مارکوس 2
2
ڈول مانیانکھانّی میجیگ پھانچوگا زادس۔
1جاگ کھاچیگی ستینگنے حضرت عیسیٰ سی کفرنحُوم مّی ڈونگکھیرلا لوگستے سکیودّاچیگ، کھونگ کھانگپا لوگستے سکیودکھانّی ناتشولبو گیوگسپا پھیل 2یانگ ایزام می مانگپو دزوم، کھونگی کھانگپا ماتشاد گھوے پھیلوگانگ ناسّا ستونگپا مالوس۔ کھونگی میگونلا خُدے حُکم شادّا زادس زانے 3میگونّی زاپھوگکھان جیگ کھونگ یودسا کھیونگس، کھو مینگّو ژی مالتسیکا کھورتے یودپین۔ 4میتشوگسّی جاستے، کھونگونلا کھو حضرت عیسیٰ سی یودسا کھیونگ مانیان۔ کھونگون کھانگپے کھیتھوگّا سونگتے حضرت عیسیٰ سی جُوگستے یودسے کھاڈانّگا ہولتور پھودتے مالتسا نیامپو کھو حضرت عیسیٰ سی لدُونلا پھابس۔ 5کھونگونی میبو گیالچوگچیسّی ایمان چوکھانبو حضرت عیسیٰ سی زیگستے کھونگی زاپھوگکھانبوا مولس، ”بُوژا، نگے کھیرانگی دِیگپاگونلا مُعافی تانّگاد۔“
6تیکا دُوگستے یودکھانّی شریعتی عالِم کھاچیگی سیمسّی نانّگا سامس، 7”کھوے تیزوگ چیا زیرّانوگ؟ کھوے تتلوکچوستے اینوگ۔ خُدے ماستوگ سُوا دِیگپا مُعافی سال نیانین۔“
8تینّامالّا کھونگونی سیمسّی نانّگا سامکھانبو حضرت عیسیٰ سی کھیینتے کھونگونلا مولس، ”کھیوجے کھیوجارانگی سیمسّی نانّگا ایزوگ چیا سامّاد؟ 9زاپھوگکھانبوا، ’ کھیرانگی دِیگپا مُعافی تانگستے این‘ زیرچیسپو لامو اینّوگا یا ’لانگستے کھیرانگی مالتسا کھورتے ڈول‘ زیرچیسپو؟ 10اِین نانگ اِبنِ آدم دُنیائیکا دِیگپا مُعافی تانگچیسّی وانگچھا یودکھانبو کھیوجا ستانین“ تینے حضرت عیسیٰ سی زاپھوگکھانبوا مولس، 11”نگے کھیورانّگا زیرّاد، لونگس، رانگی مالتسا کھورتے کھانگپا سونگ۔“
12تینّامالّا می ستاکھان تشانگمے لدُونلا کھو لانگستے کھورانگی مالتسابو کھورس یانگ ڈولتے سونگ۔ کھونگ تشانگما ہالاستے خُدا ستودپا پھولین زیرس، ”نگاجا گُونلا، ای تسوگسشیگ مانے ماتھونگ۔“
حضرت عیسیٰ سی متّی بودّا زادس۔
13تینے یانگسکیار حضرت عیسیٰ مسیح گلِیلی تشوے تھاما سکیودس، یانگ کھونگ یودسا یونگکھانّی میتشوگسگونلا چھوسشادّا زادس۔ 14کھونگ جابڈُولّا سکیود زانے کھونگی حلفئی سی بُوژا لاوی، ٹھالنینسے ناسّیکا دُوگستے یودا زِیگس یانگ کھونگی کھوا مولس، ”نگے ستینگرانگنے ڈونگس۔“ کھو لانگستے حضرت عیسیٰ سی ستینگرانگنے ڈانگس۔
15ستینگنے حضرت عیسیٰ سی یودا ای کھانگپا گونگزان دونّالا سکیودس، ٹھالّینکھان تانگ جان دِیگپاچان می مانگپوانگ حضرت عیسیٰ تانگ لوبٹوگسگون نیامپو کھارجی زالا یودپین۔(حضرت عیسیٰ سی ستینگرانگنے ڈانگسکھان مانگچھیا تیتسوگسی میگون اینپین)۔ 16فریسی پا شریعتی عالِم گونّی، حضرت عیسیٰ سی ٹھال نینکھان تانگ دِیگپاچانگون نیامپو دونتانگ دونین تھونّگاچیگ، کھونگی لوبٹوگس گونلا ٹیس، ”کھونگ ٹھالّینکھان تانگ دِیگپاچان میگون نیامپو چیا دونتانگ دونّانوگ؟“
17حضرت عیسیٰ سی تیبو سانّاچیگ کھونگونلا مولس، ”زُومو یونگکھان جیگّا مانے کھامزانگ میجیگّا امچھی گوسّا مانوگ۔ نگا کھیوجا ٹانگپو این سامکھانگونلا مانپا، دِیگپاچانگونلا بودّا یونگسپین۔“
حضرت عیسیٰ سی نانّگا میتشے پھودتشول سومابو، سنیینگپابو سانگ سوسو اینوگ۔
18یوحنّانی لوبٹوگسگون تانگ فریسی پاگون روزا #2:18 یانگنا روزا دُوگستے یودی توسشیگّا، می کھاچیگ، حضرت عیسیٰ سی یودسا یونگستے ٹیس، ”یوحنّانی لوبٹوگسگون تانگ فریسی پاگون روزا دوگدوگ، اِین نانگ نیرانگی لوبٹوگسگون چیا روزا دوگّا مانوگ؟“
19حضرت عیسیٰ سی لانسالس، ”باگستونّی نانّگا ماگپا نیامپو یود زانے کھوے ڈونپوگون روزا دوگاینّا؟ میدوگ۔ 20اِین نانگ توسپو لیباین نام ماگپا ڈونپوگونّے پھیستے کھیرین، تینے کھونگونی ردوگپو چوستے روزا دوگین۔“
21”سوجیگیانگ کوسلاگ سنیینگپاجیگّا راس سومے لانبا تابّا مانوگ، کالتیس تابنا کوس ٹھواچیگ لانبا سومابو کھونگستے کوس چھادکھانبو مانّگا تھوا چوانوگ۔“
22”تینّا تسوگسلا چھانگ سوما پاگسپے سکیاپا سنیینگپے نانّگا میلوگ۔ کالتیس لوگنا چھانگبوا سکیور لانگستے پاگسپے سکیاپا بوستے چھاداین، چھانگ بوتے سکیاپانگ دودمید چھین۔ چھانگ سوما پاگسپے سکیاپا سومے نانّگا لوگاین۔“
حضرت عیسیٰ سی شابّادّی جاگی مسیح۔
23حضرت عیسیٰ مسیح شابّادّی آرام چوچیسی جاگّا جینگ گیُودتے سکیودین یود زانے، کھونگی لوبٹوگسگون کھونگ نیامپو ڈولّادپین۔ کھونگونی جینگی سنییما چادچیس گوزوگ۔ 24فریسی پاگونّی حضرت عیسیٰ سی زیرس، ”ستوسّانگ کھونگونی شابّادّی آرام چوچیسی جاگّا لاس چوستے چیا چھوسٹھیمس چاگّانوگ؟“
25حضرت عیسیٰ سی لانسالس، ”حضرت داؤد تانگ کھوے ٹوپاگون ستوگستے یانگ گھوسدومی نانّگا یود زانے چی چوس ہلژخمہ شوقبُو بوے نانگنے کھیوجے مانے ماسیلپینّا؟ 26ابیاتھار یہُودی پے اِمامِ اعظم ینّی توس، حضرت داؤد خُدے کورّی چھودپا پھولسے ناسّے نانّگا سونگتے ہلژخمہ تاگی زوس، تیبو یہُودی پے اِمام مانے زاچھوگّا میدپین، یانگ کھوے، ٹوپاگونلانگ تانگس۔“
27تینے حضرت عیسیٰ سی کھونگونلا مولس، ”شابّاد ای جاگپوے پھانتھوگسّی پھیا مانپا، آرام چوچیسی جاگپو میی پھانتھوگسّی پھیا چوا زادس۔ 28تینّابویپھیا اِبنِ آدم شابّادّی آرام چوچیسی جاگّا چی چو چھوگس یا میچھوگس زیرچیسّی وانگچھا یود۔“
Currently Selected:
مارکوس 2: LBJNT
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
