मत्ती 10

यीशुन बारा चेला

(मरकुस 3:13-19; लूका 6:12-16; 9:1-6)

1ओवतो यीशु आपणा बारा चेलाह हादिन ताह अशुद्ध आत्मापुर अधिकार आपीह काडणेन एने आखा प्रकारान दुखा-या एने कोमजोरिह हाजो केरणेन. 2न्या बारा चेलान नाव ज्या हेते पेल्लो शिमोन जो पतरस केरीन भी नावालाथी, एने तान बाहाक आंद्रियास, जक्कायान सोरो याकूब एने तान बाहाक यूहन्ना; 3फिलीप्पुस, बर्थलमय, थोमा, एने मत्ती जो चुंगी लेणार एतो, अल्फिन सोरो याकूब एने तद्दे, 4शिमोन कनानी एने यहूदा इस्कर्योत तान केरता जो ताह देरीविल एतो.

बारा प्रेरितान कामे

(मरकुस 6:7-13; लूका 9:1-6; 10:4-12)

5न्या बारा चेलाह यीशु ज्यो आज्ञा आपिन मोकल्यो का दिहरी जातीमाय जावू मा, एने शमरोनान काल्ला भी हेरामाय जाहू मा. 6पुण इस्राएल ने टाकायील मेंढरा मा जावो 7एने चालता चालता ज्यो पोरचार केरू का, “स्वर्गान राज्य आहने आव जायील हि. 8दुखाऱ्यो हा केरू मुरीलाह जीवतालू केरू, कुष्ठ रोग्याह शुद्ध केरू, दुष्ट आत्माह काडो, तुमूह फुकट्यो जुडील हि फुकट्यो आपो. 9आपणा कोंमबरामाय नाह ते होनो, नाह ते चांदी एने नाह ते रूप्या नाह ते तांबो लेवू. 10एने प्रिनासान केरता थेयली मा लेवू, नाह दुय फाडकान जोड नाह ते खाहडा एने नाह ते डेंग्गो लेवू काहाकाय मोंजऱ्याह तान रूटू जुडणे जुवी.”

11जां काल्ला शहरान गावामाय जाहू ते पुतू केरू का योग्य माणुह कूण हि, एने जाहवोर तुमु तारीन नाह निकेलते ताहवोर ताच रीवू. 12एने तुमूह ता घेराम प्रवेश केरुहू ते आशीर्वाद आपतीन रिगु. 13जर तो घेर आशीर्वादान योग्य हि ते तुमरी शान्ति ताहारी बोणीन रेंय पुण योग्य नाहा सोतो ते तुमरी शान्ति पोशी फिरीन आवी. 14जो कूण तुमरो स्वीकार नाय केरी, एने तुमरी वात नाय होमली ते ता घेरामायरीन एने ता शहरामारीन निकेलतेन आपणा पायावालो मातड्यो झेटकी टाकु. 15मी तुमूह खेरीच केथु का, न्यायान दिह ता नगरान दशा से सदोम एने गमोरान नगरान दशा से भी जादा सहने योग्य रेंय.

आवणे वालो संकट

(मरकुस 13:9-13; लूका 21:12-17)

16“देखू मी तुमुहू मेंढरान होस कोल्योमाय मोकलथू. तान वजेसे गेयळेकान होस चेत्रो एने कबुतरा होस बोणु. 17पुण माणहा से सावधान रीवू, कारण ता तुमूह न्यायसभाम होप्ती, आपणा आराधनालय माय तुवाह कोडा देती. 18तुमूह मारीवजेसे देशधिकारीहा एने राजान ओगाण तापोर, एने अन्य जाती पोर गवाही ला केरता पोचाडाहू. 19जेवी ता तुमूह देरतीह तेवी कालजी केरूह मा, कि आमु काय केहू कारण जो काय तुमूह केणु हि तो ताच टायमा पोर तुमूह मालूम एय जाय.” 20काहाकाय बोलणार तुमु नाहं पुण तुमरा बोगवानान आत्मा तुमु मायरीन बोलीह.

21“बाहाक, आपणो बायाक एने आबुक आपणो सोरा मार टाकणे केरता, एने सोरा आपणा आईक आबाकने विरुद्ध उबरीन ताह माराव टाकी. 22मारा नावान वजेसे आखा तुमूह तुच्छ मानती पुण जो सेवट वोर धीर देरी ताचने उद्धार एय. 23जेवी ता तुमूह एक नगर विताडति, ते तुमु दिहरा नगरमा नाह जाज्यो, मी तुमूह हाचलीन केथु का, तुमु माणहान सोरान इस्राएल ने आखा नगरामाय नाह फिरील रीहू ताह माणहान आव लागी.”

24“चेला आपणा गुरूह रीन मोठो रेथत नाहं, एने दास आपणो मालकाह रीन मोठू नाहं रेत. 25चेलान आपणो गुरुन, एने दास आपणो मालकान बारबर रेणेच जुलुम हि. ता घेरान मालिकाहचे शैतान केया ते घेर वालाह काय केती”

कुणीह बिणु?

(लूका 12:2-7)

26“तावजेसे ताह बिऊ मा, कारण काय डापिल नाहं सोतो, जो उगडी नेय जाय. एने काय लिकाईल नाह सोतो, जो काय जाणाय नाय. 27जो मी तुमूह आंधाराम किथु, तो तुमु उजालाम किवू; एने जो तुमूह काना केरीन होमेलतेह, ताह घेरा पोरपुर चेडिन पोरचार केरो. 28तासे जो शरीराह घात, पुण जो आत्माह एने शरीर दुयू भी नरकाम नाश केर सकीह. तासेच बिवो 29काय रुप्यामाई दुय चिडा नाह वेचाते? तेभी तुमरा आबाकने इच्छे बिगीर तामायरीन एक भी जोमनि पोर नाह पोड सकीत. 30तुमरा मुंडान लेट्या वोर गेणायील हेते. 31तामुळे बिऊ मा, काहाकाय तुमु चिडासे वोदिन किमती हेते.”

यीशुह स्वीकार का अस्वीकार केरणू

(लूका 12:8,9)

32“जो कूण माणहान ओगाण माहु मान लेय, मी भी ताह आपणो आबाकने ओगाण जो स्वर्गाम हि मान लेह. 33पुण जो माणहान ओगाण माहु नाकार देय, ताह मी भी आपणा आबाकने ओगाण जो स्वर्गाम हि नाकार देह.”

यीशुन आवणेन परिणाम

(लूका 12:51-53; 14:26,27)

34“ज्यो मा होमजहु का मी पृथ्वीपोर मेल केरावने आयील हि, मी मेल केरिनणे नाह पुण, तलवार चालवाडणे आयील हि 35मी ते जानकेरता आयील हि का, माणहाह तान आबाकाहन रीन, एने सोरीह आपणी आईकनसे, एने वोवडिक आपणी हाहवूक से अलग केर देव.” 36एने माणहान दुश्मोन ताचने घेर वाला रेती. 37जो माहुरीन जादा आपणा आहाक आबाकपूर प्रेम करी तो मारे लायक नाहं सोतो. जो मारेरीन जादा आपणो सोरा सोरीपुर प्रेम करने तो मारो लायक नाहं नाह सोतो 38एने जो आपणो क्रुस विसीन मारे पासाण चालीत नाहं तो मारो लायक नाहं सोतो. 39जो आपणो जीव वाचाडणे तो ताह गोमाडी, एने जो मारीवजेसे आपणो जीव गोमाडीह तो ताह जुड जाय.

प्रतिफोल

(मरकुस 9:41)

40“जो तुमूह ग्रहण केरी, तो माहु भी ग्रहण केरी, एने जो माहु ग्रहण केरीह, तो माहु मोकेलणाह भी ग्रहण केरीह. 41जो भविष्यवक्ताह भविष्यवक्ता केरीन जाणीन ग्रहण केरी, ताह भविष्यवक्तान फोल जुडी, एने जो धर्मीह धर्मी केरीन ग्रहण केरी तो, ताह धर्मा फोल जुडी. 42जो कूण जामरीन एका भी मारा, चेला मानीन एक गिलास थेन्डो पाणी आपीह मी खेरीच किथु, तो आपणा फोल गेमाडी नाय.”

Currently Selected:

मत्ती 10: NLXNT

Highlight

Copy