Matej 12

O Isus isi le vlast po savato

1Ane gova vreme phirola o Isus pe sikadencar ko savato maškaro điv, a lese sikade bokhajle thaj lije te čhinen o điv thaj te xan. 2A nesave fariseja dikhlje gova thaj vaćarde lese: “Dičhe, e sikade ćire ćeren so naj dozvolimo ko savato!”

3A o Isus vaćarda lenđe: “Džanav kaj čitisaden so ćerda o David, kana bokhajlo vov thaj lese amala. 4Kana đelo andre ano Čher e Devleso,#12,4 Čher e Devleso Šatori taro sastanko. e mangre save čhuvena pe sar kurbano von xalje, a naj sasa šukar te xan ni vov ni kola so sesa lesa. Gola mangre šajine te xan samo e sveštenikura. 5Džanav kaj čitisaden ane Mojsijaso zakon kaj e sveštenikura ano Hram o savato savo si sveto phađen, gija so kanden ane gova đive a palem naj banđe. 6Me vaćarav tumenđe kaj si kate kova savo si po baro taro Hram! 7Kana bi samo džanena so si gova: ‘O milosrđe mangav a na samo kurbano’, nikad ne bi osudina kolen save naj grešna. 8Golese kaj man, e Čhave e manušese, isi man vlast po savato.”

O Isus sastarol ko savato

9Kana đelo o Isus gothar, avilo ane lenđi sinagoga. 10Thaj sasa gothe manuš šuće vastesa thaj pučlje e Isuse: “Šaj li ko savato te sastarol pe?” A e fariseja rodije khanči te tužin e Isuse. 11A vov vaćarda lenđe: “Savo tumendar ako isi le jekh bakri pa ako voj ko savato perol ani rupa ni ka lol te ikalol la? 12A kozom si o manuš po baro taro bakro! Gija si mukhlo ko savato šukar te ćerol pe.”

13Tegani o Isus vaćarda gole manušese: “Pruži ćiro va!” I vov pružisada piro va thaj leso va sastilo sar o dujto va. 14A e fariseja iklile te dogovorin pe sar te mudaren le.

O Isus si e Devleso birime kandino

15A o Isus gova dodžanglja thaj đelo gothar. Pale leste đele but manuša thaj e nasvalen maškar lende sastarda. 16A naredisada lenđe te ma vaćaren ko si vov. 17Gija pherdilo kova so vaćarda o proroko o Isaija:

18“Dikh, kava si mingro manglo Kandino,

save me birisadem.

Mingro manglo,

Vov si mo radujipe.

Mo Duxo ka čhuvav pe leste.

Vov ka objavil i pravda sa e manušenđe.

19Ni ka ćerol čingara, ni ka vazdol po glaso,

ke droma khoni ni ka šunol leso glaso.

20Ni uštadi trska ni ka phađol,

ni ka ačhavol o žaro savo pozala phabol,

sa dži kaj ni anol i pravda dži ki pobeda.

21Ane leso alav ka avol nada sa e manušenđe.”

E Isuseso zuralipe si taro Dol

22Tegani ande angle leste manuše ane kaste sasa bilačho duxo thaj gova manuš sasa koro thaj laloro. O Isus sastarda le, gija gova manuš lija te vaćarol thaj te dičhol. 23Sa e manuša so gova dikhlje, sesa zadivime thaj pučlje pe: “Naj li gova o Čhavo e Davideso?”

24A kana gova šunde e fariseja, vaćarde: “Kava tradol e benđe ano pomoć e Veelzevuleso, savo si šorutno tare bilačhe duxura.”

25A o Isus džanglja so mislin thaj vaćarda: “Dži jekh carstvo savo ulavol pe korkoro pestar, ka ačhol pusto thaj svako foro il familija savi ulavol pe korkori pestar, ka properol. 26Thaj te o Satana e Satane tradol, korkoro pes ulavol, sar ka ačhol o carstvo leso? 27Thaj čače te Veelzevulesa tradav e benđen, kasa traden tumare čhave e benđen? Golese von ka aven sudije tumare. 28Al ako li me e Devlese Duxosa tradav e benđen, tegani o Carstvo e neboso avilo maškar tumende.

29Il sar šaj khoni te avol ano čher e zurale manušese thaj te čorol leso barvalipe, te angleder ni phandol e zurale manuše? Thaj tegani sa andaro čher šaj te čorol.

30Savo naj mancar, protiv mande si. Savo ni ćidol mancar, čhorol. 31Golese vaćarav tumenđe, sa e grehura thaj i hula šaj oprostil pe e manušenđe, al i hula po Sveto Duxo ni ka oprostil pe e manušenđe. 32Thaj savo vaćarol bilačho lafi po Čhavo e manušeso, šaj oprostil pe lese, a savo vaćarol bilačhe po Sveto Duxo ni ka oprostil pe lese, ni ki kava ni ko aver sveto.

33Sadi lačho kaš thaj leso bijandipe ka avol šukar thaj te sadisadan kaš bilačho, leso bijanipe ka avol bilačho. Golese kaj palo bijanipe pindžarol pe o kaš. 34Tumen, e sapese čhave! Sar šaj te vaćaren šukar, kana sen bilačhe? Golese kaj o muj vaćarol sosa si pherdo o ilo. 35Šukar manuš tari šukar riznica e ilesi ikalol šukar, a bilačho manuš tari bilačhi riznica e ilesi ikalol bilačhe. 36A phenav tumenđe: E manuša, paše dži jekh bikorisno lafi savo vaćaren, ka den računo ko sudnjo Đive. 37Čače, će lafesa ka ave opravdime il će lafura ka osudin tut.”

E Jonaso znako

38Pale gova nesave učitelja tare Mojsijaso zakon thaj e fariseja vaćarde: “Učitelju! Amen manga te dikha tutar nesavo znako.”

39A vov vaćarda lenđe: “O bilačho thaj preljubničko bijandipe rodol znako thaj ni ka dol pe aver znako samo o znako savo sasa e prorokose e Jonase. 40Sar o Jona so sasa ano vođi e bare mačheso trin đive thaj trin raća, gija i me, o Čhavo e manušeso, ka avav ani phuv trin đive thaj trin raća. 41E murša tari Niniva ka ušten ko Sudo kale bijandimasa thaj ka osudin len, golese kaj pokaisajle kana šunde e Jonaso sikajipe. Thaj dikh, kate tumencar si po baro taro Jona! 42I Carica taro Jug#12,42 I carica tari Saba ka uštol ko Sudo kale bijandimasa thaj ka osudil len, golese kaj avili voj tar aver rig e phuvaći odural te šunol o mudrost e Solomoneso. Thaj dikh, kate tumencar si po baro taro Solomon!”

O Isus upozoril o bipačavno bijandipe

43“Kana o bilačho duxo ikljol andaro manuš, džal tare bipajese thana te rodol than pašo odmor thaj ni aračhol le. 44Tegani vaćarol: ‘Ka irima ano čher kotar ikliljem.’ Kana avol, dičhol o čher kaj si čučo, šulado thaj lačhardo. 45Tegani o bilačho duxo džal thaj lol pesa efta averen duxuren po bilačhe pestar. Savore aven andre te bešen thaj e manušese kastar iklilo o bilačho duxo, akana si but po bilačhe nego so sasa lese. Gijate ka avol e bilačhe bijandimasa.”

Čačukani e Isusesi familija

46Dži kaj o Isus vaćarola e manušenđe, lesi dej thaj lese phrala avile thaj ačhile avral thaj manglje te vaćaren lesa. 47Thaj khoni vaćarda lese: “Ak ći dej thaj će phrala ačhen avral. Manđen te vaćaren tusa.”

48A vov vaćarda kolese so phenda lese: “Ko si mi dej? Ko si me phrala?” 49Thaj sikada vastesa pe pe sikade thaj vaćarda: “Ak mi dej thaj me phrala. 50Dži jekh savo ćerol o manglipe me Dadeso savo si ko nebo, vov si mo phral thaj mi phen thaj mi dej.”

Currently Selected:

Matej 12: GSP

Highlight

Copy