Zwz Nduq 8

Naemxnongz Mboak

1Dij Sen mboq sanz lumz Noahyaq daj sowh do yuq ndaw lowz naeh. Dix nemz laemz baeuq dihndin, naemxnongz zoq gaj laeng gaj mboak. 2Dihndin dih naemx og daj pumhfax dih paen daeuj gaj dih gaj dingz nauq. 3Naemxnongz gaj laeng gaj mboak, mboak ndaej baeg ux laeng hajsip vaenz. 4Bi naeh ndown daih jiat vaenz sipjiat naeh, lowz yuq ndaw Bo Yaqlazlah gaz. 5Naemx gaj laeng gaj mboak, taeng ndown daih sip vaenz cho'aet naeh, byai bo dih ndai meq maz. 6Yaq daeuq gvaq siqsip vaenz, Noahyaq aj ruzdangq, 7zoangq do a ux bae. Do a naeh mbin bae mbin dauh, mbin taengdiak naemx mboak nauq, goj mboq dauh maz. 8Noahyaq daeuq zoangq do noagbiadhaeb ux bae, lez naemx mboak nauq baeq. 9Gaj naemx naengz tumj dihndin. Noagbiadhaeb dih duh mboq miz, zoq mbin dauh maz. Noahyaq ed mungz bae deq dix maz ndaw lowz. 10Daeuq gvaq ndaej jiat vaenz, dix daeuq zoangq do noagbiadhaeb naeh bae. 11Taeng zaekgaj ndaem maz, do noagbiadhaeb naeh aeu baeg dix tw mbaw maex maeghit ux maz, mbin dauh maz haenz Noahyaq. Hoakzaqnaeh, Noahyaq ruxndeq naemx mboak nauq. 12Daeuq gvaq jiat vaenz yaq, dix daeuq zoangq do noagbiadhaeb naeh bae. Mbaed naeh, do noagbiadhaeb naeh mbin bae zoq mboq mbin dauh maz.

13Bi Noahyaq ndaej choak baeg laeng bi ux naeh, bi naeh ndown nduq dix vaenz cho aet naeh, dihndin mwt nauq. Noahyaq aj niangz lowz, lez bae haenzhenz, leztaen dihndin haeuz mwt nauq. 14Taeng ndown daih ngih, vaenz ngih jiat naeh, dihndin kawq nauq.

Noahyaq Daeq Ndaw Lowz Og Daeuj

15Dij Sen daj Noahyaq hax: 16"Mawz daj mijmez mawz, lug mawz, mijloz mawz, daengzle daeq ndaw lowz og daeuj. 17Zowz daengz sowh do daj mawz zaemh yuq ndaw lowz naeh og daeuj, zoq zawh zowz dij noag, do ndaw bo do ndaw rownz, do rux zanz, zowz daengzle og daeuj. Hawj paenqdix yuq dihndin zowngx naeuz lai ux, banh yawhyawh, hawj dihndin gaj dih gaj miz." 18Yaq Noahyaq daj mijmez dix, lug dix, mijloz dix daengzle daeq ndaw lowz og daeuj. 19Do ndaw bo do ndaw rownz, do rux zanz, dij noag, sowh do yuq dihndin naeh, do raeng goj ndae, daengzle daeq ndaw lowz og daeuj.

20 Noahyaq daep aen kuq tin ux mbud Yez'hoahhuah. Dix aeu doihdo daj dij noag sowh gaenq aeu hoak gaenq saw naeh yowngh ux do ux nyaengx now aen kuq tin mbud dij Sen, yaq aeu faez pyaeu. 21Yez'hoahhuah maen zoah sowh yai hom naeh, ndaw zaw nwh: "Mbaedmawq gux mboq rux cho dij goanz hoak loang ej fah daengz namh. Unj, gux ruxndeq dij goanz daeq zwz ix maz bwnz zaw mboq ndae, mbowq. Gux goj mboq rux hoakzaq mbaed naeh hawj dihndin gaj yowngh gaj tai nauq." 22Nanghgaj naengz miz dihndin, dihndin zoq miz zwz ndaem zwz caeu, zwz goangj zwz haeng, daj miz zang'vaenz zang'hwnz, baenzzaqnaeh daengznauq.

Currently Selected:

Zwz Nduq 8: ZHN

Highlight

Copy