Jovano 16
16
1O Isus još phendas: “Godova phendem tumenđe te či peren katar o paćipe. 2Isključina tumen andar e sinagoga. Thaj avela e vrjama kana svako ko mudarel tumen gndila kaj gajda služil e Devlešće. 3A godova ćerena zato kaj či pindžaren ni e Dade ni man. 4Akava phendem tumenđe te kana avela godoja vrjama, den tumen gođi kaj phenavas tumenđe pale godova. Ando početko akava či phendem tumenđe, kaj semas tumenca.”
O Sveto Duho po delo
5“Ali akana džavtar ke okova savo bičhalda man, a khonik tumendar či phučel man: ‘Kaj džas?’ 6Nego, zato kaj akava phendem tumenđe, e žalost pherda tumare ile. 7Ali me phenav tumenđe čačipe: pale tumende si majlačhe te me džavtar. Kaj, ako me či džavtar, či avela tumenđe o Zastupniko. A ako džavtar bičhalava les tumenđe. 8A kana vo avela, dokažila e themešće so si čače bezeh, pravednost thaj sudo. 9Vo dokažila e themešće kaj si bezehale zato kaj či paćan ande mande. 10Thaj dokažila e themešće so si pravednost zato kaj džav ko Dad thaj okote majbut našti dićhena man. 11Thaj dokažila e themešće so si o sudo zato kaj o vladari akale themesko si već osudime.
12Još but godova avilosas man te phenav tumenđe, ali akana godova našti te inćaren. 13Ali kana avela vo, o Duho čačimasko, uputila tumen ande sasto čačipe. Vo či ćerela svato korkoro pestar, nego phenela tumenđe okova so ašundas thaj objavila tumenđe okova so avela. 14Vo proslavila man, kaj lela mandar so si mungro thaj objavila tumenđe. 15Sa so si e Dades, mungro si. Zato phenav tumenđe: ‘Lela mandar so si mungro thaj objavila tumenđe.’
16Još samo cara, thaj džavatar thaj majbut či dićhena man. Thaj palem cara naćhela, thaj palem dićhena man.”
E žalost pretvorilape ande bah
17Askal varesave katar e Isusešće učenikurja phučline jek avres: “So si godova kaj phenel amenđe: ‘Još samo cara, thaj či dićhena man, a askal još cara thaj palem dićhena man’, thaj: ‘Zato kaj džav ko Dad’?” 18Thaj phenenas: “So si godova kaj phenel: ‘Još cara’? Či džanas so phenel.”
19A o Isus džanglas kaj kamen te phučen les pale godova thaj phendas lenđe: “Phučen tumen maškar tumende pale okova kaj phendem: ‘Još cara thaj či dićhena man, a askal još cara thaj dićhena man’. 20Čačes, čačes phenav tumenđe: Tumen rovena thaj tugujina, a o them raduilape. Avena žalosne, ali tumari žalost pretvorilape ande bah. 21E manušnji si ande dukha dok bijanel, kaj avilo lako časo. Ali, kana o čhavro bijandol, voj majbut či delpe gođi ke muke. Voj si bahtali kaj andas manušes po them. 22Gajda sen vi tumen akana žalosne, ali me palem dikhava tumen thaj tumaro ilo raduilape thaj khonik našti lela tumendar godoja bah. 23Thaj godova đes khanči či phučena man. Čačes, čačes phenav tumenđe: sogod zamolin e Dades ande mungro alav, dela pe tumenđe. 24Dži akana khanči či molisardine ande mungro alav. Molin, thaj dobina – te tumari bah avel pherdi.”
O Isus pobedisardas o them
25“Akava phenavas tumenđe ande paramiče. Avel e vrjama kana majbut či mothava tumenđe ande paramiče, nego jasno mothava tumenđe palo Dad. 26Godova đes molina e Dade ande mungro alav. Či phenav tumenđe kaj me moliva e Dade pale tumende. 27O Dad vi korkoro volil tumen kaj tumen volisardine man thaj paćaine kaj avilem katar o Del. 28Me inkljistem katar o Dad thaj avilem pe akava them. Akana mukav o them thaj džav ke mungro Dad.”
29Askal lešće učenikurja phendine lešće: “Ake, akana jasno phenes amenđe, thaj či phenas amenđe ande paramiče. 30Akana džanas kaj tu sa džanes, thaj kaj džanes so phučasa tut majsigo nego so phučas tut. Zato paćas kaj avilan katar o Del.”
31A o Isus phendas lenđe: “Da li akana paćan? 32Ake, avel o časo – thaj već si akate – kana našena svako pe piri rig, a man mućena korkores. Ali me naj sem korkoro, kaj manca si o Dad. 33Akava phendem tumenđe te ande mande avel tumen miro. Ande akava them si tumen nevolje, ali aven hrabre – me pobedisardem o them.”
Currently Selected:
Jovano 16: RČB
Highlight
Share
Copy
Want to have your highlights saved across all your devices? Sign up or sign in
