Zwz Nduq 5
5
Luglan Yaqdangz
1Suq baihdawj inxnaeh zawh mai gaenq luglan Yaqdangz. Laemh zwz dij Sen chauq dij goanz naeh, dix hawj dij goanz ndaej yaiz dix. 2Dij Sen chauq puj zaiz chauq puj nyingz. Dij Sen chauq paenqdix, gumx paenqdix, yaq rongx paenqdix hoak: "dij goanz." 3Zwz Yaqdangz ndaej baeg ux laeng samsip bi naeh, dix miz goanz lug zaiz ux, gaj yowngh gaj zaep ndaej yaiz dix; saeh lug zaiz dix nyaek minxzwh hoak Saiqtowh. 4Yaqdangz miz Saiqtowh yaq, dix naengz zaeu biad baeg bi, dix goj naengz miz lug zaiz lug nyingz tem. 5Zwz Yaqdangz tai naeh, dix ndaej gaeuj baeg laeng samsip bi. 6Zwz Saiqtowh ndaej baeg ux laeng haj bi naeh, dix miz Yixnoahsowq. 7Saiqtowh miz Yixnoahsowq yaq, dix naengz zaeu biad baeg laeng jiat bi, dix goj naengz miz lug zaiz lug nyingz tem. 8Zwz dix tai naeh, dix ndaej gaeuj baeg laeng sipngih bi. 9Zwz Yixnoahsowq ndaej gaeujsip bi naeh, dix miz Gaiznanh. 10Yixnoahsowq miz Gaiznanh yaq, dix naengz zaeu biad baeg laeng siphaj bi, dix goj naengz miz lug zaiz lug nyingz tem. 11Zwz dix tai naeh, dix ndaej gaeuj-baeg-laeng-haj bi. 12Zwz Gaiznanh ndaej jiatsip bi naeh, dix miz Maxlowhleh. 13Gaiznanh miz Maxlowhleh yaq, dix naengz zaeu biad baeg laeng siqsip bi, dix goj naengz miz lug zaiz lug nyingz tem. 14Zwz Gaiznanh tai naeh, dix ndaej gaeuj baeg laeng sip bi. 15Zwz Maxlowhleh ndaej choaksip-haj bi naeh, dix miz Yaqleh. 16Maxlowhleh miz Yaqleh yaq, dix naengz zaeu biad baeg laeng samsip bi, dix goj naengz miz lug zaiz lug nyingz tem. 17Zwz Maxlowhleh tai naeh, dix ndaej biad baeg laeng gaeujsip-haj bi. 18Zwz Yaqleh ndaej baeg ux choaksip-ngih bi naeh, dix miz Yixnoah. 19Yaqleh miz Yixnoah yaq, dix naengz zaeu biad baeg bi, dix goj naengz miz lug zaiz lug nyingz tem. 20Zwz Yaqleh tai naeh, dix ndaej gaeuj baeg laeng choaksip-ngih bi. 21Zwz Yixnoah ndaej choaksip-haj bi naeh, dix miz Maxtuxsaxlaz. 22Yixnoah miz Maxtuxsaxlaz yaq, dix daeq ka loh dij Sen sam baeg bi, dix goj naengz miz lug zaiz lug nyingz tem. 23Yixnoah zaeu ndaej sam baeg laeng choaksip-haj bi. 24Yixnoah daeq ka loh dij Sen, doaklaeng dij Sen zowz dix mwz, zoq mbaeddoag mboq taen dix. 25Zwz Maxtuxsaxlaz ndaej baeg ux laeng biadsip-jiat bi, dix miz Lazmowh. 26Maxtuxsaxlaz miz Lazmowh yaq, dix naengz zaeu jiat baeg laeng biadsip-ngih bi, dix goj naengz miz lug zaiz lug nyingz tem. 27Zwz Maxtuxsaxlaz tai naeh, dix ndaej gaeuj baeg choaksip-gaeuj bi. 28Zwz Lazmowh ndaej baeg ux laeng biadsip-ngih bi naeh, dix miz goanz lug zaiz ux, 29Lazmowh hax: "Yez'hoahhuah hawj dij goanz yuq mboq ndae, hawj namh kwnj nyaj ndoagndaeg. Gaenqraeuz hoakjin raix, goanz lug zaiz naeh rux byongz raeuz." Zoq nyaek minxzwh maeng lug zaiz naeh rongx hoak Noahyaq. "Noahyaq" zawh hax: "byongz." 30Lazmowh miz Noahyaq yaq, dix naengz zaeu haj baeg laeng gaeujsip-haj bi, dix goj naengz miz lug zaiz lug nyingz tem. 31Zwz Lazmowh tai naeh, dix ndaej jiat baeg jiatsip-jiat bi. 32Noahyaq ndaej haj baeg bi yaq, miz sam goanz lug zaiz, zawh Sanx, Hanh daj Yaqfuh.
Currently Selected:
Zwz Nduq 5: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
