Lukka 3
3
Ga̱ɓa ga̱ Yohana ma̱n baptisma
1Ka̱ gin ɗe kutl cet namtan ɗe Kaisar Tiberiyas ni ɗe bal guu ka̱ atl ga̱ Rom. A Bilatus ni ɗe gobna ga̱ ma̱n Yehudiya. A Hiridus ka̱ɗe guu ga̱ ma̱n Galili. Yilka gwas Pilip wo ata̱ ni ɗe guu ga̱ ma̱n Ituriya suk Tarakanitus. A Lisaniyas ni ɗe guu ga̱ ma̱n Abilen. 2Ka̱ Anana suk Kayapas ka̱ɗe kiɗi ma̱n pa̱lti wul ka̱ lubii ga̱ Nya. Yek Nya ga̱ɓa suk Yohana yen ga̱ Zakariya ata̱ na̱ma da̱nti ka̱ la̱ɓi. 3Yek ta̱ ngusi ma̱tlti ɗa̱nka̱ ba̱n jwe ni njaa mal dla̱lka gon asa̱ mbe ɗe Yodan wu ata̱ nima hwit ga̱ɓa mbala̱n ɗe, ta̱s cit atl gaa mal Nya ta̱s taasisi byas wul jwasa̱n ka asa̱ pa̱lisi baptisma.
4Na̱k gwe ni ga̱ lishi ka̱ lishti ga̱ Ishaya ma̱n dla̱mti ga̱ɓa ga̱ Nya ɗe:
<<Tik ɗe yal gwe na̱ma takti bi na̱ nda̱lti ka̱ la̱ɓi gwe na̱ma wulti ga̱ mbala̱n ɗe,
<La̱ka̱mi Bagaa tantu gwaka̱n, la̱ka̱ma̱n da̱nti gwaka̱n.
5Njika̱ma̱n gora̱ndla̱n ka.
Taka̱n tantu jwe kontan ka̱ju ka.
6Na̱ nu ka̱n mas mbala̱n a yen kisti ga̱ Nya.> >>#3:6 YenIsh 40:3-5.
7Yek Yohana hwi mbala̱n jwe ɗe mogaa ta̱s pa̱lisi baptisma wu ɗe, <<Ɓuɓul na̱k kii, wok hwikii ɗe ta̱k aɓii lilti mbadl ga̱ Nya ma̱n tulti wo? 8Pa̱la̱n ilgwe a mbok ang ten cit atl gaa gwaka̱n wu. Ba̱k wula̱n ɗe kii wo ma̱n ga̱s ga̱ Ibirahim wo ka̱ ni ka̱ ma̱n pa̱lti byas wul so so, nu ka̱n ni so. Nya a man palla̱t mil ye asa̱ da̱n ɗe mil ji Ibirahim. 9Na̱k ninge mago bi ndal ni ten zhila tlindi, mas tlindi jwe wut mil sogo a wotl ka a wut ka̱ wutu.>>
10Yek mbala̱mi kum ga̱zi ɗe, <<Yek ma pa̱li ye?>>
11Yek Yohana wulsi ɗe, <<Ma̱lgwe luka̱l ɗe lop niɗɗa̱ wu, ata̱ ba̱l ɗe na̱m ma̱lgwe niɗɗa̱ sowu; a ma̱lgwe ilga̱ nguki niɗɗa̱ wu ta̱s pa̱li nu pak.>>
12Ma̱n kanti wulpi boo tul mal Yohana ta̱s pa̱lisi baptisma, yek sa̱ ngemti ɗe, <<Ma̱n lishti, yek ma pa̱li ye?>>
13Yek Yohana wulsi ɗe, <<Mboka̱n ang ten gem gwaka̱n, ba̱k kama̱n wulpi boo mal mbala̱n nal man kangwe sa̱ zikii kanti wu so.>>
14Yek ma̱n hapti tlo jon kum ga̱zi ɗe, <<Yek ma pa̱li ye?>>
Yek Yohana ballisi ɗe, <<Ba̱k kama̱n wulpi mal mbala̱n ngetli so, a ba̱k sheli lal ma̱lgon gaa so. Dlo mbadl na̱ ɓatlti gwaka̱n.>>
15Mbala̱n mas na̱ma ɓa̱tti tulti ga̱ Almasihu ba̱le, sa̱ lami ta̱s yisi ko gwa Yohana ka̱ɗe Almasihu.#3:15 SogoKiristi 16Yek Yohana nda̱kisi ɗe, <<Ami wo na̱ ze ka̱n a pa̱likii baptisma, ama bal ma̱lgon a ya tuli ma̱lgwe nal mana̱n wu, ta̱ man ngetl ga̱ ta pa̱tl kapta̱lan gwasi. Tik ka pa̱likii baptisma na̱ Shishi ga̱ Nya suk wutu. 17Ta huul tlo ga̱ gwesi suk ka̱pti na̱ gal pelti wul gwasi. Ta taas lu cokti tul gwas ka mas ata̱ wut gwesi ka̱ nhu gwasi. Ka̱pti wo ata̱ kweli ka na̱ wutu gwe ba̱ a mba̱sh sowu.>>
18Yohana hwisi wunda̱l ga̱ɓa jwisi wonti ma̱n nda̱lti ɗe ta̱ nisi ma hwit ga̱ɓa ma̱n ta̱mti wu.
19Yohana ga̱ɓa ten Hiridus guu ten hapti gwe ta̱ hap kili ga̱ Pilip yilka gwas wu, suk byas wul jwe ta̱ pa̱li wonti wu. 20Yek Hiridus guu yitla Yohana ka̱ bii gwe asa̱ tel ma̱n pa̱lti byas wul wu, ɗa̱ ten byas wul jwe ta̱ pa̱li wu.
21Gas gon sa̱ nima pa̱lti baptisma mbala̱n wonti. Yek Yesu na̱ gaa gwas mago yek sa̱ pa̱liti. Ta na̱ma ngemti Nya nugo, yek tlo nya ɓuli. 22Yek Shishi ga̱ Nya yil sut nya na̱k kulu yek ta̱ dla̱l ten Yesu. Yek ga̱ɓa wul sut nya ɗe, <<Kik ɗe yen gi gwe a lamki wu. A na̱ma hwol tuk na̱ ki i'e.>>
Dla̱mti ga̱s ga̱ Yesu
23Yesu ni ka̱ gin ɗe kutl ɗe mekan ɗe ta̱ nda dla̱mti ga̱ɓa ga̱ Nya mbala̱n wu, ka̱ yisti ga̱ mbala̱n wo Yesu wo yen ga̱ Yusupu ka̱n,
Yusupu wo yen ga̱ Heli.
24Heli yen ga̱ Matat,
Matat yen ga̱ Lawi,
Lawi yen ga̱ Malki,
Malki yen ga̱ Jannai,
Jannai yen ga̱ Yusupu.
25Yusupu yen ga̱ Matatiya,
Matatiya yen ga̱ Emos,
Emos yen ga̱ Nahu,
Nahu yen ga̱ Azariya,
Azariya yen ga̱ Esli,
Esli yen ga̱ Najaya.
26Najaya yen ga̱ Ma'ata,
Ma'ata yen ga̱ Matatiya,
Matatiya yen ga̱ Shimeya,
Shimeya yen ga̱ Yusupu,
Yusupu yen ga̱ Yoda.
27Yoda yen ga̱ Yowana,
Yowana yen ga̱ Repaya,
Repaya yen ga̱ Zerubabel,
Zerubabel yen ga̱ Shayeltiyel,
Shayeltiyel yen ga̱ Niri.
28Niri yen ga̱ Malki,
Malki yen ga̱ Addi,
Addi yen ga̱ Kosama,
Kosama yen ga̱ Almadama,
Almadama yen ga̱ Er.
29Er yen ga̱ Yosi,
Yosi yen ga̱ Eliyeza,
Eliyeza yen ga̱ Yorima,
Yorima yen ga̱ Matat,
Matat yen ga̱ Lawi.
30Lawi yen ga̱ Saminu,
Saminu yen ga̱ Yehuda,
Yehuda yen ga̱ Yusupu,
Yusupu yen ga̱ Yonam,
Yonam yen ga̱ Eliyakim.
31Eliyakim yen ga̱ Malaya,
Malaya yen ga̱ Mainana,
Mainana yen ga̱ Matata,
Matata yen ga̱ Natan,
Natan yen ga̱ Dauda.
32Dauda yen ga̱ Yesse,
Yesse yen ga̱ Obida,
Obida yen ga̱ Bo'aza,
Bo'aza yen ga̱ Salmon,
Salmon yen ga̱ Nashon.
33Nashon yen ga̱ Aminadab,
Aminadab yen ga̱ Aram,
Aram yen ga̱ Hesruna,
Hesruna yen ga̱ Peresa,
Peresa yen ga̱ Yehuda.
34Yehuda yen ga̱ Yakubu,
Yakubu yen ga̱ Ishaku,
Ishaku yen ga̱ Ibirahim,
Ibirahim yen ga̱ Tera,
Tera yen ga̱ Nahor.
35Nahor yen ga̱ Seruk,
Seruk yen ga̱ Reza,
Reza yen ga̱ Pelek,
Pelek yen ga̱ Eba,
Eba yen ga̱ Shela.
36Shela yen ga̱ Kenan,
Kenan yen ga̱ Arpakshad,
Arpakshad yen ga̱ Shem,
Shem yen ga̱ Nuhu,
Nuhu yen ga̱ Lamek.
37Lamek yen ga̱ Metusela,
Metusela yen ga̱ Enok,
Enok yen ga̱ Yared,
Yared yen ga̱ Mahalalel,
Mahalalel yen ga̱ Kenan.
38Kenan yen ga̱ Enosh,
Enosh yen ga̱ Shitu,
Shitu yen ga̱ Adamu,
Adamu wo ga̱ Nya.
Currently Selected:
Lukka 3: GYZ
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
