Levítico 6
6
Mahtanil yu'un mulil ta scuenta lo'loywanej
1Te Jehová la yalbe te Moisés: 2Teme ay mach'a ya sta smul, te ha ya sta falta ta stojol Jehová te bin ut'il ma ba ya ya'beyix te bin ay yu'un te spat-xuhc te a'bibil scuentahin o a'bibil hilel ta sc'ab, o te ya yelc'ambe o ya sbohlobtesbe sc'oblal te spat-xuhc, 3o ya smuc ta yo'tan te la sta te bin ch'ayem yu'un te spat-xuhc, o ya yal ta jamal ta lot te bin ay ta pasel te ya sta mulil a te winique, 4te bin ut'il stahoj smul soc stahoj falta, ya me suht te bin la yelc'an o te la suj ta yaq'uel, te bin a'bibil ta scuenta o te bin ch'ayem te la sta, 5o biluc a te la yal ta jamal ta lot. Ya me sutbe spisil ta stojol te yajwal, soc ya me yac' jun xan ta yo'ebal te bin ora ya yac' te mahtanil yu'un smul. 6Scuenta mahtanil yu'un stojel smul te sfalta stahoj ya me yic' tal ta stojol Jehová jcoht tat tuminchij o tentsun te mayuc bin jihnem yu'un, te hich stojol te yac awale, ya me ya'be ta stojol te sacerdote scuenta mahtanil yu'un stojel mulil. 7Te sacerdote hich ya spasbe te stojel mulil yu'un ta stojol Jehová, hich ya sta perdón yu'un te biluc mulil te la sta falta yu'une, xchi te Jehová.
Sc'oblal milbil mahtaniletic
8Te Jehová la yalbe xan te Moisés: 9Halbeya te Aarón soc te snich'nab: Hich ay sc'oblal te scohtol chic'bil mahtanil: Te scohtol chic'bil mahtanil ya me xhil sjunal ahc'abal ta c'ahc' te ay ta scajtajib ta chiq'uel mahtanil ha to c'alal ya sacub q'uinal, te hich ya xlaj ta chiq'uel. 10Te sacerdote ya slap sc'u' soc scomil wex pasbilic ta lino. C'alal lajix ta c'ahq'uel a te scohtol chic'bil mahtanil ya stsobe te stanul ay ta sba te scajtajib, ya yac' hilel ta xuhc te scajtajib ta chiq'uel mahtanil. 11Patil ya sjeltay te sc'u' spac', ya yich' bahel te stanul ta fuera yu'un te campamento ta lugar te ma ba bohloben sc'oblal.
12Te c'ahc' ya xtihl ta scajtajib ta chiq'uel mahtanil, ma me ayuc bin ora ya xtup', te sacerdote ya me ya'be si'il ta jujun sab, ya scajan ta sba si' te chambahlam ya yich' chiq'uel, soc tey ya schic'be a te sjuhp'el te milbil mahtanil scuenta lamal q'uinal. 13Spisil ora ya me xtihl te c'ahc' ta scajtajib ta chiq'uel mahtanil; ma me ayuc bin ora ya xtup'.
Sc'oblal mahtanil harina
14Hich ay te mandaril yu'un te mahtanil harina: Te snich'nab Aarón ya ya'beyic te mahtanil harina ta stojol Jehová ta scajtajib ta chiq'uel mahtanil. 15Ya sjohp ta sc'ab te lequil harina yu'un te mahtanil soc te aceite, soc spisil te pom ay ta sba te mahtanil, ya schic' ta scajtajib ta chiq'uel mahtanil scuenta sna'ojibal te sumet yic' ta stojol Jehová. 16Te jayeb ya xhil, ha ya swe' te Aarón soc te snich'nabe. Mayuc slevadurahil ya swe'ic ta lugar te ch'ultesbil; ha ya swe'ic ta yamaq'uil te Nahilpac' Templo yu'un tahojibal. 17Ma ba ya yich' ta'ajtesel soc levadura. Ha ca'beyej te Aarón soc te snich'nab te jayeb hilem yu'un te chic'bil mahtanil cu'une; ha mero ch'ultesbil, hich te bin ut'il te milbil mahtanil yu'un mulil soc te milbil mahtanil yu'un stahel falta. 18Spisil te winiquetic te ha snich'nab Aarón ya xhu' ya swe'ic. Ha mandaril sc'oblal te chic'bil mahtaniletic yu'un Jehová te ma xlaj sc'oblal ta cajalcaj ats'umbalic. Biluc a te ya xtahot yu'un te mahtanile, ha ch'ultesbil ya xc'oht, xchi.
Mahtanil ya yac' sacerdotehetic
19Te Jehová la yalbe te Moisés: 20Hich ay te mahtanil ya yac' te Aarón soc te snich'nab ta stojol Jehová te c'alal ya xmalbot aceite scuenta ch'ultesel: ha jun ta slajunebal#6.20 2 kilos efa lequil harina, j'ohlil ya yac' ta sab, j'ohlil ta tibiltic, ha mahtanil te ma xlaj sc'oblal ta aq'uel. 21Ya yich' pasel ta sartén soc aceite; wots'bil a yac awich' tal soc ta'ajemix xet'ticlambil yac awac' scuenta mahtanil te sumet yic' ta stojol Jehová. 22Hich nix ya sc'an ya spas te sacerdote te tsahbil ta yohlil te snich'nab Aarón soc te yich'oj malel ta aceite scuenta ch'ultesel te ha sjelol Aarón. Yu'un Jehová te mahtanile, spisil me ya yich' chiq'uel. 23Spisil te mahtaniletic ya yac' te sacerdote, scohtol me ya yich' chiq'uel, ma ba ya yich' we'el, xchi.
Sc'oblal mahtanil yu'un mulil
24Te Jehová la yalbe te Moisés: 25Halbeya te Aarón soc te snich'nab te hich ay te mandaril yu'un te milbil mahtanil yu'un stojel mulil: Ta banti ya yich' milel te scohtol chic'bil mahtanil tey me ya yich' milel a te mahtanil yu'un mulil ta stojol Jehová; ha mero ch'ultesbil. 26Te sacerdote te ya yac' te mahtanil yu'un mulil, ha nix ya swe'; ya me swe' ta lugar te ch'ultesbil, ta yamaq'uil te Nahilpac' Templo yu'un tahojibal. 27Spisil te bin ya xtahot yu'un te ti'bale, ch'ultesbil ya xc'oht, soc teme ay c'oht ch'ich' ta sc'u' spac', ya me asac' ta lugar te ch'ultesbil. 28Te pac'bil oxom banti ya yich' payel ya me yich' top'el; teme ya yich' payel ta oxom pasbil ta bronce, ya me yich' huxel soc suq'uel ta ha'.
29Spisil winiquetic te ayic ta sacerdotehil ya xhu' ya swe'ic; ha mero ch'ultesbil. 30Pero ma xhu' ta we'el te mahtanil te yich'oj ich'beyel ochel sch'ich'el ta yutil te Nahilpac' Templo yu'un tahojibal scuenta stojel mulil ta ch'ul awilal; ya me yich' chiq'uel.
Currently Selected:
Levítico 6: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
