Salmos 6
6
Sc'anel c'uxultayel ta yorahil tsajel
Yu'un jach-c'ayoj; ta scuenta waxaqueb cuerda. Ha salmo yu'un David.
1Jehová, ma me socuc awilimba yac awuton,
ma me socuc sc'ahc'al awo'tan yac awa'bon castigo.
2C'uxultayawon, Jehová, yu'un ayon ta chamel;
lecubtesawon, Jehová,
yu'un ya snihc sbahic te jbaquele.
3Ha nix hich ya spich' sba co'tan;
¿bin to ora, Jehová?
4Suhtan tal, Jehová, coltaybon te jcuxlejal.
¡Coltayawon ta scuenta te sc'uxul awo'tan!
5como mayuc mach'a chamenix a te ya to sna'at xan;
ta muquenal ¿mach'a ya yalbat lec ac'oblal?
6Lubenonix yu'un ahcan;
jujun ahc'abal ya xnoj ta ya'lel jsit te jwayib,
ya xt'ux jwayib yu'un.
7Ya xlaj yip jsit ta scaj mel-o'tan;
ya xmahc jsit ta scaj spisil te jcontratac.
8¡Loc'anic ta jtojol, apisilic te chopol awa'telic,
como te Jehová la ya'iybonix te coq'uele!
9Te Jehová la ya'iyix te bin la jc'ambe,
la stsacbonix jc'op te Jehová.
10Ya me xq'uexawanic soc bayel me ya xiwic
spisil te jcontratac;
ya me suhtic bahel
soc ora nax ya me stahic q'uexlal.
Currently Selected:
Salmos 6: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
