MALAQUÍAS CALLARI YUYAI
CALLARI YUYAI
Hebreo rimaipi Malaquías nishpaca, “Ñuca cachamushca villaj” nijunmi.
Malaquías runa villashca shimicunataca, Diospaj huasita shayachishca jipa, Apunchi Jesús huacharinaca, picha patsaj huatacuna tiyajpillatami villashca.
Judá llactapi causajcunaca, Taita Dios paicunaman imata rurangapa munashpa pactachingapapash, cutinllata Judá llactaman tigrachishcataca unai huatacunapica cutinmi cunganajushca.
Chaimandami cashna ninajushca: “Taita Diostaca, yangallatami alicachinchi. Taita Diostaca, na ashtahuan alicachinachu canchi” ninajushcami. Na chaillapash tucushcachu, ashtahuangarin paicunaca pundashnallatami na alita rurashpa, Taita Diosta yarinatapash shaijushpa saquinajushca.
Judá llactapi causajcunapash, sacerdotecunapashmi, Taita Diosman cunata cungashca. Chashnami, chungamanda shujgutapash na cunajushca. Tucui imatapash ashtahuan yangatallami, Taita Diosman cunajushca.
Shinallata Dios mandashcata cazungapa randica, huashatami ricuchinajushca. Cai quilcashcacunaca, quimsapi shicanyachishcami.
Pundapica, callari capitulomanda capítulo 2 versículo 16camanmi juchata rurashcamanda, Israelcunata Taita Dios shinllita tacurishcata villajun.
Catipica, capítulo 2 versículo 17manda capítulo 3 versículo 18camanmi “Paicuna imatalla ruranajushcata Taita Dios ricungapa shamushpa, tucui mapata anchuchingami” nishpa villashca.
Chaita rurangapa shamungapaca, Jatun Diosca paipaj ñanda alichijuchun, profetata ñaupachishpa cachanatami villashca.
Quimsapica, tucuri capitulollami. Chaipica, Jatun Dios shamuna punllapica, jatun llaqui punlla shamunatami villajun. Nara chai punlla chayamujpillata, Pai ima nishcata villaj Elías runatami cachamungapa munashca.
Shinallata ninanda llaquirishpa, tucui juchacunata saquishpa, paita cazujcunaca quishpirishpa cushijuna cashcatapashmi villajun.
Currently Selected:
MALAQUÍAS CALLARI YUYAI: QVI16
Highlight
Share
Copy
Want to have your highlights saved across all your devices? Sign up or sign in
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.