मत्ती 21

यरूशलेम माय विजय प्रवेश

(मरकुस 11:1-11; लूका 19:28-40; यूहन्ना 12:12-19)

1तेवी तो यरूशलेम आहनी पोचना, जैतुन डोंगरापोर बेथलेहेमना आहने तेवी यीशु दुय चेलाह मोकलील, 2एने ताह कियील, आपणो “ओगाण वाला गावाम जावो ताहारी पोहचताच तुमूह एक गेदडो बांधली जुडी. ताह सोडीन माहफाय लावो. 3जर कूण तुमूह कूण काही केनार, तर केणेन प्रभुह ज्यान गिरीज हि एने चालूच ताह तो मोकलील.” 4हे तान केरता एय गीयो कि जे वचन भविष्यवक्ता द्वारे कियील एता ते पुरो एने जुवी ते इहील. 5सियोनाहा सोरीह केवो देखू तारो राजा तारहेर्यो आविह हि तो नम्र हि एने तो गेदडो पिला पोर नाहं पुण पिलापूर बोहील हि. 6दुय चेला जोहलो यीशु ताह कियील तोहोलोच किरील. 7तास गेदडो पिलाहा लीन आवा तापोर आपणा फाडका एने प्रिनासाहा निकेलना. 8गरर्दीमाय कोलाक माणहान आपणा फाडका वाटी पुर पोसराविल, एने दिहरान झाडापूर डालखा तोडीन वाटेमायबी पोसराव्या. 9एने जी गेर्दी तान ओगांण-ओगांण जाताली, एने पासाण-पासाण चालीन आवताली, ती आयडी आयडीन केताला, “दाविदान सोरान होसांन्ना, धन्य हेते जा प्रभुन नावामाय आविह आकाश माय होसांन्ना” 10ताहेरया तान यरूशलेमाम प्रवेश किरील, तर आखा शहराम कापाली फेयलीन गीयी, एने आखा केणे लाग “ज्यू कूण हि?” 11एने ता माणुह इही किथी एता, “हा गलीलामायवाला नासरेथ भविष्यवक्ता यीशु हि.”

मंदिर मायरीन व्यापारीह निकालणेन

(मरकुस 11:15-19; लूका 19:45-48; यूहन्ना 2:13-22)

12तेवी यीशु बोगवानान मंदिरामाय जाइन ता, आखाह जा मंदिरामाय लेनदेन केरताला, ताह बाहेर काड देनो, एने सराफान चौरंग एने कबुतर वाचणारान, पिंजरा उलटाव देईल, 13एने ताह तो कियील, लेखील हि का, “मार घेर प्रार्थनान घेर केवाय, पुण तुमूते ते ताह लुटणारान गुफो बोणाव मेलील हेते.” 14तेवी आंधलाह एने किइल यीशु आहने मंदिरामाय आवा एने तान ताह हजो किरील. 15पुण जेवी मुख्य याजक एने शास्त्री ज्यान ता आश्चर्यान कामाह, जां तो केरील इतू, एने सोराह मंदिरामाय दाविदान सोराह होसांन्ना आयेडताला देखील, ते ताह राग लागो. 16एने तास यीशुह कियील. “काय तू होंबलेह हि का कि हे?” काय किथी हि शूने ताह कियील हा पुण काय तुमूह हे वोचील नाहं का? आत्या सोरो एने सोरापोरीन तू स्तुती पुरो केरील हि. 17तेवी यीशु ताह सदोन शहरान बाहेर बैथानी निकलीन गीयो एने न्याच रेणू.

बिन फोलान अंगूरने झाड

(मरकुस 11:12-14,20-24)

18ओवतो एक टाइम तो पोशा शहराम आव तालून बुख लागिल, 19तेवी यीशु एक अंजीरान झाडाह देखीन तान आहने गीयो, पुण तापोर पानटाह सोडीन कायीच सापडील नाहं तेवी ताहाच कियील, “एविरीन तुमरीम केविज फोल लागणार नाहं.” अंजीरान झाड ताच टाईमापोर हुकी गीया. 20ज्यो देखीन चेला चक्कित एईन केणेंन लागिल, “अंजीरान झाड किहिक हुख गीयो?” 21यीशु कियील, “मी तुमूह खेरीच किथु, जर तुमूह विश्वास मेलूह एने शंक केरुहू नाहं, तर तुमूह ओलख केरुहू नाहं जो अंजीरान झाडाह किरील नाहं पुण ओवतो डोंगराह पुण केनार तू उखाडीन जा एने समुद्रा माय जाइन पोड तर तो एईन जाय. 22एने जो काही तुमूह प्रार्थनाम विश्वासान मागणार तो तुमूह जुडी.”

यीशुन अधिकारान प्रश्न

(मरकुस 11:27-33; लूका 20:1-8)

23ताहेरया यीशु मंदिरामाय आवीन हिकाडतेन एतो, तेवी मुख्य याजक एने डाय डाया कने ज्यान आवीन कियील, “तू कायताहा पुढारी हि काम केरतालो, एने कूण जो अधिकार आपील हि.” 24यीशु उत्तर आपील मी पुण तुमूह एक वात फुसहु जर तुमूह तान उत्तर आपण्यू तर, “मी पुण तुमूह केह कि मी कायताहा अधिकार हे काम करने.” 25यूहन्नान बाप्तिस्मा कुणीफायरीन एता स्वर्गाफायरीन केव्ही मारपोरीन? एने ते बोगवानान हे केयीन आपसामाय चर्चा केरणे लागिल, जर आपु केहू कि स्वर्गाफायरीन तर तो केनार तर तुमूह तान विश्वास का किरील नाहं? 26पुण जर आमु केहू कि, “मान्हापुररीन तर आमूह गर्दीई बिय हि कारण ता आखा यूहन्नाहा भविष्यवक्ता केणु.” 27तेवी तान यीशुह उत्तर आपील आमूह मालूम नाहं तेवी तान ताह उत्तर आपील तर मी पुण तुमूह केनार नाहं कि मी कायताहा अधिकार जो काय काम करने.

दुय सोरान वार्ता

28“पुण तुमूह काय विचार केरतीन हेते? कूण एक माणाहान दुय सोरा एता एने तान पेलापहाय जाइन कियील सोरा, जाआज अंगूरिनाडीम काम केर. 29एने तान ताहाच उत्तर आपील हाजो हि मी जाहू पुण मोन बोदल तो गीयो नाहं. 30ओवतो आबुक दिहराहेर्यो जाइन तोहोलोच किरील, पुण तान उत्तर आपील मी जाहू नाहं तेभी पुण ओवतो पश्चाताप केरीन ओवतो तो गीयो. 31आवो दुयजाणामारीन कूण आपणो आबाकने ईच्छा पुरो केरील?” तास कियील दिहरो यीशु ताह कियील तुमूह खेरीच किथे कि तुमरो पेल्लो चुंगी लेणार एने विश्वास राज्यातम बोगवानान राज्य प्रवेश केरुहू. 32कारण यूहन्ना तुमरेहे-यो धार्मिकान वाट देखणेनकेरता आवा पुण तुमूह तापोर विश्वास किरील नाहं पुण चुंगी लेणार एने विश्वास तापोर विश्वास किरील हे देखीन सुद्द तुमूह पस्तावा आवा नाहं कि तापोर विश्वास किरील येतो.

दुष्ट किसानान वार्ता

(मरकुस 12:1-12; लूका 20:9-18)

33“एक वार्ता उंजू होमलू, एक मालिक एतो, ज्यान यताहा माणहान अंगूर वाडाम लागडव, एने तान अंगूररसान केरता कुंड खोदील एने वाडू बांधील ता मोंजऱ्याह ताहारी मेलीन प्रिनासाम निकलीन गीयो. 34जेवी तोड्नेन टाइम आवी तेवी तान आपणो दासांह ता मोजऱ्याआ फाय मोकलील उत्पन्न लेविलएता. 35पुण ता मजुराहा दासांना देरावीन मारील, दिहीराह मारीन टाकील एने तिसरा देगुडदेणु केरील. 36ओवतो तान एक उंजू दासाह मुकलेल, जो पेलाहरीन जादा मोठू एतो एने तास ताहेर्यो पुण तोहोलोच किरील. 37पुण सेवट तो तान सोरा आवो आशेने मोकलील कि ते मारो सोरान आदर केरती. 38पुण मजुराहा ताहेरया सोरा देखील तेवी केणे लागिल, जुते तान वारिस हि, चाला, आपु ज्याह मारीन टाकु एने तान वरीसपणा साडाळीनि लेहु. 39सेवट तास ताह देरील एने अंगूरिनाडीन बाहेर काडीन मारीन टाक देईल. 40केरीन तुमूह अंगूर मोलान मालिक आवी, तेवी ताहेऱ्यो काय केरी?” 41तो ताहुच कियील, “तो ताह दुष्टान वाईट शेवेट केरुहू; एने अंगूर मोलो दिहरा आपी टाकणे, जे योग्य टाइम ताह उत्पन्न आपण्यू.” 42यीशु ताह कियील, काय तुमूह पवित्रशास्त्रात केविज वोचील नाहं का, ज्या देगडाह राजमिसऱ्यांनी नाकारील, तोच कुणीन महत्वान दिगुड बोणील? तोज प्रभुकडे एय गीयो हि, एने आमरा नजरोम आश्चर्यकारक हि. 43तामुळे मी तुमूह किथे कि बोगवानान राज्य तुमरेफायरीन लीईल जाहो, एने ओहला दिहरी जाती जो तान फोल लावूह आपणे माय आवी. 44जो कूण ओवतो देगडापूर पोडती, तो टुकडा टुकडा एईय जाय, पुण ज्यापूर ज्यो दिगुड पोडी तान चुरा चुरा केर देय, 45ताहेरया मुख्य याजक एने फरीसी यीशुन हे वार्ता होमलील, तेवी समजून गीया कि, तू आमरे बारामाय किथी हि. 46एने ताहेरया तास ताह देरणे केरता देखील पुण ते गर्दीह देखीन बिईल, कारण ताह माणुह भविष्यवक्ता मानताला.

Currently Selected:

मत्ती 21: NLXNT

Highlight

Copy