Iok-hān Hok-im 4

Iâ-so͘ kap Sat-má-lī-a ê Hū-jîn-lâng

1Hoat-lī-sài-phài ê lâng ū thiaⁿ-tio̍h Iâ-so͘ pí Iok-hān chio khah chōe bûn-tô͘, koh kā khah chōe lâng sóe-lé. 2Kî-si̍t Iâ-so͘ m̄-bat kā lâng sóe-lé, sī I ê bûn-tô͘ kā lâng sóe-lé. 3Iâ-so͘ thiaⁿ-tio̍h chit-ê tāi-chì chiū lī-khui Iû-thài, tńg-khì Ka-lī-lī; 4I tio̍h keng-kè Sat-má-lī-a. 5Iâ-so͘ lâi kàu Sat-má-lī-a ê chi̍t ê siâⁿ, kiò-chòe Sū-ka, chit-ê siâⁿ óa-kūn Ngá-kok hō͘ i ê kiáⁿ Iok-sek hit-tè tōe. 6Ngá-kok-chíⁿ tī hia. Iâ-so͘ in-ūi kiâⁿ-lō͘ chin siān chiū chē tī chíⁿ-piⁿ. Hit-sî chha-put-to sī tiong-tàu.

7Ū chi̍t ê Sat-má-lī-a ê hū-jîn-lâng lâi chhiūⁿ-chúi. Iâ-so͘ tùi i kóng, “Chhiáⁿ chi̍t-sut-á chúi hō͘ góa lim.” 8Hit-sî I ê bûn-tô͘ í-keng ji̍p-khì siâⁿ-lāi bóe chia̍h-mi̍h.

9 Sat-má-lī-a ê hū-jîn-lâng ìn Iâ-so͘ kóng, “Lí sī Iû-thài-lâng, ná ōe tùi góa chit-ê Sat-má-lī-a ê cha-bó͘-lâng thó chúi lim?” Goân-lâi Iû-thài-lâng kap Sat-má-lī-a-lâng bô lâi-óng.

10Iâ-so͘ ìn kóng, “Lí nā liáu-kái Siōng-tè hō͘ lâng ê un-sù, koh ū tùi lí kóng ‘Chhiáⁿ chi̍t-sut-á chúi hō͘ góa lim’ hit-ê sī sím-mi̍h-lâng, lí chá chiū ōe kā I kiû, I chá chiū ōe chiong oa̍h-chúi hō͘ lí.”

11Hū-jîn-lâng kóng, “Sian-siⁿ, lí bô chhiūⁿ-chúi ê khì-khū, chíⁿ koh chhim, lí beh án-chóaⁿ tit-tio̍h oa̍h-chúi? 12Goán ê chó͘-sian Ngá-kok lâu chit-ê chíⁿ hō͘ goán, i ka-kī, i ê kiáⁿ-sun, kap i ê cheng-siⁿ, lóng lim chit-ê chíⁿ-chúi, lí kiám ōe pí i khah gâu?”

13Iâ-so͘ ìn kóng, “Lim chit-ê chíⁿ-chúi ê lâng lóng ōe koh chhùi-ta; 14put-kò lim góa só͘ beh hō͘ i ê chúi--ê bōe koh chhùi-ta. In-ūi góa beh hō͘ i ê chúi tī i ê lāi-bīn ōe chiâⁿ-chòe chúi-chôaⁿ, it-ti̍t chhèng-chhut oa̍h-chúi, hō͘ i tit-tio̍h éng-oán ê oa̍h-miā.”

15Hū-jîn-lâng kóng, “Sian-siⁿ, chhiáⁿ hō͘ góa chit-ê chúi, góa chiah bōe koh chhùi-ta, mā bián koh lâi chia chhiūⁿ-chúi.”

16Iâ-so͘ kā i kóng, “Lí khì kiò lí ê tiōng-hu, chhōa i lâi chia.”

17Hū-jîn-lâng ìn kóng, “Góa bô tiōng-hu.”

Iâ-so͘ kā i kóng, “Lí kóng ‘Góa bô tiōng-hu’ ū-iáⁿ. 18Lí bat ū gō͘ ê tiōng-hu, hiān-chāi chit-ê m̄-sī lí ê tiōng-hu, lí kóng--ê sī sū-si̍t.”

19Hū-jîn-lâng kóng, “Sian-siⁿ, góa khòaⁿ lí sī sian-ti. 20Goán Sat-má-lī-a-lâng ê chó͘-sian tī chit-ê soaⁿ-téng kèng-pài Siōng-tè; lín Iû-thài-lâng kóng Iâ-lō͘-sat-léng chiah sī kèng-pài Siōng-tè ê só͘-chāi.”

21Iâ-so͘ tùi i kóng, “Hū-jîn-lâng, tio̍h sìn góa. Sî teh-beh kàu, hit-sî lín bōe tī chit-ê soaⁿ-téng, mā bōe tī Iâ-lō͘-sat-léng kèng-pài Pē. 22Lín Sat-má-lī-a-lâng kèng-pài lín só͘ m̄ bat--ê; goán Iû-thài-lâng kèng-pài goán só͘ bat--ê; in-ūi chín-kiù tùi Iû-thài-lâng chhut--lâi. 23Put-kò, sî teh-beh kàu, hiān-chāi chiū-sī, chin-chiàⁿ kèng-pài Pē ê lâng ōe ēng sim-lêng kap chin-sêng kèng-pài. In-ūi Pē ài chit-khoán ê lâng kèng-pài I. 24Siōng-tè sī Sîn, kèng-pài I ê lâng tio̍h ēng sim-lêng kap chin-sêng kèng-pài.”

25Hū-jîn-lâng tùi I kóng, “Góa chai hit-ūi chheng-chòe Ki-tok ê Bí-sài-a teh-beh lâi, I lâi ê sî ōe chiong it-chhè ê tāi-chì kā goán kóng.”

26Iâ-so͘ kā i kóng, “Góa, chit-ê teh kap lí kóng-ōe--ê chiū-sī.”

27Tú chit-ê sî, Iâ-so͘ ê bûn-tô͘ tńg--lâi. In khòaⁿ-tio̍h Iâ-so͘ kap hū-jîn-lâng teh kóng-ōe, kám-kak chin kî-koài, put-kò bô lâng mn̄g hū-jîn-lâng “Lí beh chhòng sím-mi̍h”, á-sī mn̄g Iâ-so͘ “Lí ná teh kap hū-jîn-lâng kóng-ōe”.

28Hū-jîn-lâng chiū chiong chúi-pân pàng-hē--teh, tńg-khì siâⁿ-lāi, tùi lâng kóng, 29“Lâi-khì khòaⁿ, chit-ê lâng chiong góa kè-khì só͘ chòe ê it-chhè lóng kā góa kóng--chhut-lâi. I káⁿ sī Ki-tok ho͘hⁿ?” 30Tāi-ke chiū chhut-siâⁿ khì khòaⁿ Iâ-so͘.

31Hit-sî bûn-tô͘ kā Iâ-so͘ kóng, “Lia̍p-pí, chhiáⁿ lâi chia̍h.”

32Iâ-so͘ kā in kóng, “Góa ū lín m̄-chai ê chia̍h-mi̍h.”

33Bûn-tô͘ chiū mn̄g-lâi-mn̄g-khì kóng, “Kiám ū lâng the̍h mi̍h-kiāⁿ hō͘ I chia̍h?”

34Iâ-so͘ kā in kóng, “Góa ê chia̍h-mi̍h chiū-sī si̍t-hêng chhe góa Hit-ūi ê chí-ì, koh oân-sêng I ê kang-chok. 35Lín kiám bô án-ni kóng ‘Koh sì kò-ge̍h chiū ū thang siu-sêng’? Góa kā lín kóng, ba̍k-chiu peh hō͘ kim, khòaⁿ sì-bīn ê chhân-hn̂g; ngó͘-kok í-keng sek, thang siu-sêng lah. 36Hiān-chāi siu-koah ê lâng í-keng teh niá kang-chîⁿ, koh teh siu-sêng hō͘ lâng tit-tio̍h éng-oán oa̍h-miā ê ngó͘-kok, hō͘ iā-chéng--ê kap siu-koah--ê chòe-hé hoaⁿ-hí. 37In-ūi sio̍k-gú kóng ‘Chi̍t ê iā-chéng, chi̍t ê siu-koah’, kóng-liáu chin tio̍h. 38Lín bô sin-khó͘ keng-choh--ê, góa chhe lín khì siu-sêng; pa̍t-lâng sin-khó͘, lín hióng-siū in sin-khó͘ ê sêng-kó.”

39Hit-ê siâⁿ ū chin chōe Sat-má-lī-a-lâng sìn Iâ-so͘, in-ūi hit-ê hū-jîn-lâng choh-chèng kóng, “I chiong góa kè-khì só͘ chòe ê it-chhè lóng kā góa kóng--chhut-lâi.” 40Só͘-í hiah-ê Sat-má-lī-a-lâng lâi kìⁿ Iâ-so͘, kiû I tòa in hia, I chiū tī hia tòa nn̄g ji̍t.

41In-ūi Iâ-so͘ só͘ kóng ê ōe, ū koh-khah chōe lâng lâi sìn. 42Hiah-ê lâng kā hit-ê hū-jîn-lâng kóng, “Hiān-chāi goán sìn, m̄-sī in-ūi lí só͘ kóng ê ōe, sī in-ūi goán ū chhin-hī thiaⁿ-tio̍h Iâ-so͘ ê ōe, chai-iáⁿ I chin-chiàⁿ sī sè-kan ê Kiù-chú.”

Iâ-so͘ I-hó Koaⁿ-oân ê Kiáⁿ

(Thài 8.5-13; Lō͘ 7.1-10)

43Nn̄g ji̍t āu, Iâ-so͘ lī-khui hia khì Ka-lī-lī. 44In-ūi Iâ-so͘ ka-kī bat kóng, “Sian-ti tī ka-kī ê kò͘-hiong bōe siū chun-tiōng.” 45Iâ-so͘ kàu Ka-lī-lī ê sî, Ka-lī-lī-lâng ū kā I hoan-gêng, in-ūi in khì Iâ-lō͘-sat-léng kè Pôaⁿ-kè-choeh ê sî, ū khòaⁿ-tio̍h I tī choeh-kî tiong só͘ chòe it-chhè ê tāi-chì.

46Iâ-so͘ koh tńg-khì Ka-lī-lī ê Ka-ná, chiū-sī I bat ēng chúi pìⁿ-chòe chiú ê só͘-chāi. Tī hia ū chi̍t ê Ka-pek-lông ê koaⁿ-oân, i ê kiáⁿ phòa-pīⁿ. 47I thiaⁿ-tio̍h Iâ-so͘ tùi Iû-thài lâi kàu Ka-lī-lī, chiū khì kiû Iâ-so͘ lo̍h-khì Ka-pek-lông i-tī i ê kiáⁿ, in-ūi i ê kiáⁿ teh-beh sí lah. 48Iâ-so͘ kā i kóng, “Lín nā bô khòaⁿ-kìⁿ sîn-jiah kî-sū, it-tēng bōe sìn.”

49Hit-ê koaⁿ-oân ìn kóng, “Sian-siⁿ, chhiáⁿ lí tī góa ê sòe-kiáⁿ iáu-bē sí í-chêng lo̍h--lâi-khì.”

50Iâ-so͘ tùi i kóng, “Tńg--khì, lí ê kiáⁿ bōe sí.”

Hit-ê lâng sìn Iâ-so͘ kā i kóng ê ōe, chiū tńg--khì. 51Tī lō͘-tiong, i ê po̍k-jîn tú--tio̍h, kā i kóng i ê sòe-kiáⁿ oa̍h--khí-lâi lah.

52I chiū mn̄g in i ê kiáⁿ sím-mi̍h sî hó--khí-lâi. In ìn kóng, “Chā-hng ē-po͘ chi̍t tiám jia̍t chiū thè--khì.” 53Lāu-pē chai-iáⁿ, tú-tú hit-ê sî Iâ-so͘ kā i kóng “Lí ê kiáⁿ bōe sí”. I ka-kī sìn, choân-ke ê lâng mā lóng sìn.

54Che sī Iâ-so͘ tùi Iû-thài lâi Ka-lī-lī í-āu só͘ kiâⁿ ê tē-jī ê sîn-jiah.

Currently Selected:

Iok-hān Hok-im 4: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Iok-hān Hok-im 4

Videos for Iok-hān Hok-im 4

Water of Life

BibleProject

John 4:1-26

Lumo Project

Samaritan Woman

Jesus Film Project

Jesus Speaks with a Woman at a Well

The Chosen

Iok-hān Hok-im 4

Popular Bible Verses from
Iok-hān Hok-im 4

Videos for Iok-hān Hok-im 4

Water of Life

John 4:1-26

Samaritan Woman

Jesus Speaks with a Woman at a Well

Bible:

Chinese, Min Nan

Version: 現代台語譯本羅馬字版 - TTVR

Iok-hān Hok-im 4

Iok-hān Hok-im 4

Popular Bible Verses from Iok-hān Hok-im 4

Videos for Iok-hān Hok-im 4

Water of Life

John 4:1-26

Samaritan Woman

Jesus Speaks with a Woman at a Well

Bible:

Chinese, Min Nan

Version: 現代台語譯本羅馬字版 - TTVR

Iok-hān Hok-im 4

Popular Bible Verses from
Iok-hān Hok-im 4