Zawxkauq 9

Sauxloah Dauh Maz Sinq Yezsuz

1 Sauxloah naengz gaj cog dij goanz Zaeuj, hax jixzawh paenqdix naengzgaj nowngz Yezsuz, dix zoq kaj paenqdix. Dix mwz dih goanz gvanx puj mbud dij Sen saeq dwx nyeuz daengzle naeh, 2hawj goanz naeh laiz sw bae le aen rownzndawcowq ndaw Daqmaxseqgowh chaenh naeh, hawj dij goanz dih naeh goangz sowh dij goanz sinq Yezsuz naeh, puj zaiz gojndae, puj nyingz gojndae, hawj dix puk dauh maz ndaw Yezluqsaxlaengx. 3Gau dix zaekgaj bae daeux Daqmaxseqgowh naeh, hubhaeb miz longz ux daeq ndaw fax zauq daeuj doq dix, zauq zoah daengz ndang dix nauq. 4Dix laemx bae dihndin, ruxnyinz miz hiang kauq daj dix hax: "Sauxloah, Sauxloah, mawz baenzzaqrawz vazkuz gux?" 5Dix hax: "Zaeuj aj, mawz zawh gawz ah?" Zaeuj yaeng: "Gux zawh Yezsuz goanz zoah mawz vazkuz naeh. 6Mawz dwnq maz, mwz ndaw chaenh, miz dij goanz haeggaj haxdoq mawz, mawz hoj hoak gaeng." 7Sowh puj zaemh daeq naeh in yuq dih gaengnaeh, hax kauq mboq baenz, ruxnyinz gaj hiang kauq, lez mboq taen gaeng. 8Sauxloah dwnq ndaw dihndin maz, ndowngqta, gaj gaeng goj lez mboq taen. Sowh puj daj dix zaemh daeq naeh, zung mungz dix, lingz dix mwz ndaw Daqmaxseqgowh. 9Sam vaenz dungzdam, ta dix mbud, lez mboq taen gaeng, dix mboq jin gaeng, goj mboq ndut gaeng.

10Sowh zwz naeh, yuq ndaw Daqmaxseqgowh chaenh miz goanz cohsaenz ux rongx hoak Yaqnahnihyaq. Zaeuj hawj dix daj paen'hwnz dungzlumj, ruxnyinz Zaeuj daj dix hax: "Yaqnahnihyaq." Dix yaeng: "Zaeuj aj, gux yuq inxnaeh." 11Zaeuj hax: "Mawz mwz ka loh ka rongx hoak ‘Ka Loh Swh’ naeh, yuq rownz Yaeuhdaq, dih naeh miz goanz ux rongx hoak Sauxloah, dix zawh dij goanz ndaw Daqsuq chaenh. Gannaeh dix daj gux hax kauq. 12Gux hawj dix daj paen'hwnz dungzlumj, taen goanz ux rongx hoak Yaqnahnihyaq, ndonj mwz aeu mungz baed ndang dix, hawj ta dix daeuq rux leztaen." 13Yaqnahnihyaq yaeng: "Zaeuj aj, gux ruxnyinz goanz lai taeuq hax, goanz naeh yuq ndaw Yezluqsaxlaengx hoakrawzraeuh vazkuz dij goanz mawz. 14Mbaed naeh dix maz, miz mbaw sw goanz gvanx puj mbud dij Sen saeq dwx nyeuz daengzle naeh, mbaw sw naeh hawj dix goangz sowh dij goanz aeu mawz hoak dij Sen maengx naeh." 15Gaj Zaeuj daj Yaqnahnihyaq hax: "Mawz yumq mwz, dix zawh dij goanz gux lowg, dix rux aeu gaenq gux koanx dwk sowh dij goanz mboq zawh puj Yaeuhtaiq naeh daj puj hoak hongz paenqdix, daj luglan Yixsowhleh. 16Gux rux hawj dix ruxndeq, dix rux cholaeng zwh gux ndaej jinkaem lai taeuq." 17Yaqnahnihyaq zoq mwz, dix ndonj mwz rownz gaengnaeh, aeu mungz baed ndang Sauxloah, hax: "Sauxloah laux goz aj, Yezsuz goanz yuq ka loh hawj mawz taen naeh, zoq zawh Zaeuj, dix nemz gux maz, hawj mawz daeuq rux leztaen, goj hawj Minghkoan dij Sen dumh daengz ndang mawz." 18Sowh gau naeh, ta Sauxloah miz naeng baenz laeb baenz laeb doak daeuj, dix zoq rux leztaen, yaq dix hoak diauq zauh soiq naeh. 19Jinkaeuj yaq, dix zoq miz doakriangz, zaengx daj mbaednduq dungzlumj.

Sauxloah Yuq Ndaw Daqmaxseqgowh Koanx Zaeuj Dwk Daenh

Dix daj cohsaenz ndaw Daqmaxseqgowh zaemh ndowj jij vaenz ux yaq, 20dix cenq mwz rownzndawcowq, bae hoak aen aen haxdoq daenh, haxdoq daenh Yezsuz zawh lug zaiz dij Sen. 21Sowh puj ruxnyinz naeh gaj goanz gaj sawz taeuq, hax: "Goanz yuq ndaw Yezluqsaxlaengx vazkuz dij goanz Yezsuz naeh zawh dix ejmax? Dix maz inxnaeh zawh goangz dij goanz sowh puj aeu Yezsuz hoak dij Sen maengx naeh, aeu paenqdix hawj goanz gvanx puj mbud dij Sen saeq dwx nyeuz daengzle naeh wzmax?" 22Gajlej Sauxloah gaj laeng gaj miz doakriangz, dix hax bex puj Yaeuhtaiq sowh puj yuq ndaw Daqmaxseqgowh ndowj naeh, zaenqminh Yezsuz zoq zawh Jizduz.

Puj Yaeuhtaiq Daz Haiq Sauxloah

23Gvaq ndaej ndauj ux yaq, puj Yaeuhtaiq dungzlaemh, daz kaj Sauxloah. 24Paenqdix vaenzlinzhwnz yuq baeglongq taj, daz kaj Sauxloah, gaj zoah Sauxloah ruxndeq daekgoanq. 25Zang'hwnz, cohsaenz Sauxloah zoq aeu goi dwx kven dix loangz bae baihnog bowng'jingz homx haenz chaenh naeh. 26Sauxloah mwz taeng Yezluqsaxlaengx yaq, dix daz daj cohsaenz Yezsuz bae'dauh, gaj paenqdix mbu dix, mboq sinq dix zawh cohsaenz Yezsuz. 27Mizgaj Baznahbaz daj dix bae'dauh, Baznahbaz zowz dix mwz dih dij goanz zawxkauq Yezsuz naeh. Baznahbaz haxdoq paenqdix, Sauxloah yuq doanhloh hoakrawz mex Zaeuj, Zaeuj hoakrawz daj dix hax kauq, yuq ndaw Daqmaxseqgowh dix hoakzaqrawz miz to'zaw taeuq aeu gaenq Yezsuz koanx dwk daenh, gaj yowngh gaj laemh. 28Yaq Sauxloah yuq ndaw Yezluqsaxlaengx daj cohsaenz Yezsuz bae'dauh. Dix miz to'zaw taeuq aeu gaenq Yezsuz koanx dwk daenh, 29dix daj puj Yaeuhtaiq sowh puj goak kauq Cizlah naeh dungzjinj, gaj paenqdix daz kaj dix. 30Bihnongx ndai ruxndeq, zoq soangq dix bae Kaixsaxliqyaq, yaix dix bae goakrownz dix, Daqsuq.

31Zwz naeh, dij goanz zauqhoiq ndaw mbanj Yaeuhdaq, mbanj Zazliqliq, mbanj Saxmaxliqyaq, le dih naeh yuqvangq, gaj laeng gaj daeq ka loh Zaeuj naeh vwnxcih, paenqdix gaj laeng gaj ruxndeq mbu dij Sen, Minghkoan dij Sen gaj laeng gaj byongz paenqdix, dij goanz gaj laeng gaj miz lai.

Aen Chaej Yixnihyaq Ndae

32 Bihdowh bae dih bae dih, dix ndaej bae Loixdaq dih dij goanz Yezsuz naeh. 33Zwz dix yuq Loixdaq naeh, dix mex goanz ux minxzwh rongx hoak Yixnihyaq, goanz naeh baenz sowh chaej chaeg mboq baenz naeh, yuq ndaw tanj noanz ndaej biad bi. 34Bihdowh daj dix hax: "Yixnihyaq, Yezsuz Jizduz ya mawz ndae yah, dwnq maz, jip faz mawz ndeh!" Yixnihyaq cenq dwnq maz. 35Dij goanz ndaw Loixdaq daj dij goanz ndaw Sazlunh paenqdix leztaen Yixnihyaq ndae, daengzle zoq sinq Zaeuj.

Dozzaz Daeuq Zaeu

36Yuq ndaw Yezpaq chaenh miz goanz cohsaenz Yezsuz nyingz ux, minxzwh rongx hoak Daqbixdaq, aeu kauq Cizlah rongx hoak Dozzaz. Goanz naeh kwnzkwnz hoak saeh ndae, saeh puj baenzluk. 37Zwz naeh, dix baenzchaej tai, miz dij goanz soiq dix yaq, aeu dix nyaengx gowh baihnow. 38Loixdaq daj Yezpaq song dih naeh yuq dungzzawj, cohsaenz Yezsuz ruxnyinz Bihdowh yuq ndaw Loixdaq, zoq nemz song goanz bae dih dix naeh, vanz dix: "Vanz mawz cenq daj piu bae dih piu." 39Bihdowh zoq daj paenqdix zaemh bae. Bae taeng yaq, miz dij goanz lingz dix mwz gowh baihnow. Sowh yah po haeuz tai yaq naeh daengzle in yuq haenz Bihdowh haej, aeu sowh ndangnungh zwz Dozzaz naengz zaeu hoak naeh, sowj na, sowj mbang, aeu hawj Bihdowh lez. 40Bihdowh yaix daengzle og bae baihnog, hoakri dix gvih daeuj vanz dij Sen, yaq ueq maz daj goanz puj tai naeh hax: "Daqbixdaq, dwnq maz!" Goanz gaengnaeh zoq ndowngqta, leztaen Bihdowh, zoq dwnq maz naengh. 41Bihdowh ed mungz fowz dix dwnq maz, yaix paenq dij goanz Yezsuz naeh daj sowh yah po haeuz tai yaq naeh ndonj maz, aeu Dozzaz goanz daeuq zaeu naeh hawj paenqdix. 42Mbaed saeh naeh leuz daengz Yezpaq chaenh nauq, zoq miz dij goanz lai taeuq sinq Zaeuj. 43Yaq Bihdowh yuq ndaw Yezpaq, rownz Cizmaenh goanz hoak zanghnaeng naeh ndowj yowngh ndauj.

Currently Selected:

Zawxkauq 9: ZHN

Highlight

Copy