यूहन्ना 20

खाली कबर

(मत्ती 28:1-8; मरकुस 16:1-8; लूका 24:1-12)

1हफ्तान पेल्ला एक दिह मरियम मग्दालिया आंधारलेहचे कबर पोर आवी, एने दिगुड कबर पोररीन हेरकेल देखानो. 2तेवी ती नाहा गिई एने शिमोन पतरस एने दिहरा चेला उगे जापोर यीशु प्रेम केरतीन एतो, आवीन कियील, “ते प्रभुह माहणे मायरीन काडीन लेईन गीया हि, माहु नाहं मालूम कि ताह का लेईन गीया हि.” 3तेवी पतरस एने दिहरो चेलो निकलीन माहणे उगे गीया. 4ते दुय हातेच दोवडीन एता, पुण दिहरो चेलो पतरसान पुण ओगाण जाइन कबरेफाय पेलोस पोचनु; 5एने डोंगुवोलीन बुंदे फाडका पुडील देखील, तेभी तो आहने गीयो नाहं. 6तेवी शिमोन पतरस तान पासाण-पासाण पोचील, एने माहणे माय गीया एने फाडका पुडील देखील; 7एने तो फाडका तान मुंडाह जो बाधील एतो, फाडकामाय हेरी पुळील नाहं, पुण आलेग केरीन एक जागीपोर वेटालीन पुळील एतो. 8तेवी दिहरो चेलो पुण जो कबरीपर पेलूच पोचुज एतो, माय गीयो एने देखीन विश्वास किरील. 9ते तर ऐवी ताहवोर पवित्र शास्त्रान वातू होमजील नाहं कि ताह मुरील मायरीन जीवतालू एने जुवी लागी. 10तेवी ते चेलो आपणो गिर निकलीन गीया.

मरियम मगदलीनीह यीशु देखाणे

(मत्ती 28:9,10; मरकुस 16:9-11)

11पुण मरियम रेडतेन रेडतेन माहनांन बाहेरुच उभी रेणी, एने रेडतेन रेडतेन माहणे उगे डोंगुवोलीन, 12दुय स्वर्गदूतांन शुभ फाडका पेरीन एकास मुंडे आहने एने एकास पाया आहनी बुहील देखील, जाहारी यीशु शरीर मिलील एता. 13तास तीह केयेल, “हे सोरी, तू का रेडतेन हि?” ती ताह कियील, “ते मारो प्रभुह विसीन लेईन गीया एने माहु मालूम नाहं कि ताह कुठ मिलील हि.” 14हे केईन ती पासाण वोलनी एने यीशुह उबरील रीयेल देखाणो, पुण ओलखिल नाहं कि तो यीशु हि. 15यीशु तीह केयेल, “हे सोरी तू का रेडतेच? कोणीही होदतेन हि?” तिने माळी होमजाडीन ताह केयेल, “हे महाराज, केध्दीह तू उखीलील रेंय तर माहु किजी कि ताह कां मिलील हि, एने मी ताह लेईन जाह.” 16यीशु तीह केयेल, “मरियम” ती पासाण वोलीन ताह कियील इब्री भाषा माय बोलिल, “रब्बुनी” म्हणजे हे गुरुजी, 17यीशु तीह केयेल, “माहु आथ मा लागाडी, कारण मी ऐवी ताहवोर पित्या आहने उपेर नाहं जाईल, पुण मारो बाहाक वुगी जाइन ताह केईन आप, कि मी आपणो आबोक एने तुमरो आबोक एने आपणो बोगवान एने तुमरो बोगवाना उखेर उपेर जात हि.” 18मरियम मग्दालिया जाइन चेलाह केयेल “मी प्रभुह देखील, एने तान माहु हि वात केदाली.”

चेला यीशु देखाणे

(मत्ती 28:16-20; मरकुस 16:14-18; लूका 24:36-49)

19ज्या एक दिह जो हफ्तान पेल्ला दिह एतो, बाजपुरने टाइम तावाला बायणो जांबी चेलो यहूदीन बिय से बोंद एता. विचमाय आवीन उबरीन एने ताहा कियील, तुमूह शान्ति जुळी. 20एने जो केयीन तो आपणो हाथ एने आपणा तेल्सो दिखाडयो. तेवी चेला देखीन आनंदित एना. 21यीशु पोशा ताह केयेल, “तुमूह शान्ति ओहलो; जोहलो आपणा माणहा मुकलेल हि, तोहोलोच मी पुण तुमूह मोखलेल. 22ज्यो केयीन तो तापोर फुक्यो एने ताह केयो, पवित्र आत्मा लिवो. 23जान पाप तुमु क्षमा केरू ताहे बोलीन तान तान उपेर फुकणे एने ताह केयेल” पवित्र आत्मा ली.

थोमाह यीशु देखाणे

24पुण बारा चेला मायरीन एक म्हणजे थोमा जो दिदुमुस केयेल, ताहे-यो आवा तर तान नाहं एतो. 25ताहे-यो दिहरा चेला केणेंन लागिल, “आमु प्रभुह देखील हि, तेवी तो ताह कियील, जो ताहवोर मी तान एता तापोर माय खिल्या ची निशानी देखणार नाहं, एने खिल्या च्या निशानी उपेर आगल्यो रीगाडीन देखू, एने तान पाहलामाय आपणो आथ पेरावणार नाहं, ताहउर मी विश्वास केरुहू नाहं.”

26आठ दिह ओवतो तान चेला पोशा घेराम एता एने थोमा ज्यान आहने एतो; बंद एता, तेवी यीशु आवा एने तान माय उबरीयेल रेयीन केयेल, “तुमूह शान्ति ओहलो.” 27ताहे-यो ताह थोमाह केयेल, “तारो आगल्यो न्या आवीन मारो आथाह देखू एने आपणो आथ आवीन मारो पाहलामाय रीगाड, एने अविश्वासू नाहं विश्वासु बोंद.” 28हे होयलू थोमा ने उत्तर आपील, “हे मारो प्रभु हे मारो बोगवान” 29यीशु ताह केयेल, “तू माहु देखू हि, काय ज्ञान केरता विश्वास किरील हि? धन्य ते हि तान केरता माहु देखू नाहं तास विश्वास किरील.”

ज्या पुस्ताकान उद्देश

30यीशु उंजू जुलुम चिन्ह चेलान सुमोर देखाडील, जे आखो पुस्तक माय लिखील गीया नाहं; 31पुण हे ज्ञान केरता लिखील गीया हि कि तुमूह विश्वास केरू का यीशुच बोगवानान सोरो मसीह हि, एने विश्वास केरीन तान नावान जीवन मिलावू.

Currently Selected:

यूहन्ना 20: NLXNT

Highlight

Copy