Iok-hān Hok-im 18

Iâ-so͘ Siū Chhut-bōe, Siū Lia̍h

(Thài 26.47-56; Khó 14.43-50; Lō͘ 22.47-53)

1Iâ-so͘ kî-tó soah, chiū kap I ê bûn-tô͘ chhut--khì, kè-khì Khip-lûn-khoe ê hit-pêng. Tī hia ū chi̍t khu hn̂g, Iâ-so͘ kap I ê bûn-tô͘ ji̍p--khì. 2Chhut-bōe Iâ-so͘ ê Iû-tāi mā chai hit só͘-chāi, in-ūi Iâ-so͘ kap I ê bûn-tô͘ siông-siông tī hia chū-chi̍p. 3Só͘-í Iû-tāi chiū chhōa chi̍t tūi Lô-má peng, í-ki̍p chè-si-tiúⁿ kap Hoat-lī-sài-phài ê lâng só͘ phài Sèng-tiān ê kéng-ōe khì kàu hia, chhiú gia̍h teng, hé-pé, kap bú-khì. 4Iâ-so͘ chai I só͘ beh tú-tio̍h it-chhè ê tāi-chì, chiū kiâⁿ chìn-chêng, tùi in kóng, “Lín teh chhē sím-mi̍h-lâng?”

5In ìn kóng, “Ná-sat-le̍k-lâng Iâ-so͘.”

Iâ-so͘ kóng, “Góa chiū-sī.”

Chhut-bōe Iâ-so͘ ê Iû-tāi mā kap in khiā chòe-hé. 6Iâ-so͘ chi̍t-ē kā in kóng “Góa chiū-sī”, in chiū tò-thè, tó lo̍h-khì thô͘-kha. 7Iâ-so͘ koh chi̍t piàn mn̄g in, “Lín teh chhē sím-mi̍h-lâng?”

In ìn kóng, “Ná-sat-le̍k-lâng Iâ-so͘.”

8Iâ-so͘ kóng, “Góa í-keng kā lín kóng góa chiū-sī. Lín nā-sī teh chhē góa, chiah-ê lâng tio̍h pàng in khì.” 9Chit-ê ōe sī beh èng-giām I í-chêng só͘ kóng--ê, “Lí só͘ hō͘ góa ê lâng, chi̍t ê to bōe bia̍t-bông.”

10 Se-bûn Pí-tek ū tòa chi̍t ki to, chiū pu̍ih--chhut-lâi, tùi tōa-chè-si ê po̍k-jîn phut--lo̍h-khì, kā i chiàⁿ-pêng ê hī-á siah--khí-lâi; hit-ê po̍k-jîn ê miâ kiò-chòe Má-le̍k-kó͘. 11Iâ-so͘ kā Pí-tek kóng, “To siu-ji̍p siù! Pē só͘ hō͘ góa ê khó͘-poe, góa kiám ōe-tàng bô lim?”

Iâ-so͘ Hō͘ Lâng Ah-khì Tōa-chè-si Bīn-chêng

12Āu-lâi, hit-tūi Lô-má peng kap tūi-tiúⁿ, í-ki̍p Iû-thài-lâng ê kéng-ōe lia̍h Iâ-so͘, kā I pa̍k--khí-lâi. 13In seng kā I ah-khì hō͘ A-ná, in-ūi A-ná sī hit-nî ê tōa-chè-si Kai-a-hoat ê tiūⁿ-lâng. 14Chit-ê Kai-a-hoat í-chêng bat tùi Iû-thài-kàu tong-kio̍k kiàn-gī, kóng “Lêng-khó hō͘ chi̍t ê lâng thòe chèng-lâng sí sī khah hó”.

Pí-tek M̄ Jīn Iâ-so͘

(Thài 26.69-70; Khó 14.66-68; Lō͘ 22.55-57)

15 Se-bûn Pí-tek kap lēng-gōa chi̍t ê bûn-tô͘ tè Iâ-so͘ khì; hit-ê bûn-tô͘ kap tōa-chè-si ū se̍k-sāi, só͘-í tè Iâ-so͘ ji̍p-khì tōa-chè-si kong-koán ê lāi-bīn-tiâⁿ, 16m̄-kú Pí-tek khiā tī mn̂g-kháu. Kap tōa-chè-si se̍k-sāi hit-ê bûn-tô͘ chhut--lâi, kā kò͘-mn̂g ê lú-pī kóng--chi̍t-ē, chiū chhōa Pí-tek ji̍p--khì. 17Kò͘-mn̂g ê lú-pī tùi Pí-tek kóng, “Lí mā-sī hit-ê lâng ê bûn-tô͘ ho͘hⁿ?”

I kóng, “Góa m̄-sī!”

18In-ūi thiⁿ-khì léng, hiah-ê po̍k-jîn kap kéng-ōe sio hé-thòaⁿ, khiā-teh hang-sio; Pí-tek mā kap in chòe-hé khiā-teh hang.

Tōa-chè-si Sím-mn̄g Iâ-so͘

(Thài 26.59-66; Khó 14.55-64; Lō͘ 22.66-71)

19Tōa-chè-si sím-mn̄g Iâ-so͘ koan-hē I ê bûn-tô͘ kap I ê kàu-hùn ê tāi-chì. 20Iâ-so͘ ìn kóng, “Góa lóng kong-khai tùi sè-kan-lâng kóng-ōe. Góa siông-siông tī Iû-thài-lâng chū-chi̍p ê hōe-tn̂g kap Sèng-tiān lāi kà-sī lâng; góa m̄-bat pì-bi̍t kóng. 21Lí sī-án-chóaⁿ sím-mn̄g góa? Lí khì mn̄g bat thiaⁿ góa kóng-ōe ê lâng, khòaⁿ góa tùi in kóng sím-mi̍h, in chai góa só͘ kóng--ê.”

22Iâ-so͘ kóng-liáu, khiā tī piⁿ--á ê chi̍t ê kéng-ōe kā I siàn chhùi-phóe, kóng, “Lí káⁿ án-ni ìn tōa-chè-si?”

23Iâ-so͘ ìn i kóng, “Góa nā kóng m̄-tio̍h, lí tio̍h chí-chhut chhò-gō͘; nā kóng tio̍h, sī-án-chóaⁿ kā góa phah?”

24Jiân-āu A-ná chiong hō͘ lâng pa̍k--teh ê Iâ-so͘ ah-khì hō͘ tōa-chè-si Kai-a-hoat.

Pí-tek Koh-chài M̄ Jīn Iâ-so͘

(Thài 26.71-75; Khó 14.69-72; Lō͘ 22.58-62)

25 Se-bûn Pí-tek iáu khiā-teh hang-hé. Ū lâng mn̄g i, “Lí mā-sī hit-ê lâng ê bûn-tô͘ ho͘hⁿ?”

Pí-tek m̄ jīn, kóng, “Góa m̄-sī!”

26Tōa-chè-si ê chi̍t ê po̍k-jîn, sī hī-á hō͘ Pí-tek siah--khí-lâi hit-ê lâng ê chhin-chiâⁿ, tùi i kóng, “Góa kiám m̄-sī ū khòaⁿ-tio̍h lí kap I tī hn̂g-lāi?”

27 Pí-tek koh-chài m̄ jīn; hit-sî, koe sûi-sî thî.

Iâ-so͘ tī Pí-lia̍p-to Bīn-chêng Siū Sím-phòaⁿ

(Thài 27.1-2, 11-14; Khó 15.1-5; Lō͘ 23.1-5)

28Thàu-chá, Iû-thài-lâng ê léng-siù chiong Iâ-so͘ tùi Kai-a-hoat hia ah-khì chóng-tok-hú; in ka-kī bô ji̍p--khì, in-ūi kiaⁿ bak-tio̍h lâ-sâm soah bōe-tàng chia̍h Pôaⁿ-kè-choeh ê boán-chhan. 29Só͘-í, Pí-lia̍p-to chhut-lâi kìⁿ in, mn̄g in kóng, “Lín kò chit-ê lâng sím-mi̍h chōe?”

30In ìn kóng, “Chit-ê lâng nā bô chòe pháiⁿ tāi-chì, goán bōe kā I kau hō͘ lí.”

31 Pí-lia̍p-to kā in kóng, “Lín ka-kī khì pān, chiàu lín ê Lu̍t-hoat kā I sím-phòaⁿ.”

In tùi i kóng, “Goán bô koân kā lâng phòaⁿ sí-hêng.” 32Che sī beh èng-giām Iâ-so͘ í-chêng só͘ kóng ê ōe, piáu-sī I teh-beh án-chóaⁿ sí.

33 Pí-lia̍p-to koh ji̍p-khì chóng-tok-hú, tiàu Iâ-so͘ lâi, mn̄g I kóng, “Lí sī Iû-thài-lâng ê Ông sī--bô?”

34Iâ-so͘ ìn kóng, “Lí án-ni mn̄g góa sī lí ka-kī ê ì-sù, á-sī thiaⁿ-tio̍h pa̍t-lâng kā lí kóng góa ê tāi-chì?”

35 Pí-lia̍p-to kóng, “Góa kiám sī Iû-thài-lâng? Lí pún-cho̍k ê lâng kap chè-si-tiúⁿ chiong lí kau hō͘ góa. Lí ū chòe sím-mi̍h tāi-chì?”

36Iâ-so͘ ìn kóng, “Góa ê Kok-tō͘ m̄-sī sio̍k chit sè-kan. Góa ê Kok-tō͘ nā sio̍k chit sè-kan, góa ê pō͘-hā ōe ūi góa cheng-chiàn, bián tì-kàu góa siū chhut-bōe hō͘ Iû-thài-lâng ê léng-siù. Kî-si̍t, góa ê Kok-tō͘ m̄-sī sio̍k chit sè-kan.”

37 Pí-lia̍p-to chiū mn̄g I kóng, “Án-ni lí sī ông lo͘h?”

Iâ-so͘ ìn kóng, “Lí kóng góa sī ông. Góa ūi-tio̍h chit-ê chhut-sì, ūi-tio̍h chit-ê lâi sè-kan, sī beh ūi chin-lí choh-chèng. Sio̍k chin-lí ê lâng lóng ōe thiaⁿ góa ê siaⁿ.”

38 Pí-lia̍p-to mn̄g I kóng, “Sím-mi̍h sī chin-lí?”

Iâ-so͘ Siū Phòaⁿ Sí-hêng

(Thài 27.15-31; Khó 15.6-20; Lō͘ 23.13-25)

Kóng soah, Pí-lia̍p-to chiū koh chhut-khì gōa-bīn tùi in kóng, “Góa chhâ bōe chhut I ū sím-mi̍h chōe. 39Lín ū chi̍t ê koàn-lē, tī Pôaⁿ-kè-choeh góa tio̍h pàng chi̍t ê hoān-lâng hō͘ lín. Án-ni, lín ài góa pàng Iû-thài-lâng ê Ông hō͘ lín--bô?”

40In koh tōa-siaⁿ hoah, “M̄-sī chit-ê lâng, goán ài Pa-lia̍p-pa!” Pa-lia̍p-pa sī chi̍t ê pō-tô͘.

Currently Selected:

Iok-hān Hok-im 18: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Iok-hān Hok-im 18

Videos for Iok-hān Hok-im 18

Jesus and Pilate

The Bible Series

Pilate and Jesus

Son of God

The Arrest of Jesus and Peter's Denial

Jesus Film Project

My Kingdom is Not of This World

Jesus Film Project

Iok-hān Hok-im 18

Popular Bible Verses from
Iok-hān Hok-im 18

Videos for Iok-hān Hok-im 18

Jesus and Pilate

Pilate and Jesus

The Arrest of Jesus and Peter's Denial

My Kingdom is Not of This World

Bible:

Chinese, Min Nan

Version: 現代台語譯本羅馬字版 - TTVR

Iok-hān Hok-im 18

Iok-hān Hok-im 18

Popular Bible Verses from Iok-hān Hok-im 18

Videos for Iok-hān Hok-im 18

Jesus and Pilate

Pilate and Jesus

The Arrest of Jesus and Peter's Denial

My Kingdom is Not of This World

Bible:

Chinese, Min Nan

Version: 現代台語譯本羅馬字版 - TTVR

Iok-hān Hok-im 18

Popular Bible Verses from
Iok-hān Hok-im 18