᤱ ᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤈᤠᤱ ᤀᤠᤒᤡᤖᤧᤒᤠ ᤁᤢᤀᤡᤛᤡᤰ ᤁᤢᤓᤠ ᤁᤧᤛ᤻ᤛᤠᤜᤠ᤹ ᤛᤧᤰᤂᤠᤀᤥ ᤗᤠᤱᤔᤧᤄᤣ᤺ᤰᤗ ᤔᤧᤘᤠ᤹ᤒᤠ ᤏᤡᤱᤘᤠ᤹ ᤂᤥᤛᤢᤱᤅᤠᤱ ᤀᤡᤱᤃᤠ᤹ ᤛᤠ᤹ᤖᤡᤰ ᤀᤠᤛᤡᤰ ᤛᤔᤧᤀᤠᤱ ᤘᤠ᤹ᤀᤠᤖᤥ॥
5ᤜᤧᤰᤁᤩᤠᤱ ᤀᤠᤸᤗ. ᤀᤠᤔᤡ᤺ᤶ ᤋᤢᤶᤔᤩᤠᤱᤜᤠᤱᤔᤠᤀᤣ. ᤀᤠᤏᤡ᤹ ᤁᤠᤰ ᤗᤢᤱᤔᤠ᤹ ᤋᤢᤰᤁᤠᤛᤡ ᤑᤠ᤹ᤀᤠᤱ ᤀᤡᤱᤃᤠ᤹ ᤐᤣᤗᤡ ᤑᤠᤰᤏᤧ᤹ᤖᤥ॥ ᤁᤴ ᤁᤢᤛᤱ ᤀᤡᤱᤈᤠᤱᤃ ᤛᤠᤵᤏᤡᤱᤒᤠ ᤔᤣ᤺ᤴᤗᤥ. ᤁᤖ ᤁᤱᤃ ᤋᤃᤡᤀᤠᤱᤎᤥᤀᤣ ᤀᤠᤏᤡ᤹ᤏᤢ ᤘᤕᤧᤖᤥ॥ 6ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤡ᤺ᤶᤈᤡ ᤔᤧᤵᤔᤠ ᤑᤠ᤹ᤀᤡᤴ ᤂᤢᤏᤧ᤹ ᤁᤢᤀᤡᤱᤈᤠᤱᤜᤠ᤹ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤐᤥᤱᤔᤠᤖᤥ॥ ᤋᤃᤡᤀᤠᤱᤎᤥ ᤂᤡᤏᤡ᤹ ᤁᤠᤰᤗᤧ ᤁᤧᤄᤧᤵᤛᤢᤶᤒᤠ ᤀᤡᤱᤈᤠᤱᤅᤡᤴ ᤒᤠ ᤁᤴᤗᤥ—ᤂᤡᤏᤡ᤹ ᤗᤢᤱᤔᤠ᤹ ᤋᤢᤰᤛᤡᤱᤔᤠ ᤐᤥᤱᤗᤥ॥
7ᤕᤖᤡᤰ ᤀᤡᤱᤗᤧᤰ ᤁᤧᤒᤠ᤺ᤵᤐᤠᤜᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤔᤧᤛᤧ᤺ᤖᤧᤀᤠᤱ ᤔᤧᤘᤠ᤹ᤖᤥ॥ ᤂᤧᤱᤜᤠ᤹ᤖᤧᤃ ᤕᤧᤛᤢ ᤂᤪᤡᤛ᤻ᤋᤧᤴ ᤔᤧᤴᤇᤠᤶᤃᤧᤴ ᤕᤠᤵᤔᤡ ᤐᤥ᤺ᤰᤂᤧᤀᤠᤱ ᤏᤠᤛᤡᤱᤃᤧᤴ ᤌᤰᤁᤥ ᤋᤩᤧᤒᤠ ᤑᤠ᤹ᤀᤠᤱ ᤏᤛᤠᤴ ᤔᤧᤴᤈᤥᤃᤢᤴᤗᤥ॥ ᤀᤰᤋᤱᤒᤠ ᤔᤏᤠ᤺ᤱᤃ ᤀᤡᤱᤗᤧᤰᤐᤠ ᤏᤢ ᤂᤪᤡᤛ᤻ᤋᤖᤧ ᤁᤢᤒᤡᤑᤩᤢᤱᤒᤠᤖᤥ॥ 8ᤂᤧᤸᤗᤧᤆᤥᤃᤢᤸᤗᤧ ᤛᤡᤱᤛᤡᤱ ᤕᤧᤰᤕᤧᤰ ᤗ᤹ᤖᤧᤶᤔᤧ᤹ᤀᤥ. ᤂᤡᤏᤡ᤹ ᤁᤠᤰ ᤁᤧᤈᤥᤃᤢᤶᤒᤠ#᥇:᥎ ᤁᤧᤈᤥᤃᤢᤶᤒᤠ—ᤃᤪᤡᤁ ᤐᤠ᤺ᤴᤍᤠᤱᤅᤥ ᤛᤠᤵᤋᤧᤒᤠ ᤘᤣ᤹ ᤛᤠᤵᤗᤠᤜᤠ᤹ᤀᤥ “ᤀᤠᤈᤥᤃᤢᤶᤒᤠ” ᤛᤠᤵᤋᤧᤀᤠᤱ ᤐᤳᤗᤥ॥ ᤕᤠ᤺ᤶᤒᤰᤁᤡᤸᤗᤧᤴ ᤂᤥᤔᤠ ᤁᤧᤒᤥᤱᤒᤠ ᤂᤡᤏᤡ᤹ ᤜᤠᤱᤛᤧᤶᤔᤡᤴ ᤁᤧᤔᤠᤒᤠ ᤔᤣ᤺ᤴ. ᤁᤖ ᤁᤧᤄᤥᤒᤠ ᤐᤥ᤺ᤰᤂᤧᤶᤔᤧ᤹ᤀᤥ॥ 9ᤂᤪᤡᤛ᤻ᤋᤖᤧ ᤁᤢᤏᤡᤛᤠᤶᤒᤢᤱᤅᤥᤗᤠᤶ ᤔᤠ᤺ᤱᤄᤠ ᤁᤧᤘᤠ᤹ᤒᤠ ᤔᤏᤠ᤺ᤴᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤘᤠ᤹ᤏᤧᤴᤗᤥ॥ ᤁᤖ ᤂᤢᤏᤧ᤹ ᤁᤢᤏᤡᤛᤠᤶᤒᤢᤱᤅᤡᤴᤏᤢ ᤔᤧᤸᤗᤧᤳᤋᤣ ᤁᤧᤘᤠ᤹ᤒᤠᤴᤏᤢ ᤐᤠᤏᤢᤍᤡᤱ ᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤜᤧᤰᤁᤩᤠᤱ ᤀᤠᤒᤢᤍᤡᤱ ᤁᤢᤛ᤻ᤛᤠᤴ ᤏᤧᤵᤔᤠᤱ ᤘᤠ᤹ᤛᤡᤖᤥ॥ 10ᤂᤪᤡᤛ᤻ᤋᤖᤧ ᤛᤧᤰᤂᤠᤒᤠ ᤁᤢᤏᤡᤛᤠᤶᤒᤢᤱᤅᤡᤴ ᤔᤧᤴᤍᤠ᤺ᤵᤔᤏᤠᤒᤠ ᤔᤏᤠᤴ ᤂᤧᤏᤧ᤹ ᤁᤧᤜᤡᤶᤔᤥ ᤋᤠᤏᤧ ᤑᤠ᤹ᤃᤪ ᤂᤧᤴ ᤁᤧᤜᤡᤶᤔᤥ ᤗᤠ᤺ᤵᤔᤠ ᤔᤧᤒᤠᤱᤄᤧᤴᤏᤧ᤹ ᤜᤧᤰᤁᤩᤠᤱ ᤗᤠᤱᤅᤠᤱ ᤔᤧᤍᤠ᤺ᤰᤋᤧᤴᤏᤧ᤹ᤀᤥ॥ 11ᤀᤠᤳᤋᤡᤸᤗᤧ ᤂᤧᤴ ᤔᤏᤠᤴ ᤗᤠᤱᤍᤠ᤺ᤰᤋᤢ᤹. ᤂᤧᤱᤃ ᤂᤧᤸᤗᤧ ᤋᤠᤵᤑᤧ᤺ᤶᤒᤠ ᤁᤢᤕᤠ᤺ᤶᤒᤰᤜᤠ᤹ᤀᤥ ᤆᤢᤶ ᤁᤧᤔᤧᤵᤐᤠ ᤁᤢᤀᤡᤛᤡᤰ ᤐᤥᤱᤗᤥ॥
ᤁᤢᤏᤢᤵᤔᤠ ᤛᤧᤘᤠ
12ᤀᤡᤱᤃᤠ᤹ ᤕᤖᤡᤰ ᤐᤠ᤺ᤴᤜᤠ᤹ ᤂᤡᤏᤡ᤹ ᤛᤠᤵᤔᤠ ᤁᤳᤋᤢᤱᤛᤠᤱ. ᤁᤴ ᤐᤠ᤺ᤴᤜᤠ᤹ ᤛᤰᤀᤡᤱᤄᤱᤅᤥᤗᤠᤶ ᤔᤣ᤺ᤴ. ᤁᤖ ᤂᤡᤏᤡ᤹ ᤋᤢᤶᤏᤡᤱᤅᤠᤱᤅᤣ ᤋᤠ᤹ᤈᤧᤱᤔᤠ ᤏᤡᤱᤘᤠ᤹ ᤁᤳᤋᤢᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤀᤠᤏᤡ᤹ ᤛᤥᤛᤥᤖᤡᤰ ᤛᤠ᤹ᤖᤡᤰ ᤀᤠᤛ᤺ᤳᤗᤥ॥ 13ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣᤃᤢᤔᤠ ᤁᤧᤴᤛᤠ᤹ᤖᤧ ᤁᤢᤛ᤻ᤛᤠᤜᤠ᤹ᤖᤧ ᤂᤧᤏᤧ᤹ ᤛᤧᤘᤠ ᤁᤧᤶᤜᤠᤰᤋᤧᤀᤠᤱ ᤘᤠ᤹ᤖᤥ॥
Currently Selected:
᥈ ᤕᤢᤜᤢᤴᤏᤠ 1: LIFOTNT
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.