Iok-hān Hok-im 14

Iâ-so͘ Sī Tō-lō͘, Chin-lí, Oa̍h-miā

1Iâ-so͘ koh kóng, “Lín ê sim m̄-thang tio̍h-kip put-an. Tio̍h sìn Siōng-tè, mā tio̍h sìn góa. 2Tī góa ê Pē ê chhù ū chin chōe pâng-keng, góa khì sī beh kā lín chún-pī só͘-chāi. Nā m̄-sī án-ni, góa bōe kā lín kóng chit-ê tāi-chì. 3Góa khì kā lín pī-pān só͘-chāi liáu-āu, ōe koh lâi chhōa lín khì góa hia; góa tī hia, lín mā ōe tī hia. 4Góa beh khì ê hit-tiâu lō͘, lín chai.”

5 To-má kā Iâ-so͘ kóng, “Chú ah, goán to m̄ chai lí beh khì tó-ūi, beh ná ōe chai hit-tiâu lō͘?”

6Iâ-so͘ kā i kóng, “Góa chiū-sī tō-lō͘, chin-lí, oa̍h-miā. Nā m̄-sī thong-kè góa, bô lâng ōe-tàng khì Pē hia. 7Lín nā bat góa, mā ōe bat góa ê Pē. Tùi taⁿ í-āu, lín bat I, in-ūi lín í-keng ū khòaⁿ-kìⁿ I.”

8 Hui-le̍k kā Iâ-so͘ kóng, “Chú ah, chiong Pē hián-sī hō͘ goán khòaⁿ, goán chiū boán-chiok.”

9Iâ-so͘ ìn kóng, “Hui-le̍k, góa kap lín chòe-hé chiah-ni̍h kú, lí iáu m̄ bat góa o͘h? Khòaⁿ-kìⁿ góa, chiū-sī khòaⁿ-kìⁿ Pē. Lí ná ōe kóng ‘Chiong Pē hián-sī hō͘ goán khòaⁿ’? 10Góa tī Pē lāi-bīn, Pē mā tī góa lāi-bīn, lí bô sìn sī--bô? Góa kā lín kóng ê ōe m̄-sī chhut tī góa ka-kī, sī tiàm tī góa lāi-bīn ê Pē teh chòe I ka-kī ê tāi-chì. 11Tio̍h sìn góa tī Pē lāi-bīn, Pē tī góa lāi-bīn; nā bô, mā tio̍h in-ūi góa só͘ chòe ê tāi-chì lâi sìn. 12Góa si̍t-si̍t-chāi-chāi kā lín kóng: Sìn góa ê lâng ōe chòe góa só͘ chòe ê sū, sīm-chì ōe chòe koh-khah tōa--ê, in-ūi góa beh khì Pē hia. 13Lín hōng góa ê miâ bô-lūn kiû sím-mi̍h, góa it-tēng ōe kā lín chòe, thang hō͘ Pē tùi Kiáⁿ tit-tio̍h êng-kng. 14Lín nā hōng góa ê miâ bô-lūn kiû sím-mi̍h, góa it-tēng ōe kā lín chòe.”

Èng-ún Sù Sèng Sîn

15“Lín nā thiàⁿ góa, chiū ōe chun-siú góa ê bēng-lēng. 16Góa beh tùi Pē kiû, I ōe sù lín lēng-gōa chi̍t ūi Ùi-chō͘-chiá, thang kap lín éng-oán tông-chāi. 17I sī chin-lí ê Sîn, sè-kan-lâng bōe-tàng chiap-siū--ê, in-ūi in bô khòaⁿ-kìⁿ I, mā m̄ bat I. M̄-kú lín bat I, in-ūi I kap lín tông-chāi, ōe kè-sio̍k tī lín lāi-bīn.

18“Góa bōe pàng lín chòe ko͘-jî; góa ōe koh tò-tńg-lâi lín chia. 19Koh bô jōa kú, sè-kan-lâng bōe koh khòaⁿ-kìⁿ góa, put-kò lín ōe khòaⁿ-kìⁿ góa, in-ūi góa oa̍h, lín mā ōe oa̍h. 20Kàu hit-ji̍t, lín ōe chai góa tī góa ê Pē lāi-bīn, lín tī góa lāi-bīn, góa mā tī lín lāi-bīn.

21“Chiap-siū góa ê bēng-lēng koh chun-siú--ê chiū-sī thiàⁿ góa ê lâng. Thiàⁿ góa--ê, góa ê Pē ōe thiàⁿ i; góa mā ōe thiàⁿ i, koh chiong pún-sin hián-hiān hō͘ i khòaⁿ.”

22 Iû-tāi — m̄-sī hit-ê Í-su-ka-lio̍k — mn̄g Iâ-so͘, “Chú ah, sī-án-chóaⁿ lí beh chiong pún-sin tùi goán hián-hiān, m̄ tùi sè-kan-lâng hián-hiān?”

23Iâ-so͘ ìn kóng, “Thiàⁿ góa ê lâng ōe chun-siú góa ê ōe. Góa ê Pē ōe thiàⁿ i; góa ê Pē kap góa ōe lâi i hia, kap i chòe-hé tòa. 24Bô thiàⁿ góa ê lâng bōe chun-siú góa ê ōe. Lín só͘ thiaⁿ--kìⁿ-ê m̄-sī góa ka-kī ê ōe, sī chhe góa lâi ê Pē ê ōe.

25“Góa iáu kap lín chòe-hé ê sî, í-keng ū chiong chiah-ê ōe kā lín kóng. 26M̄-kú Ùi-chō͘-chiá, chiū-sī Pē ēng góa ê miâ beh chhe--lâi ê Sèng Sîn, ōe chiong it-chhè ê tāi-chì kà-sī lín, mā ōe hō͘ lín ōe-kì-tit góa kā lín kóng it-chhè ê ōe.

27“Góa chiong pêng-an#14.27 “pêng-an” mā thang e̍k-chòe “hô-pêng”. lâu hō͘ lín; góa chiong góa ê pêng-an sù hō͘ lín. Góa sù hō͘ lín--ê kap chit sè-kan teh hō͘ lâng--ê bô kâng-khoán. Lín ê sim m̄-thang tio̍h-kip put-an, mā m̄-thang kiaⁿ-hiâⁿ. 28Lín í-keng ū thiaⁿ-kìⁿ góa kā lín kóng, ‘Góa khì, beh koh tńg-lâi lín chia.’ Lín nā ū thiàⁿ góa, ōe in-ūi góa beh khì Pē hia lâi hoaⁿ-hí, in-ūi Pē pí góa khah tōa. 29Taⁿ tāi-chì iáu-bē hoat-seng, góa seng kā lín kóng, hō͘ lín tī tāi-chì hoat-seng ê sî thang sìn. 30Góa bōe koh kap lín kóng chin chōe ōe, in-ūi chit sè-kài ê thóng-tī-chiá teh lâi lah. I choa̍t-tùi bōe-tàng tùi góa chòe sím-mi̍h, 31m̄-kú beh hō͘ sè-kan-lâng chai góa thiàⁿ Pē, ū chiàu Pē ê bēng-lēng khì chòe.

“Khí--lâi, lán lâi-khì.”

Currently Selected:

Iok-hān Hok-im 14: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Iok-hān Hok-im 14

Videos for Iok-hān Hok-im 14

The Last Supper

Son of God

The way the truth and the life

Lumo Project

Jesus Comforts His Disciples

Jesus Film Project

I AM The Way, The Truth & The Life

Streetlights

Iok-hān Hok-im 14

Popular Bible Verses from
Iok-hān Hok-im 14

Videos for Iok-hān Hok-im 14

The Last Supper

The way the truth and the life

Jesus Comforts His Disciples

I AM The Way, The Truth & The Life

Bible:

Chinese, Min Nan

Version: 現代台語譯本羅馬字版 - TTVR

Iok-hān Hok-im 14

Iok-hān Hok-im 14

Popular Bible Verses from Iok-hān Hok-im 14

Videos for Iok-hān Hok-im 14

The Last Supper

The way the truth and the life

Jesus Comforts His Disciples

I AM The Way, The Truth & The Life

Bible:

Chinese, Min Nan

Version: 現代台語譯本羅馬字版 - TTVR

Iok-hān Hok-im 14

Popular Bible Verses from
Iok-hān Hok-im 14