लूका 3
3
यूहन्ना डूबन देतो बिता चो खबर
1राजा तिबिरियुस चो राज चो पंदरवा बरक ने जिदलदाय पुन्तियुस पिलातुस यहूदिया चो राजपाल रलो, आउर गलील ने हेरोदेस, इतूरैया आउर त्रखोनीतिस ने हुनचो भाई फिलिप्पुस, आउर अबिलेने ने लिसानियास, चवथाई चो राजा रवत, 2आउर जिदलदाय हन्ना आउर कैफा माहायाजक रवत, हुन समया माहापुरू चो बचन रान ने जकर्याह चो बेटा यूहन्ना लगे अमरली। 3आउर हुन यरदन लंदी चो लगे-लगे चो पुईतराय देश ने ऐऊन भाती, पापमन चो छमा काजे मन फिराव चो डूबन चो परचार करूक मुरयालो। 4आउर जसन यशाया अगम गिआनी चो बल्लोर बचनमन चो किताब ने लिकलोर आसे:
“रान ने गोटक हाग देतो बिता चो शब्द होये से कि,
‘परबु चो बाट तिआर करा, आउर हुनचो सड़कमन सीदा बनाआ।
5हरकोनी घाटी भरून दिया जाय दे आउर हरकोनी
डोंगरी आउर टिप खाले करा जाय दे;
आउर जोन टेड़ा आसे सीदा, आउर जोन डेंग थाक
आसे हुन चमकनाय बाट बने दे
6आउर हर प्राणी माहापुरू चो मुक्ति के दक दे’।”
7जोन भीड़ चो भीड़ हुनचो ले डूबन धरतो काजे निकरून भाती ऐते रली, हुनमन ले हुन बोलते रलो, “हे सांप चो पिलामन, तुमके कोन जनालो कि ऐतो बिती रीस ले पराआ। 8आउर मन फिराव चो लायक फल आना, आउर आपलो-आपलो मन ने ऐ नी बिचारा कि आमचो बुआ अब्राहाम आय; कसनबल्लोने मय तुमचो ले बलें सें कि माहापुरू ऐ पकनामन ले अब्राहाम चो काजे पिला जनमाऊक सके। 9अदायं कुड़ार रूकमन चो जड़ उपरे संगालोर आसे, ऐईकाजे जोन-जोन रूक अच्छा फर नी फरे, हुन गोंदाय आउर आईग ने जलाया जाऊ आय।” 10आउर लोगमन हुनचो ले पचारला, “तो आमी काय करवां?” 11हुन हुनमन के जबाप दिलो, “जेचो लगे दुय ठान कुड़ता आसे, हुन हुनचो संगे जेचो लगे निआय बाटो आउर जेचो लगे भात आसे, हुन बले असने ची करो।” 12आउर उसूली करतो बितामन बले डूबन धरूक ईला, आउर हुनचो ले पचारला, “हे गुरू, आमी काय करवां?” 13हुन हुनमन ले बल्लो, “जोन तुमचो काजे ठेबाया गेलोर आसे, हुनचो ले आगर नी धरा।” 14आउर पलटनमन बले हुनचो ले ऐ पचारला, “आमी काय करवां?” हुन हुनमन ले बल्लो, “काचीई उपरे जबरन नी करा आउर ना झूठा दोष लगाआ, आउर आपलो रोजी उपरे संतुष्ट करा।” 15जिदलदाय लोग आशा लगाऊन रवत, आउर सपाय आपलो-आपलो मन ने यूहन्ना चो बारे ने बिचार करते रवत, कि काय ऐई मसीह तो नुआय। 16तेबे यूहन्ना हुन सपाय चो जबाप ने बल्लो, “मय तो तुमके पानी ले डूबन देयें सें, मान्तर हुन ऐतो बिता आय, जोन मोचो ले शक्ति बिता आय; मय तो ऐ लायक बले नुआय, कि हुनचो पनही चो बांदन निकराऊक सकें, हुन तुमके पवितर आत्मा आउर आईग ले डूबन देये दे। 17हुनचो सुपा, हुनचो हाथ ने आसे; आउर हुन आपलो कोटार के अच्छा ढंग ले छुक-छुका करे दे; आउर गऊँ के आपलो बेड़ा ने रूंड़ा करे दे; मान्तर भुसा के हुन आईग ने जोन लिबतो बिती नुआय जला ये दे।” 18आउर हुन खुबे असन सिक्या देउन-देउन भाती लोगमन के नगतखबर सुनाते रलो।
हेरोदेस बाटले यूहन्ना के जयलघर ने ढ़ाकतोर
19मान्तर जिदलदाय हुन चवथाई देश चो राजा हेरोदेस के हुनचो भाई फिलिपुस चो बायले हेरोदियासनी चो बारे ने आउर सपाय कुकरम चो बारे ने जोन हुन करू रये, जनालो, 20तेबे हेरोदेस हुन सपाय ले बडुन भाती ऐ कुकरम बले करलो कि यूहन्ना के जयलघर ने ढ़ाकलो।
यूहन्ना बाटले ईशु चो डूबन
21जिदलदाय सपाय लोगमन डूबन धरला आउर ईशु बले डूबन धरून भाती पारथना करते रलो, तेबे बादरी खुलुन गेली, 22आउर पवितर आत्मा देंह चो रूप ने परेयां चो असन हुनचो उपरे उतरली, आउर ऐ आकाशबानी होली “तुय मोचो लाड़रा बेटा आस, मय तुचो ले हरिक आंसे।”
ईशु चो बंसावली
23जिदलदाय ईशु खुद अच्छा गोठ करूक मुरयालो तेबे लगभग तीस बरक चो उमर चो रलो आउर (जसन समजा जाते रली) यूसुफ चो बेटा रलो; आउर हुन एली चो, 24आउर हुन मत्तात चो, आउर हुन लेवी चो, आउर हुन मलकी चो, आउर हुन यन्ना चो, आउर हुन यूसुफ चो, 25आउर हुन मत्तित्याह चो, आउर हुन आमोस चो, आउर हुन नहूम चो, आउर हुन असल्याह चो, आउर हुन नोगह चो, 26आउर हुन मात चो, आउर हुन मत्तित्याह चो, आउर हुन शिमी चो, आउर हुन योसेख चो, आउर हुन योदाह चो, 27आउर हुन यूहन्ना चो, आउर हुन रेसा चो, आउर हुन जरुब्बाबिल चो, आउर हुन शालतियेल चो, आउर हुन नेरी चो, 28आउर हुन मलकी चो, आउर हुन अद्दी चो, आउर हुन कोसाम चो, आउर हुन इलमोदाम चो, आउर हुन एर चो, 29आउर हुन येशु चो, आउर हुन इलियाजर चो, आउर हुन योरीम चो, आउर हुन मत्तात चो, आउर हुन लेवी चो, 30आउर हुन शिमोन चो, आउर हुन यहूदाह चो, आउर हुन यूसुफ चो, आउर हुन योनान चो, आउर हुन इलयाकीम चो, 31आउर हुन मलेआह चो, आउर हुन मिन्नाह चो, आउर हुन मत्तात चो, आउर हुन नातान चो, आउर हुन दाऊद चो, 32आउर हुन यिशै चो, आउर हुन ओबेद चो, आउर हुन बोअज चो, आउर हुन सलमोन चो, आउर हुन नहशोन चो, 33आउर हुन अम्मीनादाब चो, आउर हुन अरनी चो, आउर हुन हिस्रोन चो, आउर हुन पेरेस चो, आउर हुन यहूदा चो, 34आउर हुन याकूब चो, आउर हुन इसाक चो, आउर हुन अब्राहाम चो, आउर हुन तेरह चो, आउर हुन नाहोर चो, 35आउर हुन सरूग चो, आउर हुन रऊ चो, आउर हुन फिलिग चो, आउर हुन एबिर चो, आउर हुन शिलह चो, 36आउर हुन केनान चो, आउर हुन अरबछद चो, आउर हुन शेम चो, आउर हुन नूह चो, आउर हुन लेमेक चो, 37आउर हुन मथूशिलह चो, आउर हुन हनोक चो, आउर हुन इरीद चो, आउर हुन महललेल चो, आउर हुन केनान चो, 38आउर हुन एनोश चो, आउर हुन शेत चो, आउर हुन आदम चो, आउर हुन माहापुरू चो बेटा रलो।
Currently Selected:
लूका 3: HLBNT
Highlight
Share
Copy
Want to have your highlights saved across all your devices? Sign up or sign in
Halbi Bible by The Love Fellowship is licensed under Creative Commons Attribution-ShareAlike 4.0 License.
