Levítico 2
2
Mahtaniletic harina
1Teme ay mach'a ya ya'be smahtanin harina te Jehová, ya me yac' lequil harina; ya ya'be aceite soc pom ta sba, 2ya yich'be tal ta stojol te snich'nab Aarón, ha te sacerdotehetique. Te sacerdote ya sjohp ta sc'ab johp te lequil harina soc aceite, soc spisil te pom, ya schic' ta sba te scajtajib ta chiq'uel mahtanil scuenta sna'ojibal; ha chic'bil mahtanil te buen sumet yic' ta stojol Jehová. 3Te jayeb ya xhil yu'un te mahtanil, ha yu'un Aarón soc te snich'nabe, ha mero ch'ultesbil mahtanil te ya yich' chiq'uel ta stojol Jehová.
4C'alal yac awac' mahtanil harina te ta'ajem ta horno, ha me pimil pan te pasbil ta lequil harina te ma ba yich'oj levadura soc wots'bil ta aceite, o jayal pan ma ba yich'oj levadura te jaxbil nax ta aceite.
5Teme yac awac' mahtanil harina pasbil ta samet, ha me te pasbil ta lequil harina te mayuc slevadurahil soc te wots'bil ta aceite. 6Yac axet'iclan soc yac amalbe aceite. Ha mahtanil harina.
7Teme yac awac' mahtanil harina te pasbil ta sartén, ha me te ya yich' pasel ta lequil harina soc aceite. 8Yac awich'be tal ta stojol Jehová te mahtanil harina hich pasbile, yac awa'be te sacerdote, ha ya yich' bahel ta scajtajib ta chiq'uel mahtanil. 9Tey ya yich' jtebuc a te mahtanil te sacerdote scuenta sna'ojibal, ya schic' ta scajtajib ta chiq'uel mahtanil; ha chic'bil mahtanil te sumet yic' ta stojol Jehová. 10Te jayeb ya xhil yu'un te mahtanil, ha yu'un Aarón soc te snich'nabe. Ha te bin mero ch'ultesbil yu'un te mahtaniletic ya yich'ic chiq'uel ta stojol Jehová.
11Ma me xawa'be Jehová te mahtanil harina te yich'oj levadura, como ma xhu' ya yich' chiq'uel scuenta smahtan te Jehová te bin yich'oj levadura o chab. 12Ya xhu' yac awa'beyic smahtanin Jehová scuenta sba sit, pero ma me xachiq'uic ta scajtajib ta chiq'uel mahtanil scuenta sumet yic'. 13Ya me awa'be yats'amul spisil te mahtanil harina yac awac'; ma me ayuc bin ora ya spas falta ta mahtanil awu'un te ats'am yu'un te chapbil-c'op yu'un te Dios awu'une. Ta spisil te mahtaniletic awu'un ya me awa'be yats'amul.
14Teme yac awa'be Jehová te mahtanil yu'un sba sit, ya me abacubtes ta c'ahc' te jujuchej te syaxal to soc te sit chewbil, scuenta mahtanil harina yu'un te sba sit awu'une. 15Ya me awa'be aceite soc pom ta sba. Ha mahtanil harina. 16Te sacerdote ya schic' jtebuc te sit chewbil soc te aceite, soc spisil te pom, scuenta sna'ojibal; ha mahtanil te ya yich' chiq'uel ta stojol Jehová.
Currently Selected:
Levítico 2: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.