लूका 16

हुशार भण्डारी

1ओवतो यीशु आपणो चेलाह कियील, “एक श्रीमंत माणुह एतो तान एक कारभारी एतो, तापोर आरोप एतो कि तो संपत्ती निवरावीन हि. 2तेवी तान हादाडील एने कियील, तार बारामाय मी हे काय होमलथू? आपणो कारभारान हिशोब आप, काहाकाय ज्यान ओगाण तू कारभारी रेणू नाहं. 3ज्यापूर कारभारी ने मोनाम विचार किरील, मारो मालिक मार्फायरीन कारभा-यान काम मांगत हि ऐवी मी काय केरूह? मारो उगे ऐवी ओलिक शेक्ती रेणी नाहं कि, मी खेताम जाइन खोदाई गाळणेन काम केरूह शकणे एने मागणेन माहु लाज लागीह. 4हजो ऐवी समजील, कि माहु काय केरणे जूइ कि ज्यान उगेरीन ताहेर्यो माहु कारभारी पदापुरीन काडीन टाकील जाहू तेवी माणहे आपणो घेराम मारो सत्कार केरुहू.” 5तेवी तान मालिक च्या प्रत्येक आपणारा हादाडील, पेल्ला माणहा तान फुसील, मारो मालकान तुवाह कोलाक देण हि? 6तान कियील शंभर माप जैतुनान तेल, ज्यापूर तो बोल्णु हा ले तारो रोख, एने बोहीन जेल्दी ज्या फोलह केरीन आप. 7ओवतो तान दिहीराह कियील एने तुवाह कोलाक देण हि? तान कियील, शंभर खड्या गोव, तो ताह कियील हा ले तारो रोखा एने शंभर चे ऐशी केरीन आप.

8“ज्यापूर तान मालक्याने ता बेईमानी कारभारीन प्रशंसा किरील केरीन तान चतराई केरीन काम किरील. एता संसारिक माणुह आपणेहोस माणुह मुळे व्यवहारामाय अध्यात्मिक होवटो चेत्रो एय. 9मी तुमूह किथे कि, अधर्म मालमत्ता केरता आपणा हेरी बोणावू कारण ताहेर्यो मालमत्ता निवरी तेवी अनंतरेणेन केरता तुमरो स्वागत केरती. 10जे माणहे यापोर थोडाक केरता विश्वास किरील, जाहो एने ज्याह प्रमाणे ते थोडाक केरता बेईमानी, एहू केरसेक्तालू तो होवटो पुण बेईमानी एहू शकणे. 11ज्यानहोस जर तुमूह अधर्म मालमत्तापूर विश्वास मेलूह नाहं, तर खेरा धेन विषयी कूण विश्वास मेलूह? 12जे कूण दिहरान हि जर तुमूह तान केरता विश्वासाचे पात्र नाहा हे तो तर जे तुमरो हि, ते तुमूह कूण आपण्यू?”

13“काल्लोच दास दुय मालीकान चाकरी केर सकीत नाह: कारण तो एकापुर प्रेम केरी एने दिहरापुर रोग मेली; एने एका हेरी मिलिन रेय एने दिहरा खराब जाणी, तुमु भी बोगवान एने धेन ज्या दुयुन सेवा नाह केर शकते.”

बोगवानान राज्यान किंमत

(मत्ती 11:12-13)

14फरीसी जा लोभी एता, ताहेर्यो हे होमलीन तान जुलुम मोजाक केरील. 15तो ताह कियील, “तुमूह ते माणहान ओगांण स्वताह धर्मी सोमजणु पुण बोगवान तुमरा मोनाह ओलखणे, काहाकाय जी वस्तु माणहान ज्याह जुलुम किमती होमोजणु ता बोगवानान ओगांण अशुद्ध हेते.”

16यूहन्नाफायवुर व्यवस्था एने भविष्यवक्तान मुख्यता एता ताबादमाय बोगवानान राज्यान सुवार्ता पोरचार केरील जात हि एने प्रत्येक माणहे मोठला प्रमाणाम ताफाय खेचेल जात हि. 17आकाश एने पृथ्वी नाहीशी एय पुण व्यवस्था मायरीन एक भी बिंदूह निकाल देणे से सहज हि. 18“जो कूण आपणी बायकू सोडीन दिहरा बायकू हेर्यो वाराड केरीह, तर तो व्यभिचार केरीह एने जो ओहली सोडील बायकू हेरी वाराड केरीह तो पुण व्यभिचार केरणे.

मालदार माणुह एने गरीब लाजर

19“ऐवी देखू, एक माणुह एतो तो जुलुम श्रीमंत एतो तो जांमणी तलम फाडका घालीत इही एने प्रत्येक दिह थाटामाटाम जीवनान आनंद लेतेन एतो. 20तान जागापूर लाजर नावान एक गरीब दुखी तान दरिनाजाआहणे पोडीन रेथे एता तान डील फोडाच्या जेखमान भूरील एता. 21ता श्रीमंत माणहान उष्ट पुडील तान पेट बोरणेकेरता तो तडफत एतो न्याओर कि चिताह आविह एता एने तान जखमेपोर चाटत एतो. 22एने ओवतो इही एय गीयो कि तो गरीब माणुह मोरणु तेवी स्वर्गदूत आवीन ताह लीन गीया एने अब्राहामान गोदमाय जाइन बोहाडया तो श्रीमंत माणुह पुण मारीन गीयो ताह जोमनि माय गाळील. 23नरकात ताहेर्यो तडफत येतो ताहेरया तान आपणा डोला उपेर केरील तेवी अब्राहाम जुलुम सेटो दिसत एतो पुण तान लाजरला तान गोदमाय देखील. 24तेवी तान आवाज आपील कियील, आबुक अब्राहामान, मारपुर दया केर एने लाजराला मोकील कि तो आपणी मुंदी पाणीम बुडाविन मारी जीभ थेन्डो केरीन आपजी काहाकाय मी ज्याह आकठाम तडफत हि. 25पुण अब्राहामान कियील, हे मारो सोरा, एर तू तारो जीवन सहवासाम आपणी हाजी वस्तु मेलविल एने पुण लाजराला वाईट वस्तूच जुडी ऐवी तो याहारू आनंद केरतीन हि एने तू त्रास केरतीन हि. 26एने ज्याह आखा परिस्थितीम आमरा एने तुमरो माय एक मटली खाई हि जानकेरता कि जर कूण तुमरेहे-यो आवहू इच्छितो तेभी ताह जाता आवूह नाहं एने तारीन कोणीही याहारू आविह आवूह नाहं. 27ता श्रीमंत माणहान कियील, तर ओवतो हे आबुक मी तुवाह विनंती करने कि लाजराला मारो आबाकने गिर मोकील. 28कारण मारा पाच बाहाक हेते तो ताह चेतावणी आपुह जानकेरता कि तास तेभी ज्याह त्रास हुवांरनी जागीपोर आवहू नाहा. 29पुण अब्राहामने कियील, तान आहने मुसा हि एने भविष्यवक्तान पुस्तक पुण हि ताह तान होमलूह आप. 30श्रीमंत माणहे कियील, नाहं आबुक अब्राहामान, जर कूण मुरील मायरीन ताहेऱ्यो जाहो तर ते मोन फिरिनिणार. 31अब्राहामने ताह कियील, जर ते मुसा एने भविष्यवक्ता तान होंबलेह नाहं तर जर कूण मुरील मायरीन जीवतालू एहू तान आहने जाहो तेभी ते मानणार नाहं.”

Currently Selected:

लूका 16: NLXNT

Highlight

Copy