ମାଥିଉ 12
12
ଜମ୍ନିଦିନ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣାତି ଆଦିକାର୍
(ମାର୍କ. ୨:୨୩-୨୮; ଲୁକ. ୬:୧-୫)
1ଦିନେକ୍ ଯିହୁଦିର୍ ଜମ୍ନିଦିନ୍ ନାଞ୍ଜିଙ୍ଗ୍ ଯୀଶୁ ଆରେ ତା ଚେଲାହିର୍ ତାସ୍ ୱିତ୍ତି ଜମି ନିପଣ୍ ହାଲ୍ଜି ମାଚାର୍। ତା ଚେଲାହିର୍ ନାସ୍କି ଆଜି ତାସ୍ନି କେରା ନାଡ଼୍ଚି ରାମ୍ଦାଇ କିଜି ଚିଞ୍ଜେଙ୍ଗ୍ ଲାଗାତାର୍। 2ଯିହୁଦି ଦରମ୍ନି ପାରୁସିଦଳ୍ନି ମାନାୟାର୍ ହେଦାଙ୍ଗ୍ ହୁଡ଼୍ଜି ହେୱାନିଙ୍ଗ୍ ୱେଚ୍ଚାର୍, “ଯିହୁଦି ଜମ୍ନିଦିନ୍ ନାଞ୍ଜିଙ୍ଗ୍ ଇମ୍ଣି କାମାୟ୍ ପା କିଦେଙ୍ଗ୍ ବିଦି ହିଲେତ୍, ହେଦାଙ୍ଗ୍ ମି ଚେଲାହିର୍ କିନାରା।”
3ମାତର୍ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ସାସ୍ତର୍ତାକେ ଇ ବିଷୟରେ ପଡ଼ି କିୱାତାଦେର୍ନା କି? ଦାଉଦ ରାଜା ଇନାକା ହିଲିହିଙ୍ଗ୍ ହେୱାନ୍ ଇନାକା କିଜି ମାଚାନ୍। ହେପାଦ୍ନା ହେୱାନ୍ ଆରେ ତା ହାଙ୍ଗ୍ଦାକାର୍ ନାସ୍କି ମାଚାର୍। 4ଦାଉଦ ରାଜା ଈଶ୍ୱର ମାନି ପୁଟ୍ତ ହାଚାନ୍। ଆରେ ଈଶ୍ୱର ହେବାକିନି ପୁଜାରି ଈଶ୍ୱରତିଙ୍ଗ୍ ପୁଜାକିତି ରୁଟିତିଙ୍ଗ୍ ଦାଉଦ ରାଜା ଚିଚାନ୍। ଆରେ ତା ହାଙ୍ଗ୍ଦାକାରିଙ୍ଗ୍ ପା ଚିଞ୍ଜେଙ୍ଗ୍ ହିତାନ୍। ଇନେସ୍କି ଈଶ୍ୱର ହେବାକିନି ମୁଡ଼୍ଦି ପୁଜାରିର୍ନେ ତିନାର୍, ହେଦାଙ୍ଗ୍ ହେୱାର୍ ତିନ୍ଞ୍ଜି ମାଚାର୍?
5ଆରେ ଜମ୍ନିଦିନ୍ ନାଞ୍ଜିଙ୍ଗ୍ ପୁଜାରି ଈଶ୍ୱର ମାନି ମନ୍ଦିର୍ ବିତ୍ରେ ଜମ୍ନିଦିନ୍ତିଙ୍ଗ୍ ରାଡ଼ା କିଜି ପା ଦସି ଆଉର୍, ମୋଶା ଲେକିକିତି ନିୟମ୍ ସାସ୍ତର୍ ଏପେଙ୍ଗ୍ ଇନାକା ଇଦାଙ୍ଗ୍ ପଡ଼ି କିୱାତାଦେର୍ନା?” 6ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା, “ଈଶ୍ୱର ମାନି ମନ୍ଦିର୍ ପିସ୍ତି ଗାଜା ବିଷୟ ଇବେ ମାନାତ୍। 7ଏପେଙ୍ଗ୍ ପୁଚାଦେର୍ନା କି ଇ କାତାନି ଅର୍ତ ସାସ୍ତର୍ତାକେ ଇନାକା ମାନାତ୍, ‘ଏପେଙ୍ଗ୍ ନାଙ୍ଗେଙ୍ଗ୍ ପୁଜାକିନି ବାଦୁଲ୍, ଏପେଙ୍ଗ୍ ଜେକନି ମାନାୟାରିଙ୍ଗ୍ ଦୟା ଚଚାଟ୍ ଇଦାଙ୍ଗ୍ ଆନେଙ୍ଗ୍ ଇଚା କିନାଙ୍ଗା।’ ହେଲେକେନେ ଏପେଙ୍ଗ୍ ଇ କାତାନି ଅର୍ତ ପୁଚିସ୍ ଇ ଦରମ୍ ଚେଲାରିଙ୍ଗ୍ ଦସି କିୱାତାଦେର୍ମା। 8ଇନେସ୍କି ଯିହୁଦିର୍ ଜମ୍ନିଦିନ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣାତି ଆଦିକାର୍ ମାନାତ୍।”
ରକାନିଙ୍ଗ୍ ୱାଚ୍ଚି କେଇଦିଙ୍ଗ୍ ଯୀଶୁ ହାର୍କିତାନ୍
(ମାର୍କ. ୩:୧-୬; ଲୁକ. ୬:୬-୧୧)
9ଯୀଶୁ ହେ ବାହାତାଙ୍ଗ୍ ହସି ଯିହୁଦିର୍ ପାର୍ତାନା ଇଞ୍ଜ ହାଚାନ୍। 10ଆରେ ହୁଡ଼ାଟ୍, ହେବେ ରକାନ୍ ମାନାୟ୍ ମାଚାନ୍। ହେୱାନ୍ତି ର କେଇ ୱାଜ୍ଜି ମାଚାତ୍। ହେୱାର୍ ତା ବିରଦ୍ତାକେ ୱେଚ୍ନାପ୍ ଇଞ୍ଜି ଯୀଶୁଙ୍ଗ୍ ୱେନ୍ବାତାର୍, “ଯିହୁଦିର୍ ଜମ୍ନିଦିନ୍ ନାଞ୍ଜିଙ୍ଗ୍ ହାର୍କିନି ବିଦି ହିଲେତ୍।”
11ମାତର୍ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଯଦି ମି ବିତ୍ରେ ର ମେଣ୍ଢା ମାନ୍ଗାନାତ୍, ଆରେ ଜମ୍ନିଦିନ୍ ନାଞ୍ଜିଙ୍ଗ୍ ହେ ମେଣ୍ଢା କଡ଼ିତାକେ ଆର୍ନାତ୍ ଲାଗିଙ୍ଗ୍, ଏପେଙ୍ଗ୍ ହେ ମେଣ୍ଢାତିଙ୍ଗ୍ ଉନ୍ଦୁଦେର୍କି? 12ଲାଗିଙ୍ଗ୍ ମେଣ୍ଢାତାଙ୍ଗ୍ ମାନାୟ୍ ଜିବୁନ୍ ଆଦିକ୍ ଗାଜା ଆକାୟ୍କି? ଲାଗିଙ୍ଗ୍ ଯିହୁଦିର୍ ଜମ୍ନିଦିନ୍ ନାଞ୍ଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଇ ବିଦି ମାନାତ୍।”
13ହେପାଦ୍ନା ଯୀଶୁ ହେ କେଇ ୱାଚ୍ଚି ମାନାୟ୍ତିଙ୍ଗ୍ ଇଚାନ୍, “ନି କେଇ ଲାମାୟ୍ କିୟା।” ହେବେତାଙ୍ଗ୍ ହେୱାନ୍ ତା କେଇ ଲାମାୟ୍ କିତାନ୍ ଆରେ ତା ଜେକନି କେଇ ଲେକେନେ ହାର୍ ଆତାତ୍। 14ମାତର୍ ପାରୁସିଦଳ୍ ହସିହାଲ୍ଜି ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ହେଦାପ୍ରେ ହେରୋଦ ରାଜା ନିପଣ୍ ଆନି ମାନାୟ୍ ହୁଦାଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।
ଈଶ୍ୱର ବାଚିକିତି ହଲିଆ
(ଯିଶା. ୪୨:୧-୪)
15ଯୀଶୁ ହେଦାଙ୍ଗ୍ ପୁନ୍ଞ୍ଜି ହେବେତାଙ୍ଗ୍ ଏଡ଼ାଆଜି ହସିହାଚାନ୍। ହେବେତାଙ୍ଗ୍ ବେସିହେନି ମାନାୟ୍ ତାପାଚେ ହାଚାର୍। ଆରେ ହେୱାନ୍ ୱିଜାରିଙ୍ଗ୍ ହାର୍କିତାନ୍। 16ହେବେତାଙ୍ଗ୍ ଯୀଶୁ ବୁତ୍ଆତ୍ମାକାଙ୍ଗ୍ ଦମାକାଇ କିଜି ୱେଚ୍ଚାନ୍, “ଇୱାନ୍ ଈଶ୍ୱର ମେହି ଇଞ୍ଜି ଇନେରିଙ୍ଗ୍ ପା ୱେଚ୍ମାଟ୍ ଇଞ୍ଜି ଆଦେସ୍ ହିତାନ୍।” 17ଯିଶାୟ ଭବିଷ୍ଯତବକ୍ତା ୱେଚ୍ଚି ଇ କାତା ପୁରା ଆତାତ୍,
18“ହୁଡ଼ାଟ୍, ଆନେଙ୍ଗ୍ ବାଚିକିତି ହଲିଆ।
ଆନେଙ୍ଗ୍ ହେୱାନିଙ୍ଗ୍ ବେସି ଲାଡ୍ କିନାଙ୍ଗ୍ ଆରେ ହେୱାନିଙ୍ଗ୍ ବେସି ୱାରି କିନାଙ୍ଗ୍।
ଆନେଙ୍ଗ୍ ହେୱାନିଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍,
ଆରେ ହେୱାନ୍ ବିନ୍ଜାତିର୍ତାକେ ନ୍ୟାୟ୍ବିଚାର୍ନି କାତା ଶୁଣାୟ୍ କିନାନ୍।
19ହେୱାନ୍ ମାନାୟାର୍ ହୁକେ କେତ୍ପା ଆଉନ୍ କି ଗାଜାକାଟ୍ କିଜି ଆଲାଆଉନ୍। ଆରେ ହାକ୍ଡ଼ିତ ଇନେର୍ ପା ତା ବେଣ୍ତିଙ୍ଗ୍ ୱେନୁର୍।
20ଯୀଶୁ ନିୟମ୍ତାଙ୍ଗ୍ ଜିତା ଆୱି ପାତେକ୍, ହେୱାନ୍ ର ଡିଙ୍ଗ୍ତି ବେତ୍ ବେଡ୍ଗା ଲେକେ ଦୁର୍ବଲ୍ ମାନାୟାରିଙ୍ଗ୍ ଦଣ୍ଡ୍ ହିଉନ୍,
ଆରେ ବଇଟାନି ସଡ଼ିତା ଲେକେ ଅସୁବିଦାତାକେ ମଡ଼ିଆତି ଲେକେ ମାନାୟାରିଙ୍ଗ୍ ଦଣ୍ଡ୍ ହିଉନ୍।
21ଇଦାଙ୍ଗ୍ କାଜିଙ୍ଗ୍ ୱିଜୁ ଜାତିନି ମାନାୟାର୍ ତାବେ ଆହା ଇଟ୍ନାର୍।”
ଈଶ୍ୱରଆତ୍ମା ବିରଦ୍ତିଙ୍ଗ୍ ନିନ୍ଦା
(ମାର୍କ. ୩:୨୦-୩୦; ଲୁକ. ୧୧:୧୪-୨୩)
22ରଦିନ୍ ପାଚେ ର ବୁତ୍ ଡୁୟାଆତି ମାନାୟ୍ତିଙ୍ଗ୍ ଯୀଶୁ କଚଣ୍ତ ତାହିୱାତାର୍। ହେୱାନ୍ ବେଣ୍କିଦେଙ୍ଗ୍ ଆଡ୍ୱାଦାଙ୍ଗ୍ ମାଚାନ୍ ଆରେ ହୁଡ଼୍ଦେଙ୍ଗ୍ ଆଡ୍ୱାଦାଙ୍ଗ୍ ମାଚାନ୍। ଯୀଶୁ ତାଙ୍ଗେଙ୍ଗ୍ ହାର୍କିତାନ୍। ହେବେତାଙ୍ଗ୍ ହେ ତତ୍ଲା ବେଣ୍କିଦେଙ୍ଗ୍ ଆଡ଼୍ତାନ୍ ଆରେ ହୁଡ଼୍ଦେଙ୍ଗ୍ ଆଡ଼୍ତାନ୍। 23ମାନାୟାର୍ ଇ ଚାନିଆଆନି କାମାୟ୍ ହୁଡ଼୍ଜି ୱେଚ୍ଚେଙ୍ଗ୍ ଲାଗାତାର୍, “ଆସେଙ୍ଗ୍ ଇମ୍ଣି ଦାଉଦ ରାଜା ମେହିଙ୍ଗ୍ କାତାସ୍ନା ଇୱାନ୍ କି ହେୱାନ୍?”
24ମାତର୍ ପାରୁସିଦଳ୍ନି ମାନାୟ୍ ହେଦାଙ୍ଗ୍ ୱେନ୍ଞ୍ଜି ୱେଚ୍ଚାର୍, “ଇୱାନ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାନା।” 25ମାତର୍ ଯୀଶୁ ହେୱାରିଙ୍ଗ୍ ମାନ୍ତି ଚିନ୍ତା ପୁନ୍ଞ୍ଜି ହେୱାରିଙ୍ଗ୍ ୱେଚ୍ଚାନ୍, “ଇମ୍ଣି ରାଜି ବାଗ୍ ଆଜି ଜାର୍-ଜାର୍ ବିରଦ୍ତାକେ ନିଙ୍ଗ୍ନାତ୍, ହେ ରାଜି ଶାନ୍ତିଆଜି ମାଞ୍ଜେଙ୍ଗ୍ ଆଡୁତ୍। ଆରେ ଇମ୍ଣି ସହର୍ କି, ର ପରିବାର୍ ନିକାର୍, ଯଦି ବାଗ୍-ବାଗ୍ ଆଜି ଜାର୍-ଜାର୍ ପରିବାର୍ତାକେ ବିରଦ୍ କିନାର୍, ହେ ପରିବାର୍ କି ସହର୍ ପା ବାଙ୍ଗା ଆନାତ୍।
26ଶୟତାନ ଯଦି ଶୟତାନତିଙ୍ଗ୍ ବିରଦ୍ କିଜି ହପ୍ନାତ୍, ହେଦାଙ୍ଗ୍ କାଜିଙ୍ଗ୍ ତା ଜାର୍ ଲକ୍ ବିତ୍ରେ ବାଗ୍-ବାଗ୍ କିନାତ୍। ଲାଗିଙ୍ଗ୍ ତା ରାଜି ଶାନ୍ତିଆଜି ମାଞ୍ଜେଙ୍ଗ୍ ଆଡୁତ୍। 27ଯଦି ଆନେଙ୍ଗ୍ ଶୟତାନ ଆତ୍ମା ସାଇଜତାଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାଙ୍ଗ୍, ଲାଗିଙ୍ଗ୍ ମି ହିମ୍ଣାଙ୍ଗ୍ ଇନେର୍ ସାଇଜତାଙ୍ଗ୍ ହେୱାରିଙ୍ଗ୍ ବୁତ୍ଆତ୍ମାକାଙ୍ଗ୍ ପିହିକିନାର୍। ଏପେଙ୍ଗ୍ ଇମ୍ଣି କାତା ନାଙ୍ଗେଙ୍ଗ୍ ଦସ୍ ହିଜି ଇଞ୍ଜ୍ନାଦେରା, ହେୱାର୍ ମିଙ୍ଗେଙ୍ଗ୍ ବିଚାର୍ କିଦ୍ନାର୍।
28ମାତର୍ ଆନେଙ୍ଗ୍ ଯଦି ପବିତ୍ର ଆତ୍ମା ସାଇଜତାଙ୍ଗ୍ ବୁତ୍ଆତ୍ମାତିଙ୍ଗ୍ ପିହିକିନାଙ୍ଗ୍, ଲାଗିଙ୍ଗ୍ ତ ଈଶ୍ୱର ସାସନ୍ କିନି ରାଜି ମି କଚଣ୍ତ ଇକାୱାତାତେ।” 29ଆରେରଗ ଯୀଶୁ ୱେଚ୍ଚାନ୍, “ପାର୍ତୁମ୍ ସାକ୍ତିକାଟି ମାନାୟ୍ତିଙ୍ଗ୍ ଆଗେ ଗାଚ୍ୱିତିସ୍ ଇନେର୍ ପା ତା ଇଞ୍ଜ ହଣ୍ଜି ତା ଟାଙ୍ଗି ଟାଙ୍ଗିଆ ୱିଜୁ ଅଦେଙ୍ଗ୍ ଆଡୁର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତାଙ୍ଗେଙ୍ଗ୍ ଆଗେ ଗାଚ୍ନାକା ମାନାତ୍। ତାପାଚେ ତା ଦନ୍ ସମ୍ପତି ୱିଜୁ ଅଦେଙ୍ଗ୍ ଆଡ୍ନାର୍। 30ଇମ୍ଣି ମାନାୟ୍ ନା ସାକ୍ଯା ଆକାଇ, ହେୱାନ୍ ନା ବିରୁଦ୍ତାକେ ମାନାନ୍। ଇମ୍ଣି ମାନାୟ୍ ନା ହୁଦାଙ୍ଗ୍ କାମାୟ୍ କିଉନା, ହେୱାନ୍ ନା ବିରୁଦ୍ତାକେ କାମାୟ୍ କିନାନା।”
31ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା, “ମାନାୟାର୍ ୱିଜୁ ପାପ୍ କେମା କିୟାଆନାତ୍। ମାତର୍ ଇମ୍ଣାକାର୍ ପବିତ୍ର ଆତ୍ମା ବିରଦ୍ତାକେ ନିନ୍ଦାକିଜି ୱେଚ୍ନାକାରିଙ୍ଗ୍ ତା କେମା ହିୟାଆଉତ୍। 32ଆରେ ଇନେର୍କି ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ବିରଦ୍ତାକେ ନିନ୍ଦା କିନାର୍, ହେୱାନିଙ୍ଗ୍ କେମା ହିଇଆନାତ୍, ମାତର୍ ଇନେର୍ ପବିତ୍ର ଆତ୍ମାତିଙ୍ଗ୍ ବିରଦ୍କିଜି ନିନ୍ଦା କିନାର୍ ହେୱାନିଙ୍ଗ୍ ଇ ଯୁଗ୍ଦ କି ପାଚେନି ଯୁଗ୍ଦ ପା କେମା ହିଇୟାଉତ୍।”
ପାଡ଼୍ କାଜିଙ୍ଗ୍ ମାର୍ତିଙ୍ଗ୍ ଚିନ୍ ହିୟିଆନାତ୍
(ଲୁକ. ୬:୪୩-୪୫)
33ଯୀଶୁ ଆରେରଗ ୱେଚ୍ଚାନ୍, “ହାର୍ଦି ମାନାୟ୍ ହାର୍ଦି କାମାୟ୍ କିନାନ୍, ଆରେ ବାନ୍ୟା ମାନାୟ୍ ବାନ୍ୟା କାମାୟ୍ କିନାନ୍। ହେଲେକେ ତା ପାଡ଼୍ ହୁଡ଼୍ଜି ମାର୍ତିଙ୍ଗ୍ ପୁନିୟା ଆନାତ୍ ହେଲେକେନେ ତା କାମାୟ୍ ହୁଡ଼୍ଜି ହେୱାରିଙ୍ଗ୍ ପୁନିଆନାତ୍। 34ଏପେଙ୍ଗ୍ ବିସ୍ମାନି ରାଚ୍ ଲେକେ! ଆରେ ଏପେଙ୍ଗ୍ ଏଚେକ୍ ବାନ୍ୟା ଆଜି ହାର୍ଦି ବେଣ୍ ଇନେସ୍କିଜି ୱେଚ୍ଚେଙ୍ଗ୍ ଆଡ୍ନାଦେରା? ଇନେସ୍କି ଏପେଙ୍ଗ୍ ମି ମାନ୍ ବିତ୍ରେ ଇନାକା ବାବିକିନାଦେରା, ହେଦାଙ୍ଗ୍ନେ ୱେଚ୍ନାଦେରା। 35ହାର୍ଦି ମାନାୟ୍ ଗରବ୍ ବିତ୍ରେ ହାର୍ଦି ବିଷୟ ବାର୍ତିଆଜି ମାନ୍ଗାନାତ୍। ହେୱାନ୍ ୱେଚ୍ନିହିଙ୍ଗ୍ ତା ଗରବ୍ତାଙ୍ଗ୍ ହାର୍ଦି ବିଷୟ ହନାତ୍। ମାତର୍ ବାନ୍ୟା ମାନାୟ୍ ଗରବ୍ ବିତ୍ରେ ବାନ୍ୟାବିଷୟ ବାର୍ତିଆଜି ମାନ୍ଗାନାତ୍। ଲାଗିଙ୍ଗ୍ ହେୱାନ୍ ୱେଚ୍ନିହିଙ୍ଗ୍ ତା ଗରବ୍ତାଙ୍ଗ୍ ବାନ୍ୟାବିଷୟ ହନାତ୍।”
36ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା, “ଈଶ୍ୱର ବିଚାର୍ କିଦ୍ନିଦିନ୍ ମାନାୟାର୍ ଇମ୍ଣି ପଲିଆ-ପଲିଆ କାତାତିଙ୍ଗ୍ ପା ହେୱାନ୍ ବିଚାର୍ କିଦ୍ନାନ୍। ଆରେ ହେୱାର୍ ୱେଚ୍ଚି କାତାତାଙ୍ଗ୍ ବିଚାର୍ କିନାନ୍। 37ହେଦାଙ୍ଗ୍ କାଜିଙ୍ଗ୍ ଈଶ୍ୱର ବିଚାର୍ କିନିହିଙ୍ଗ୍ ମାନାୟାର୍ ୱେଚ୍ଚି କାତାତିଙ୍ଗ୍ ଦସି ଇଞ୍ଜି ବିଚାର୍ କିନାନ୍। ଆରେ ହେୱାର୍ ୱେଚ୍ଚି କାତାକାଜିଙ୍ଗ୍ ହେୱାନ୍ ନିର୍ଦସ୍ ଇଞ୍ଜି ବିଚାର୍ କିନାନ୍।”
ଯୁନସ୍ତି ଚିନା
(ମାର୍କ. ୮:୧୧-୧୨; ଲୁକ. ୧୧:୨୯-୩୨)
38ହେପାଦ୍ନା ପଣ୍ଡିତାର୍ ଆରେ ପାରୁସିଦଳ୍ ବିତ୍ରେତାଙ୍ଗ୍ କେତ୍ଜାଣ୍ ମାନାୟ୍ ଯୀଶୁଙ୍ଗ୍ ୱେଚ୍ଚାର୍, “ଏ ଗୁରୁ, ଆପେଙ୍ଗ୍ ନିବେତାଙ୍ଗ୍ ର ଚାନିଆଆନି ଚିନା ହୁଡ଼୍ଦେଙ୍ଗ୍ ଇଚା କିନାପା।” 39ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ନଙ୍ଗୟ୍ନି ଯୁଗ୍ଦି ବାନ୍ୟା ମାନାୟାର୍ ଆରେ ଦାରୁଲାନି ଲାତ୍ରା ନିକାର୍ ନେ ଚାନିଆଆନି ଚିନା ଡେକ୍ନାର୍। ମାତର୍ ଇଲେଗ୍ଦି ମାନାୟାର୍ କାଜିଙ୍ଗ୍ ଭବିଷ୍ଯତବକ୍ତା ଯୁନସ୍ ଜିବୁନ୍ତ ଇନେସ୍ ଲେଗ୍ଦି ଚାନିଆଆନି କାମାୟ୍ ଆଜିମାଚାତ୍, ହେଲେଗ୍ଦି ଚିନା ମିଙ୍ଗେଙ୍ଗ୍ ହିୟିଆନାତ୍। 40ହେଲେକେ ଭବିଷ୍ଯତବକ୍ତା ଯୁନସ୍ ତିନ୍ଦିନ୍ ଆରେ ତିନ୍ରାତି ର ଗାଜା ମିନ୍ ପଟତ ମାଚାନ୍, ହେଲେକେ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ତିନ୍ଦିନ୍ ଆରେ ତିନ୍ରାତି ମେଦ୍ନି ବିତ୍ରେ ମାନ୍ଗାନାନ୍।
41ବିଚାର୍ ଦିନ୍ତ ନିନିବିର ଦେସ୍ନି ମାନାୟାର୍ ମି ବିରୁଦ୍ତାକେ ୱେଚ୍ନାର୍ ଆରେ ଦସି କିଦ୍ନାର୍। ଇନେସ୍କି ନିନିବି ଦେସ୍ନି ମାନାୟାର୍ ଭବିଷ୍ଯତବକ୍ତା ଯୁନସ୍ କାତାତିଙ୍ଗ୍ ୱେନ୍ଞ୍ଜି, ହେୱାର୍ ପାପ୍ କାମାୟ୍ ପିସ୍ତି ମାପୃତାକେ ୱାତାର୍ନା। ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା, ‘ଆନେଙ୍ଗ୍ ଭବିଷ୍ଯତବକ୍ତା ଯୁନସ୍ତାଙ୍ଗ୍ ଗାଜାକାଙ୍ଗ୍।’ ମାତର୍ ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଇଚା କିୱାତାଦେର୍।
42ବିଚାର୍ ଦିନ୍ତ ଦକ୍ଷିଣ ଦେସ୍ତି ରାଣି ମି ବିରୁଦ୍ତାକେ ୱେଚ୍ନାତ୍ ଆରେ ମିଙ୍ଗେଙ୍ଗ୍ ଦସି କିଦ୍ନାତ୍। ଇନେସ୍କି ହେ ରାଣି ଶଲମୋନ ବୁଦିନି କାତା ୱେଞ୍ଜେଙ୍ଗ୍ ବେସି ଦେହାତାଙ୍ଗ୍ ୱାଜି ମାଚାତ୍। ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା, ଆନେଙ୍ଗ୍ ଶଲମନ ରାଜାତାଙ୍ଗ୍ ଗାଜାକାଙ୍ଗ୍। ମାତର୍ ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଇଚା କିୱାତାଦେର୍।”
କରାପ୍ ମାନାୟ୍ ବେସିଦୁକ୍ ପାୟା ଆନାନ୍
(ଲୁକ. ୧୧:୨୪-୨୬)
43ଯୀଶୁ ଆରେରଗ ୱେଚ୍ଚାନ୍, “ଏଚେପାଦ୍ନା ବୁତ୍ଆତ୍ମା ର ମାନାୟ୍ ତାକେଣ୍ଡାଙ୍ଗ୍ ହସି ହାଚିସ୍, ହେ ବୁତ୍ଆତ୍ମା ଜମ୍ନି ବାହା ଡେକ୍ତେଙ୍ଗ୍ ଉପାୟ୍ କିନାତ୍। 44ଯଦି ହେ ବୁତ୍ଆତ୍ମା ଜମ୍ନି ବାହା ଗାଟାଆୱିତିସ୍ ତା ମାନ୍ତ ବାବାକିନାତ୍, ‘ଆନେଙ୍ଗ୍ ଇମ୍ଣି ମାନାୟ୍ତାଙ୍ଗ୍ ୱାଜି ମାଚାଙ୍ଗ୍, ହେୱାନ୍ତାକେ ଲେଉଟା ଆଜି ହାନାଙ୍ଗ୍।’ ମାତର୍ ହେ ବୁତ୍ଆତ୍ମା ମାନାୟ୍ତାକେ ୱାଜି ର ସପାସୁତ୍ରା ହାର୍ଦି ଇଲ୍ ଲେକେ ହେ ମାନାୟ୍ତିଙ୍ଗ୍ ହାର୍ଆତାକା ହୁଡ଼୍ତିସ୍, 45ହେପାଦ୍ନା ହେ ବୁତ୍ଆତ୍ମା ହାଲ୍ଜି ତାବେତାଙ୍ଗ୍ ଆରେ ଆଦିକ୍ ବାନ୍ୟା ସାତ୍ଜାଣ୍ ବୁତ୍କୁକାଙ୍ଗ୍ କୁକ୍ଚି ତାନାତ୍। ହେ ବୁତ୍କୁ ୱିଜୁ ହେ ମାନାୟ୍ବିତ୍ରେ ହଣ୍ଜି ରବେ ମାନ୍ଗିନିକ୍। ହେଲେକେ ହେ ମାନାୟ୍ ଅବସ୍ତା ଆଗେଲେକେ ଆଦିକ୍ କରାପ୍ ଆନାତ୍। ଇ ଯୁଗ୍ନି କରାପ୍ ମାନାୟାର୍ ବିତ୍ରେ ପା ହେଲେକେ ଗଟାଆନାତ୍।”
ଯୀଶୁ ତେହି ଆରେ ଟଣ୍ଡାହିର୍
(ମାର୍କ. ୩:୩୧-୩୫; ଲୁକ. ୮:୧୯-୨୧)
46ଏଚେପାଦ୍ନା ଯୀଶୁ ମାନାୟ୍ ଗଉଲି ବିତ୍ରେ ବେଣ୍ ୱେଚ୍ନିହିଙ୍ଗ୍, ଯୀଶୁ ତେହି ଆରେ ଟଣ୍ଡାହିର୍ ବାର୍ତ ନିଲ୍ଚି ତା ଲାହାଙ୍ଗ୍ ବେଣ୍କିଦେଙ୍ଗ୍ ମାନ୍ କିଜି ମାଚାର୍। 47ହେ ମାନାୟ୍ ବିତ୍ରେତାଙ୍ଗ୍ ରକାନ୍ ଯୀଶୁଙ୍ଗ୍ ୱେଚ୍ଚାନ୍, ହୁଡ଼ା, ନିଙ୍ଗେଙ୍ଗ୍ ମିଞ୍ଜିୟା, ଟଣ୍ଡାଦିର୍ ଆରେ ତଣ୍ଦେଦିକ୍ ବାର୍ତ ନିଲ୍ତାର୍ନା ନି ଲାହାଙ୍ଗ୍ ବେଣ୍କିଦେଙ୍ଗ୍ ମାନ୍ କିନାରା।
48ଯୀଶୁ ତା ଚେଲାହିରିଙ୍ଗ୍ ଚଚ୍ଚି ଇବେଣ୍ ୱେଚ୍ଚାନ୍, “ଇନେର୍ ନା ଆୟା ଆରେ, ନା ଟଣ୍ଡାର୍? 49ଆରେ, ଯୀଶୁ ଜାର୍ ଚେଲାହିର୍ ନିପଣ୍ କେଇ ଲାମାୟ୍ କିଜି ୱେଚ୍ଚାନ୍, ହୁଡ଼ାଟ୍, ଇୱାର୍ନେ ମାଞ୍ଜିୟା ଆରେ ଇୱାର୍ନେ ନା ଟଣ୍ଡାର୍, 50ମାତର୍ ଇନେର୍ ପା ନା ସରଗ୍ନି ଆବା ଇଚା ମାନିକିନାର୍, ହେୱାନ୍ ନା ଟଣ୍ଡେନ୍, ତଣ୍ଦେଲ୍ ଆରେ ମାଞ୍ଜିୟା।”
Currently Selected:
ମାଥିଉ 12: PEGNT
Highlight
Share
Copy
Want to have your highlights saved across all your devices? Sign up or sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
