Loahmax 1

Gawz Laiz Cinq Hawj Gawz

1Gux zawh Bauxloah, puj koij Jizduz Yezsuz, dij Sen lowg gux hoak dij goanz zawxkauq Yezsuz, zoanzmaenh nemz gux bae koanx kauqfaengz dij Sen. 2Sowh kauqfaengz gux koanx naeh zawh zwzndowj dij Sen ndaej yinq dij goanz, zawh dix hawj puj zawxkauq dix laiz nyaengx ndaw sw dix. 3-4Sowh kauqfaengz gux koanx naeh zawh laemh lug zaiz dix, Zaeuj raeuz Yezsuz Jizduz. Yezsuz nganq boajnowx dij goanz dix maz hax, dix zawh luglan Daqvaeq. Nganq Minghkoan dij Sen maz hax, dix tai yaq daeuq zaeu, dij Sen hoakzaqnaeh hawj raeuz ruxndeq dix zawh lug zaiz dij Sen singjringh, dix miz riangz dwx taeuq.#1:3-4 Gaemz kauq naeh goj ingj rux zawh hax: Nganq Minghkoan dij Sen maz hax, dix tai yaq daeuq zaeu, dij Sen rongx dix hoak lug zaiz dij Sen miz riangz dwx taeuq naeh. 5Dij Sen yuq ndaw Yezsuz Jizduz yumq doiq piu ndae, hawj piu hoak dij goanz zawxkauq Yezsuz, hawj piu cho zwh dix bae lingz dij goanz dihndin puj gaeng gojmbaeuq maz sinq dix, hawj paenqdix cholaeng sinq dix zoq biak kauq dix. 6Gaenqsu sowh dij goanz dij Sen rongx maz hoak dij goanz Yezsuz Jizduz naeh goj zawh sowh dij goanz dix nemz gux bae lingz naeh. 7Gux laiz cinq hawj paenq Loahmax chaenh su, su zawh sowh dij goanz dij Sen ngaiq yaq rongx maz hoak dij goanz dix naeh. Ngwz Dez ndaw fax raeuz, dij Sen, daj Zaeuj raeuz, Yezsuz Jizduz gumx su, hawj su yuqvangq.

Bauxloah Ngwz Bae Loahmax Taeuq

8Hawj gux daeh hax gaemz ux daekgoanq! Gux maengx Yezsuz Jizduz how daengzle gaenqsu mbaiq dij Sen gux. Unj gaenqsu sinq dij Sen baenzzaqnaeh, dij goanz ijrawz goj ruxndeq. 9-10Gux daj dij Sen hax kauq kwnzkwnz laemh zoah su. Gux zawx taen gaenqsu ndowj taeuq eh, gux goq vanz vanz dix, ngwz dix goj faengz hawj gux bae taen su. Dij Sen gux aeu zaw kvej naeh, gux koanx kauqfaengz lug zaiz dix naeh ruxndeq gaenq gux hax naeh zawh zaeh. 11Gux zawx taen su taeuq, zawx aeu sowh gaenq ndae minghkoan dij Sen yumq aeu hawj naeh baen hawj su, hawj su daeq ka loh dix mwz naj. 12Zoq zawh hax, gux leztaen gaenqsu mizzaw sinq dij Sen, gaenqsu zoq hawj ndaw zaw gux ndaej byongz taeuq; gaenqsu leztaen gux mizzaw sinq dij Sen, gux goj hawj ndaw zaw su ndaej byongz taeuq. 13Daengzle bihnongx aj, gaenqsu ruxndeq zuxbaenz, gux haeuz soanx bae zawj su jijgaj mbaed, gux bae zawj su zawh lingz dij goanz caqsiq daeq ka loh Zaeuj, hoakzaq yuq dih puj yowngh ndai dihndai naeh, gaj taengdiak gannaeh naengz miz yowngh daet, bae mboq baenz. 14Puj rux tasw#1:14 Inxnaeh bwnz aeu kauq Cizlah laiz naeh zawh hax: Puj Cizlah. Inxnaeh puj Cizlah zoq zawh hax sowh dij goanz rux lez tasw Cizlah naeh. Bauxloah zawh aeu tasw Cizlah laiz bwnz sw naeh. gojndae, puj mboq rux tasw gojndae, puj gvai gojndae, puj uaj gojndae, gux baenz aeu kauqfaengz koanx dwk paenqdix, jixmboqzawh gux zoq zawh baznij paenqdix. 15Baenzzaqnaeh, gux zawx aeu kauqfaengz koanx dwk su taeuq, sowh dij goanz yuq ndaw Loahmax chaenh naeh aj.

Kauqfaengz Zawh Doakriangz Dwx Dij Sen

16Gux mboq aeu kauqfaengz dij Sen hoak gaenq laizlom! Baenzzaqrawz mah? Sowh kauqfaengz naeh zawh doakriangz dwx dij Sen, zawh aeu jeuq sowh dij goanz sinq naeh, zawh aeu hawj puj Yaeuhtaiq daekgoanq, yaq taeng puj yowngh ndai.#1:16 Inxnaeh bwnz aeu kauq Cizlah laiz naeh zawh hax: puj Cizlah. Inxnaeh puj Cizlah zoq zawh hax sowh dij goanz mboq zawh puj Yaeuhtaiq gaj rux lez tasw Cizlah naeh. 17Sowh kauqfaengz naeh hawj dij goanz ruxndeq dij Sen hoakzaqrawz hawj dij goanz byenqbaenz sowh goanz gaemz hax mboq miz naeh, hawj dij goanz ruxndeq byenqbaenz sowh goanz gaemz hax mboq miz naeh zwz rawz goj zawh cholaeng ciangzsinq. Daj ndaw Sw Dij Sen hax naeh dungzlumj: "Sowh goanz gaemz hax mboq miz naeh cholaeng paenqdix sinq ej ndaej aen mingh."#1:17 Suq kauq naeh haeuz yuq ndaw Sw Hazbazguh 2:4.

Dij Goanz Mboq Yinq Dij Sen Hoak Dij Sen

18Dij Sen hawj dij goanz raeuz ruxndeq dix yuq ndaw fax rik daeuj doq sowh dij goanz hoak loang dix, sowh dij goanz hoak gaenqndog naeh, zoq zawh rik daeuj doq sowh dij goanz hoak gaenqndog hawj daenh mboq ruxndeq kauqjing dij Sen naeh. 19Dij Sen haeuz hawj dij goanz ruxndeq dix baenzzaqrawz, baenzzaqnaeh laemh taeng gaenq dij Sen, gaenq rawz ruxndeq baenz dij goanz haeuz bwnz ruxndeq singjringh. 20Daeq chauq fax daj dihndin maz, daengz dij goanz lez mboq taen dij Sen baenzzaqrawz, gaj chungh sowh gaenq dix chauq naeh raeuz ruxndeq dix riangz daengznauq, dix zoq zawh dij Sen singjringh, daj yowngh ndai mboq dungzlumj. Dij goanz gawz hax mboq ruxndeq le gaenqnaeh goj hax mboq baenz. 21Dij goanz rux lej ruxndeq dij Sen, gaj dij goanz mboq aeu dix hoak dij Sen biangz dix, goj mboq mbaiq dix. Ndaw zaw paenqdix nwh gaeng goj zoq mboq miz luq, gaenq dij Sen ndaw zaw paenqdix mij taeuq, nwh gaenq mbowq baenzlwnx. 22Paenqdix hax hoakri gvai zawzmboqraeuh, gaj paenqdix gaj laeng gaj uaj, 23naengz gajfa aeu sowh gaenq rux tai naeh dang dij Sen mboq rux tai dij Sen miz najta naeh, chauq rangh dij goanz loaj, rangh dij noag loaj, rangh do'bo loaj, rangh do rux zanz loaj, gvih le gaenqnaeh.

24Dij goanz hoakzaqnaeh, dij Sen zoq jizzaz paenqdix bae hoak sowh saeh oangjangj ndaw zaw paenqdix ceu hoak naeh, yaq paenqdix zoq goanz lej aeu ndang goanz hoak gaenq mboq jihzaq. 25Sowh gaenq laemh dij Sen zaeh naeh, paenqdix mboq sinq, naengz gajfa bae sinq sowh gaenq daenh mbyaep naeh; paenqdix mboq yinq Zaeuj chauq daengzle naeh zawh dij Sen, naengz gajfa bae aeu sowh gaenq Zaeuj chauq naeh hoak dij sen, kvej le gaenqnaeh. Gaj raeuz ruxndeq Zaeuj chauq daengzle naeh hoj biangz daengznauq! Azmaenh!

26Dij goanz hoakzaqnaeh, dij Sen zoq jizzaz ndaw zaw paenqdix ceu hoak sowh saeh oangjangj naeh. Puj nyingz bejdwx taeuq, puj nyingz haeggaj daj puj nyingz zaemh yuq hoak sowh saeh oangjangj naeh. 27Puj zaiz goj dungzlumj, bejdwx taeuq, mboq daj puj nyingz zaemh yuq, puj zaiz daj puj zaiz haeggaj dungzceu, nwh niakniak, hoak sowh saeh oangjangj naeh. Paenqdix hoak sowh saeh oangjangj naeh, ndang paenqdix zoq zoah yah, dij Sen hawj paenqdix haeggaj gaux tin dip to'mehdin hoakri. 28Paenqdix dajndij mboq yinq dij Sen, dij Sen zoq jizzaz zaw paenqdix nwh gaenqndog, hoak sowh gaenq mboq hoj hoak naeh. 29Paenqdix ndog zaehzaeh, puj baenzzaqrawz goj miz, mbowq aj, maeux aj, duh taeuq aj, ta'ndaem daenh aj, dungzkaj-dungzlingz aj, dungzjeng aj, yai daenh aj, ngwz gaj daenh mboq ndae aj, laemhkoan daenh aj, 30moakndai daenh aj, hwnq dij Sen aj, qiz puj ndai aj, baegbongz aj, haeggaj hax hoakri haen zawzmboqraeuh aj, nwh gaj hoakrawz hoak gaenq mbowq tem aj, fanj bohmeh aj, 31ndaw zaw mij taeuq aj, hax rawz mboq hoak rawz aj, mboq nwh daenh aj, mboq zawchaej daenh aj. 32Hax lej hax paenqdix ruxndeq gawz hoak sowh saeh naeh dij Sen zoq panq gawz hoj tai, gaj paenqdix mboq zawh gaj hoakri paenqdix bae hoak, daenh bae hoak paenqdix goj hax hoj.

Currently Selected:

Loahmax 1: ZHN

Highlight

Copy