मरकुस 15

पिलातुसान सामने यीशु

(मत्ती 27:1-2,11-14; लूका 23:1-5; यूहन्ना 18:28-38)

1उवतू तो वेगो एताच मुख्य याजक, डाय डाया, एने शास्त्री, न्यायसभा ओगांण निर्णय केरीन यीशुह बांदाडीन, पिलातुसान आथे होप देना. 2पिलातुस ताह फुसील, “काय तू यहूद्यांन राजा हि?” तो ताह उत्तर आपील कियील, “तू स्वताह किथी हि.” 3एने मुख्य याजक तापोर जुलुम वातन दोष लागाड ताला. 4पिलातुस ताह पोशो फुसील, “काय तू काहीच उत्तर आपण्यू नाहं, देख ज्या तार विरुद्धामाय कोलाक दोष लागिल हेत?” 5पुण यीशु काहीच उत्तर आपील नाहं ज्यो देखन पिलातुसाह आश्चर्य लागनो.

यीशुह मोत दण्डना आज्ञा

(मत्ती 27:15-31; लूका 23:13-25; यूहन्ना 18:39-19:16)

6ता वल्हानडन तीवारान टाइम ता तान मांगणेन काल्लो एक माणहाह बोन्दि सोडीन ता जाह चाहताला, तान केरता सोड देताला. 7एने बरब्बा नावान एक नावलायेल गुंडो बोंदव माय एतो, जो बलवे माय खुन केरील एतो. 8एने गेर्दव ताह उपेर जाइन एने विनंती केरणे लागिल का ताहोलोज तू केरतीन आवूह का ताहलोच आमरेहेयो केर. 9एने पिलातुसान ताह उत्तर आपील, “काय तुमूह लागीह का मी यहूद्यांन राजाह तुमरीम केरता सोड देव?” 10काहाकाय तो जाणतालो का मुख्य याजक ताह कुयराये से देरायेल एता. 11पुण मुख्य याजक माणहाह इही उत्साहित केरील का तो बरब्बाहुज आमरे केरता सोड देव. 12पिलातुसान पोशा उत्तर आपील, “ज्याह तुमूह यहूद्यांन राजा केणु तान मी काय केरणे?” 13ते पोशा आयळव ल, “ताह क्रुस पोर चेढाऊ” 14पिलातुसान ताह कियील, का, तान काय वाईट केरील हि? पुण ते उंजू जोरेस आयळवज्या, “क्रुस पोर चेढाऊ” 15ते पिलातुस गर्दव संतुष्ट करीन ईच्छा बरब्बाह तान केरता सोडीन आपील, एने यीशुह चापकाने मारीन क्रुस पोर चढाव ने केरता ताह आप दियील.

यीशुन अपमान

16उवतू तो शिपाई ताह कचेरीन माय लावा गीया एने ताहरी तास रोम शिपायांना हादाडळव एक्ठाच केरील. 17तास ताह जांमण्या फाडका पेराव एने काटान मुकूट गुथव तान मुंडव माय पेराव रेय, 18एने ता ताह नमन केरीन ताह, “यहूद्यांन राजा, तारो जयजयकार इही केणे लागा” 19ते तान मुंड पोर जेड्या केरीन देतेन एने तां पोर थुपते रेणा, एने मांडा टेकिन ताह प्रणाम केरणे लागा. 20जेवी ता तान मजाक केरीन चुकवतेवी जांमण्या फाडका काड लावा उवतू तो ताणुच फाडका रीन गाडव आपील एने ते ताह क्रुस पोर चढावने केरता बाहेर लावा गीया.

यीशुह क्रुस पोर चढ़ावनो

(मत्ती 27:32-44; लूका 23:26-39; यूहन्ना 19:17-19)

21तास आलेक्सांद्र एने रुफुसान आबुक शिमोन नावान एक कुरनेकर जे गावामाय रीन आविह एता बिन काम ताह देरीनजानकेरता का ते यीशुन क्रुस एने विसीन लावा जाहू. 22एने ता ताह, “गुलगुथा” नावान जागे लावा आवो, ज्यान अर्थ हि, “काटव जागे लावा.” 23एने तास ताह पित्तमिश्रीत अंगूररस आपणेन प्रयत्न केरील, पुण तान लियेल नाहं. 24तेवी ता ताह क्रुस पोर चेढ़ाइल एने तान फाडकान केरीन चिठ्या टाकील एने कूण काय जुडव एने ता वाट लव जाईल. 25तेवी तास ताह क्रुस पोर चेढ़ाइल तेवी वेगोचने नऊ वाजनो एता. 26एने तान दोषारोपान लेख तान मुंडव पोर लागाड्या का ज्यू “यहूद्यांन राजा” इही लिखील एता. 27ता ताहेऱ्यो दुय लुटणारा भी क्रुस पोर चेढ़ाइल, एकाह जेव डव उगे एने दिहराह डाखरिन उगव क्रुस पोर चेढाविल. 28तेवी प्रिनित्रशास्त्रान तो वचन ता अपराधियो हेर्यो मोजाय गीया यु पुरो एनो. 29एने तान मार्गे जाणारान मुंडे आलाडी आलाडीन ज्यो केयेल तान निंदा केरताला, अरे मंदिर पाडव पोशो तान दिहामाय बांधणार, 30जव वाह वोचाड एने क्रुसपूर रीन उतरीन आव. 31ज्या प्रमाणे मुख्य याजक भी शास्त्र्यांहेऱ्यो मिलिन तान थट्टा उघाडव किथी एता ताह दिहरा वोचाडवपुण जव वाह वासाडूहु शकवनाहं. 32ऐव एने हे मसीह इस्राएलान राजा क्रुसापोर रीन बुंदे उतरीन आव तेवी आमु देखहुं एने विश्वास केरहू, एने जां ताहेर्या क्रुस पोर चेढ़ाइल एता, ताभी तान निंदा केरताला.

यीशुन मोत

(मत्ती 27:45-56; लूका 23:44-49; यूहन्ना 19:28-30)

33जेवहव हिराणन बारा वाजवगीया तो आखा देशाम आंधारो फेयलावा गीयो एने तान वाजव ताहउर रेणू. 34एने तान वाजता यीशु ने मोठ्लो आयडीन कियील, एलोई, एलोई, लमा शबक्तनव? ज्यान अर्थ हि, “हे मारो बोगवानाना, मारो बोगवानाना तू माहु का सोडीन आपील?” 35उवतू तो जे आहने उबरीयेल एता, तामायरीन केतेहेजोये हे होयलू कियेल, देखू तो तर एलीयाह आयेड थी. 36एने कूण दोव ळतव जाइन स्पंज आंबेने भूरिनएने जेड्या मेलावा सुहुने आपील एने केहू लागिल, देखव एलिया ताह बुंदे उतारनेन आवथू का नाहं. 37तेवी यीशु ने जोरेस आयडीन जव एने सोडील. 38एने मंदिरामाय वालू पोडदु उपेरीन नेचोवूर फाटव दुय भाग एय गीया यो. 39तेवी सुभेदारान जो ताहरी ओगांण उबरीनइतू तान ज्या प्रमाणे जव एने सोड्तालोन देखायील एने केईल, “ज्यो माणुह खेरिनच बोगवानान सोरो इतू.”

40कांही बायकू भी एत्यू ज्यू सेटेरिन ज्यो देखायील एता तान माय मरियम मग्दालिया, आत्या याकूब एने योसेफान आहाक मरीन या एने सलोमव एती. 41ताहेरया तो गलील लामाय एतो तेवी तान तान पासाण पासाण चालतो रेणेन एने तान सेवा केरतीन एती उंजू जादा बायकू एता ज्या ताहेऱ्यो यरूशलेमाम आवीन एता.

यूसुफान माहणाम यीशुह बुजणेन

(मत्ती 27:57-61; लूका 23:50-56; यूहन्ना 19:38-42)

42ताहेरया हांजपोर एनी तेवी तियार ला दिह ज्यां केरीन म्हणजे शब्बाथान एक दिहान पेल्ला. 43अरीमथयान रेवासव योसेफ आवा जो महासभान सदस्य एतो तो जव वाह बोगवानान राज्यन वाट दिखिह एतो तान हिमंत केरीन पिलातुस लातानओगांण जाइन यीशुन शरीर मांगव. 44पिलातुसाला नोवाय लागनो का तान मरण ओलाक माय जेल्दव एईल जाइव तान सुभेदाराह हादाडळव फुसील, “काय तो कोलाकामाय मारीन गीयो हि?” 45उवतू तो तान सुभेदाराफायरिन मालूमपुढव तेवी योसेफाह यीशुन शरीर आपील टाकील. 46तेवी योसेफान तागान फाडका वेचातो लावा एने शरिन राह बुंदे उतारीन तामाय गुडालव लअने खेड्कामाय खुदिल एक कबरेम मेलावा आपील एने माहनांन बाय्नापूर एक मोठू. 47मरियम मग्दालिया एने योसेफान आहाक दिखिह एती का ताह कां मिलवहि.

Currently Selected:

मरकुस 15: NLXNT

Highlight

Copy