Marko 15

E Isuse anen anglo Pilato

1Thaj odma rano ande detharin ćerdine svato maškar phende e šorvale rašaja, e starešine, e sikavne palo Mojsijesko zakon thaj o sasto Baro veće. Von phangline e Isuse thaj inđardine les ko Pilato savo sas rimsko upravniko. 2O Pilato phučla les: “Dali san tu o caro e Židovengo?” A o Isus phendas lešće: “Tu korkoro phenes.” 3A e šorvale rašaja došarenas e Isuse pale but godova. 4O Pilato palem phučla les: “Naj tut khanči te phenes pe akava? Dik pale so sa došaren tut.” 5Ali o Isus majbut khanči či motholas lešće, gajda kaj o Pilato but začudisajlo.

O Isus si osudime po smrto

6A o Pilato svako brš po prazniko mućelas andar o phanglipe jećhe manušes saves o them rodasas lestar. 7Ando phanglipe askal sas vi varesavo manuš savo akhardolas Varava zajedno e razbojnikonenca save ande pobuna ćerdine mudaripe. 8O them avilo thaj rodenas katar o Pilato te ćerel okova so vo obično ćerelas po prazniko. 9A o Pilato phučla len: “Dali kamen te mukav tumenđe e Židovsko caro?” 10Džanelas kaj e šorvale rašaja predaisardine leste e Isuse andar e zavist. 11Ali e šorvale rašaja pherdine e manušengo šoro te roden te mućel lenđe majradije e Varava. 12A o Pilato palem phučla len: “A so kamen te ćerav akaleja saves akharen caro e Židovengo?” 13A von čhutine muj: “Razapnisar les!” 14“Ali andar soste?” Phučlas o Pilato: “Sosko bilačhipe ćerda?” Ali von još majzurale čhonas muj: “Razapnisar les!” 15A o Pilato, zbog godova kaj kamlas te ugodil e themešće, muklas andar o phanglipe e Varava, a e Isuse dija te izbičujin thaj te razapnin les po trušul.

E vojnikurja maren muj e Isusestar

16Askal e vojnikurja inđardine e Isuse ande palata, pindžardi sago pretorijum, thaj ćidape okote sasti četa vojnikurja. 17Dine po Isus grimizno ogrtači, a po šoro čhutine lešće khuvdi kruna katar e kangre. 18Askal marenas muj lestar thaj mothonas: “Nek trail o caro e Židovengo!” 19Denas les dab e trskasa po šoro, čhungarenas pe leste, perenas pe koča thaj ćerenaspe kaj klanjinpe lešće. 20Kana ačhiline te maren muj lestar, askal fuljardine lestar o grimizno ogrtači thaj dine pe leste lešće drze thaj inđardine les te razapnin les po trušul.

E Isuse razapnin po trušul

21Varesavo manuš andar e Kirinija naćhelas okotar kaj boldelaspe andar e njive. Vo akhardolas Simon thaj sas dad e Aleksandresko thaj e Rufosko. E vojnikurja tradine les te inđarel e Isusesko trušul. 22Askal andine e Isuse dži ko than savo akhardol Golgota (so značil “lobanja”). 23Denas les mol hamime e smirnava te loćaren lešće dukha, ali vo či kamlas te pel. 24Askal razapnisardine les, a lešće drze razdelisardine gajda kaj čhudine kocka pale lende, te dićhen ko so lela. 25Sas inja saturja ande detharin kana razapnisardine les. 26Okote sas o natpis pe savo ramolas lešći doš: “Caro e Židovengo”. 27Zajedno lesa razapnisardine vi duje razbojnikonen, jećhe katar lešći desno rig a avres katar lešći levo rig. 28[Godolesa ispunisajlo okova so sas ramome ando Sveto lil: “Dićhenas pe leste sago pe zločincurja.”] 29E manuša kaj naćhenas okotar kušenas les. Ćerenas e šoresa pe leste thaj mothonas: “Ej, tu kaj haraves o Hramo thaj ande trin đes vazdes les, 30spasisar akana korkoro tut thaj fulji katar o trušul.” 31Gajda marenas muj lestar vi e šorvale rašaja thaj e sikavne palo Mojsijesko zakon thaj jek avrešće phenenas: “Averen spasisardas, a korkoro pes naštik spasil! 32Neka akana godova Hristo, Caro e Izraelosko, fuljel katar o trušul, te dikhas thaj te paćas!” Gajda vređonas les čak vi okola kaj sas lesa razapnime.

O Isus merel po trušul

33Ando mismeri muklape o tunjariko pe sasti phuv thaj sas sa džike trin saturja palo mismeri. 34Ande trin saturja o Isus ando baro glaso čhutas muj: “Eloi, Eloi, lama sabahtani?”, so značil: “Devla mungreja, Devla mungreja, sostar muklan man?” 35A kana varesave kaj ačhenas okote ašundine akava, phendine: “Dićhen, akharel e proroko Ilija!” 36A jek manuš prastaja te bolel o sunđer ando šut, čhutale pe trska, dija e Isuse te pel thaj motholas: “Ažućaren te dikhas dali avela o Ilija te fuljarel les!” 37A o Isus čhutas muj andar o baro glaso, thaj mukla pesko đi. 38Askal e firanglja ande svetinja e hramošći pharadili po opaš, katar opral dži tele. 39Kana o rimsko kapetano savo ačhelas anglo Isus ašundas sar o Isus čhutas muj thaj gajda muklas pesko đi, phendas: “Akava manuš vi čačes sas Čhavo e Devlesko!”

40A sa godova dadural dićhenas vi varesave manušnja. Maškar lende sas e Marija andar e Magdala, e Marija e dej e majterne Jakovešći thaj o Josije, thaj e Saloma. 41Von džanas pale leste thaj pomožinas les dok sas ande Galileja. Akate sas vi but aver manušnja save avile lesa ando Jerusalim.

E Isusesko prahope

42Kana već skoro perelas o tunjariko, pošto sas đes kana ćerenas pe e pripreme, godova sas đes majsigo o savato, 43o Josif andar e Arimateja, savo sas ugledno člano andar o Baro veće savo vi korkoro ažućarelas e Devlesko carstvo, bi darako đelo anglo Pilato thaj manglas lestar e Isusesko telo. 44O Pilato sas začudime kaj o Isus već mulo thaj akhardas e kapetano te phučel les kozom si sar o Isus mulo. 45Kana ašunda godova katar o kapetano askal dijas e Isusesko mulo telo e Josifešće. 46O Josif ćindas čaršapo, fuljarda e Isusesko telo katar o trušul, paćarda les ando čaršapo thaj čhutale ando limori savo sas isklesime ande stena. Askal čhutas o bar po vudar e limoresko. 47A e Marija andar e Magdala thaj e Marija e dej e Josiješći dićhenas kaj čhutine e Isusesko telo.

Currently Selected:

Marko 15: RČB

Highlight

Copy