Marko 1

O Jovano savo bolelas pripremil o drom anglo Gospod

1Akava si početko e Bahtale nevimatako katar o Isuso Hristo, Čhavo e Devlesko. 2Sago kaj ramol ando Sveto lil e prorokosko Isaijasko:

“Ake, me bičhalav angle tute mungre glasnikones

thaj vo lačharela o drom angle tute

3Vo si o glaso savo čhol muj ande pustinja:

‘Pripremin o drom palo Gospod,

vorton e staze pale leste!’”

4Gajda avilo o Jovano savo bolelas ande pustinja thaj propovedilas e themešće kaj e manuša trubun te obratinpe e Devlešće te jartol lenđe bezeha thaj te bolenpe. 5Avenas leste e but manuša andar e sasti Judeja thaj savora andar o Jerusalim, priznainas pire bezeha, a vo bolelas len ande reka jordanošći. 6Po Jovano sas drze katar e kamilaće bal, a sas les oko maškar morćhaći haravlji. Halas skakavcurja thaj o divljo medo. 7Vo propovedilas: “Pale mande avel jek majmoćno mandar. Me najsem dostojno ni te banđijav te putarav e haravlje pe lešće sandale. 8Me bolav tumen e pajesa, a vo bolela tumen e Sveto Duhosa.”

O Jovano bolel e Isuse

9Ande godoja vrjama avilo o Isus andar o Nazaret ande Galileja thaj o Jovano bola les ande reka e Jordanošći. 10Čim o Isus inkljisto andar o paj, dikhla o putardo nebo thaj e Sveto Duho sar sago golubo fuljel pe leste. 11A katar o nebo ašundilo o glaso: “Tu san mungro volime Čhavo! Tu san mungri bah.”

O Sotona probil e Isuse po bezeh ande pustinja

12Thaj odma o Duho bičhaldas e Isuse ande pustinja. 13Okote o Isus ačhilo štarvardeš đesa, a o Sotona probilas les po bezeh. Sas maškar e divlje životinje, a e anđelurja služinas lešće.

O Isus ande Galileja araćhel pire prve učenikonen

14Nakon so o Jovano sas čhudino ande tamnica, o Isus đelo ande Galileja thaj propovedilas e Devlešći Bahtali nevimata. 15Motholas: “Avilo o časo! Paše si e Devlesko carstvo! Pokain tumen thaj paćan ande Bahtali nevimata!” 16Dok o Isus naćhelas pašo Galilejsko more, dikhla e Simone thaj lešće phrale e Andrija, sar čhuden e mreže ando more, kaj von sas ribarja. 17O Isus phenda lenđe: “Aven pala mande thaj me ćerava tumendar ribarja save astarena manušen sago e mačhen!” 18Thaj von odma mukline pire mreže thaj teljardine pale leste. 19Kana đelo cara majdur, dikhlas e Jakove e Zevedejevešće čhaves thaj lešće phrales e Jovano sar ande lađica lačharen pire mreže. 20O Isus odma akharda len, thaj von mukline ando čamco pešće dades e Zevedejes e manušenca save ćerenas bući lende, thaj đele pale leste.

O Isus tradel e bilačhe duho andar o manuš

21Thaj avile ando Kafarnaum, o Isus ando savato dija ande sinagoga thaj teljarda te sikavel e theme. 22O them čudinaspe lešće sikavipešće, kaj sikavelas sago okova saves si autoriteto, a na sago e sikavne e Mojsiješće zakonestar. 23Askal okote ande lenđi sinagoga sas jek manuš ande savo sas o bilačho duho thaj katar jekhvar ačhilo te čhol muj thaj te mothol: 24“So kames amendar, Isuse andar o Nazaret? Avilan te uništis men? Džanav ko san: Sveco e Devlesko!” 25A o Isus oštro phendas lešće: “Phandav ćo muj thaj inklji andar leste!” 26Askal o bilačho duho zurale ćhinosarda e manuše thaj e riknjimava andar o sasto glaso inkljisto andar leste. 27Savora sas but začudime, thaj phučenas jek avres: “So si akava? Sosko si akava nevo thaj silno sikavipe. Vo čak vi e bilačhe duhonenđe zapovedil thaj von pokorinpe lešće!” 28Thaj o glaso pale leste odma ašundilo pe sasti okolina e Galilejaći.

O Isus sastarel e Simonešće sokra thaj e aver nasvalen

29Čim inkljistine andar e sinagoga, đele e Jakoveja thaj e Jovanova ando ćher e Simunesko thaj e Andrijasko. 30A e Simunošći sokra pašljolas nasvali ande groznica, pa čim aresline odma mothodine Isusešće pale late. 31O Isus avilo dži late, lija lat palo vas thaj vazda lat. A e groznica nakhli latar thaj voj poslužilas len.

32Tale rjat, kana muklape o kham, anenas leste sa e nasvalen thaj okolen ande save sas e bilačhe duhurja. 33O sasto gav ćida pe anglo vudar. 34Thaj o Isus sastardas e bute nasvalen katar o razno nasvalipe. Trada e bute bilačhe duhonen andar e manuša, ali či mućelas e bilačhe duhonenđe te ćeren svato kaj džanenas ko si vo.

O Isus mothol o alav e Devlesko pe sasti Galileja thaj sastarel e nasvalen

35Rano detharinako, dok sas još o tunjariko, o Isus uštilo, inkljisto thaj đelo pe jek pusto than thaj okote molilaspe. 36A o Simon thaj okola aver kaj sas lesa svugde rodenas les. 37Thaj kana arakhline les, phendine lešće: “Savora roden tut!” 38A o Isus phendas lenđe: “Hajde džastar varekaj pe aver pašutne gava te vi okote propovediv, kaj me zbog godova avilem.” 39Gajda džalas pe sasti Galileja, propovedilas ande lenđe sinagoge thaj tradelas andar e manuša e benđen.

O Isus sastarel e gubavo manušes

40Jek gubavco avilo ko Isus thaj počnisardas pe koča te molil les: “Te kames šaj te sastares man katar e guba!” 41O Isus sažalisajlo, inzarda pesko vas pe leste thaj phendas: “Kamav, av sasto!” 42Thaj e guba odma peli lestar thaj vo sastilo. 43O Isus askal odma naredisardas lešće te džaltar thaj strogo phendas lešće: 44“Le sama te na ćeres svato khonikašće pale akava, nego dža thaj sikav tut e rašaješće thaj prinesisar pale ćiro šilaipe okova so Mojsije odredisardas palo svedočanstvo lenđe.” 45Ali o manuš, samo so đelotar lestar, ačhilo savorenđe te mothol so dogodisajlo lešće, zbog godova o Isus naštik majbut delas javno ando gav, nego moraš te ačhelas pe puste thana. A e manuša avenas leste katar sa e riga.

Currently Selected:

Marko 1: RČB

Highlight

Copy