Marko 4
4
O Isus phenel e paramiči palo sejači
1O Isus palem počnisardas te sikavel e themes pašo jezero. A o silno them ćidape oko leste gajda kaj vo dija ande lađica po jezero thaj bešlo, a sa o them ačhelas pe obala. 2Thaj but godova sikavelas len kroz e paramiče. A dok sikavelas len, phendas: 3“Ašunen! Jek đes inkljisto o sejači te sejol. 4Dok sejolas, varesavo seme pelo po drom thaj avile e čiriklja thaj sa haline les. 5Aver seme pelo pe barutni phuv kaj nas but phuv thaj odmah inkljisto kaj e phuv nas handuk. 6A kana inkljisto o baro kham, phabilo thaj šućilo, kaj nas les handuk koreno. 7A varesavo seme pelo ande kangre, a e kangre barile thaj tasadine les, pa o seme či bijanda plodo. 8A varesavo seme pelo pe lačhi phuv, niknosardas, barilo thaj dija plodo savo sas trjanda, šovardeš, thaj čak vi šel drom majbut nego so sas posadime.” 9Askal phenda: “Ašunen kana već si tumen kan.”
O Isus tumačil e paramiči palo sejači
10A kana o Isus ačhilo korkoro, okola save sas oko leste thaj e dešuduj učenikurja phučline les so značin godola paramiče. 11A o Isus phendas lenđe: “Tumenđe si dino te džanen e tajna pale Devlesko carstvo. A okolenđe save si avrjal e Devlešće carstvostar, sa phenav ande paramiče, 12gajda kaj:
‘E jakhenca lačhe dićhen,
ali či dićhena e dela mungre,
e kanenca lačhe ašunen,
ali či haćarena so phenav,
te či obratin pe
thaj te o Del či jartol lenđe.’ ”
13Askal o Isus phučla len: “Zar či haćaren akaja paramiči? Sar askal haćarena aver paramiče? 14O sejači si okova manuš savo sejol e Devlešći poruka. 15Varesave manuša si sago o seme savo si posadime po drom, von si okola manuša save ašunen o alav e Devlesko, ali odma avel o Sotona thaj inđarel o alav e Devlesko savo sas posadime ande lende. 16A varesave si sago o seme savo si posadime pe barutni phuv. Kana ašunen e Devlesko alav, odma prihvatin les e bahtasa, 17ali pošto o alav e Devlesko či astarda koreno ande lengo trajo, inćarenpe varesavi vrjama, pa kana aven e nevolje thaj o progon zbog e Devlesko alav, von odma peren katar o paćipe. 18A varesave si sago o seme savo si posadime ande kangre. Godov si okola save ašunen e Devlesko alav, 19ali e brige akale themešće, o barvalipe savo si primamljivo thaj e aver požude tasaven o alav thaj o alav e Devlesko ačhel bi plodosko. 20A varesave si posadime pe lačhi phuv. Godova si okola save ašunen o alav e Devlesko, primin o alav thaj anen plodo – varesave trjanda drom majbut, varesave šovardeš drom majbut a varesave šel drom majbut katar okova so sas posadime.”
O Isus phenel e paramiči pale svetiljka
21Askal o Isus phučla len: “Dali o stenko anen andre te čhon les talo čaro ili talo kreveto te garaven lesko svetlo? Nipošto! O stenko delpe jag te čholpe po čirako. 22Kaj, sogod si tajno, avela javno, thaj sogod si garado, inkljela po videlo. 23Ako varekas si kan, nek ašunel!” 24Thaj još phendas lenđe: “Len sama so ašunen. Save merasa merin, kasave merava merilape tumenđe thaj još dodailape tumenđe. 25Okoles kas si džanglipe, delape lešće još majbut, a okoles kas naj, lelape lestar vi kova so sile.”
O seme savo korkoro barjol
26O Isus isto phendas lenđe: “E Devlesko carstvo si sago o manuš savo posadisardas o seme ande phuv. 27Raćasa thaj e đesesa, dali sovel ili uštel, o seme niknil thaj barjol, a o manuš či džanel sar. 28E phuv korkoro pestar anel pesko plodo: majsigo inkljel e stabiljka, o klaso, a askal o klaso pherdo điv. 29A kana o điv paćol, o manuš odmah lel o srpo, kaj avili e vrjama pale žetva.”
Paramiči pale gorušicako zrno
30Askal o Isus phendas lenđe: “Sova usporedisa e Devlesko carstvo? Save paramičasa te objasnisaras les? 31Vo si sago o seme e gorušicako, majcikno katar sa o seme savo sejolpe pe phuv. 32Ali kana sejolpe, barjol thaj avel majbaro katar sa e biljke ande bar, thaj mućel gajda bare ranja kaj e čiriklja šaj ćeren gnezdurja ande lesko hlado.”
33O Isus phenelas kasave paramiče te sikavel e theme e Devlesko alav gaći kozom šaj ašunenas, 34thaj bi e paramičengo khanči či phenelas lenđe. Ali kana sas korkoro pire učenikonenca, askal sa objasnilas lenđe.
O Isus smiril e oluja
35Isto godova đes kana peli e rjat, o Isus phendas pire učenikonenđe: “Džas pe okoja rig e jezerošći.” 36Mukline e theme thaj dine ande lađica ande savi već bešelas o Isus. A pale lende teljardine vi varesave aver manuša e lađicenca. 37Thaj vazdape gajda bari oluja kaj e talasurja pherenas e lađica e pajesa. 38A o Isus sas po paluno krajo e lađicako thaj sovelas po šerand. E učenikurja džungadine les thaj phendine: “Sikavneja, zar či hal tu e briga kaj tasadivas?” 39O Isus uštilo thaj oštro phendas e bavlajaće thaj e jezerošće: “Ač! Smiri tut!” E balval ačhili thaj sas bari tišina. 40Askal o Isus phendas e učenikonenđe: “Sostar gadići daran? Zar još naj tumen paćipe?” 41A len lijas e bari dar, thaj phučline jek avres: “Ko si akava te e balval thaj o jezero pokorinpe lešće.”
Currently Selected:
Marko 4: RČB
Highlight
Share
Copy
Want to have your highlights saved across all your devices? Sign up or sign in
