Dela 16

O Pavle po dujto drom džal ande misija

1Gajda o Pavle areslo ando gav savo akhardol Derva, a askal ande Listra, kaj trajilas o učeniko savo akhardolas Timotej. Vo sas čhavo e židovkako savi sas vernica, a lesko dad nas židovo. 2O Timotej sas po lačho glaso maškar e phral ande Listra thaj ande Ikonija. 3Pa o Pavle kamla te o Timotej džal lesa po drom, pa zato obrezisarda les sar prihvatisardinesas les e Židovurja save trajinas ande godola thana, kaj savora džanenas kaj lesko dad nas Židovo. 4Džanas andar o gav ando gav thaj phenenas e manušenđe e odluke save andine e apostolurja thaj e starešine ando Jerusalim thaj rodenas lendar te poštuin len. 5Gajda e khanđirja zuravonas ando paćipe thaj lengo brojo barjolas svako đes sa majbut.

O Pavle si akhardo ande Makedonija

6A von nakhline kroz e regija e Frigija thaj e Galatija, kaj o Sveto Duho zabranisarda lenđe te propovedin e Devlesko Alav ande Cikni Azija. 7Kana aresline dži ke Mizisko granica, kamline te den ande Vitinija, ali e Isusesko Duho či mukla len. 8A kana nakhline e Mizija, đeline ande Troada. 9Godoja rjat e Pavle sas viđenje: dikhla jek manuše andar e Makedonija savo ačhelas angle leste thaj molilas les e alavenca: “Av akaring ande Makedonija thaj pomožisar amenđe!” 10Pale godova viđenje dikhlam so majsigo te teljaras ande Makedonija, zato kaj samas uverime kaj o Del akharel amen okote te mothas lenđe e Bahtali nevimata.

E Lidijako obraćenje

11Andar e Troada otplovisardam pravo po otoko savo akhardolas Samotrak, a thejara o đes đelam ando Neapolj, 12pa okotar ande Filipe, savo si rimsko kolonija thaj važno gav ande godova deo e Makedonijako. Ande godova gav ačhilam varekozom đesa.

13Ando savato inkljistam avrjal o gav thaj đelam džike reka, kaj gndisardam kaj okote ćidel pe o them te molin pes. Okote bešlam thaj počnisardam te ćeras svato e ćidine manušnjenca. 14A čholas kan amende vi jek pobožno manušnji savi akhardolas Lidija, savi bićinelas o kuč lolo pohtan andar o gav Tijatira. O Gospod putardas lako ilo te lačhe čhol kan ke okova so o Pavle phenelas. 15A kana bolda pe voj thaj savora save trajinas ande lako ćher, zamolisarda men: “Ako gndin kaj čače paćav ando Gospod, aven thaj ačhen ande mungro ćher.” Thaj nagovorisarda men te ačhas late.

O Pavle thaj o Sila ando phanglipe

16Jekhvar dok džasas po than kaj molilas pe, maladam men varesave ropkinja, ande savi sas o bilačho duho savo phenelas so avela. Pe godova način voj anelas bari zarada pire gospodarenđe. 17Voj teljarda palo Pavle thaj pale amende thaj čholas muj: “Akala manuša si sluge e majbare Devlešće! Aviline te navestin tumenđe o drom sar te spasin tumen!”

18Gajda ćerelas e đesenca, pa kana e Pavlešće godova dojadisarda vo bolda pe karing late thaj phendas e duhošće savo sas ande late: “Zapovediv tuće ando alav e Isuse Hristosko: inklji andar late!” Thaj o duho odma inkljisto. 19A kana laće gospodarja dikhline kaj propadnisarda lenđi nada ande zarada, astardine e Pavle thaj e Sila thaj crdine len po trgo, angle šorvale. 20A kana andine len angle upravnikurja, phendine: “Akala manuša save si Židovurja uznemirin amaro gav, 21thaj propovedin e običaja save amen, e Rimljanurja, či tromas te prihvatis niti te inćaras.” 22Askal o them navalisarda po Pavle thaj po Sila a e upravnikurja godole gavešće pharadine pe lende e drze thaj naredisardine te išibin len. 23Nakon so zurale išibisardine len, čhudine len ando phanglipe, thaj naredisardine e stražarešće te lačhe lel sama pe lende. 24Nakon so dobisarda kasavi naredba, vo čhuda len andre ande majzabacime deo e tamnicako, a lenđe pungre čhuta ande kaštune okurja. 25Kana varekaj katar e opaš e rjat o Pavle thaj o Sila molinas pe, đilabenas thaj slavinas e Devle, a aver okola save sas ando phanglipe ašunenas len. 26A katar jekhvar nastanisarda gajda zuralo zemljotres kaj e phanglipešće temeljurja ćhinosajle. Odma sa e vudara pe tamnica putajle, thaj savorenđe peline e okurja! 27O stražari džungadilo andar o suno, pa kana dikhla kaj si o vudar e tamnicako putardo, inkalda o mačo thaj kamlas te mudarelpe kaj gndisarda kaj e phangle našline. 28Ali o Pavle andar sasto glaso čhuta lešće muj: “Na ćer tuće nisosko bilačhipe! Savora sam akate!” 29Askal o tamničari naredisarda te anen e lampe thaj prastaja andre. Ćhinolas pe e daratar thaj pelo pe koča anglo Pavle thaj anglo Sila. 30Askal inkalda len avri thaj phučla len: “Rajalen, so trubul te ćerav te spasiv man?”

31A von phendine lešće: “Paća ando Gospod Isus, thaj spasija tut, tu thaj vi savora andar ćiro ćher!” 32Askal navestisardine o Alav e Gospodesko lešće thaj savorenđe ande lesko ćher. 33Još isto časo ande godoja rjat o stražari lijas e Pavle thaj e Sila thaj thoda lenđe rane. Thaj odma pale godova vo thaj savora andar lesko ćher boldine pe. 34Askal anda len ande piro ćher, dija len te han thaj raduisajlo zajedno savorenca save trajinas lesa ando ćher zato kaj paćaine ando Del. 35Kana svanosardas, e upravnikurja bičhaldine e službenikonen ko stražari e porukasa: “Oslobodi godole duj manušen!” 36Askal o stražari phendas e Pavlešće: “E upravnikurja phendine te mukas tumen. Akana inkljen thaj džan ando miro!” 37A o Pavle phendas: “Javno mardine men, a či dokažisardine menđe e doš. Čhudine men ande tamnica vi ako sam rimske građanurja, a akana kamlinesas čordane te mućen amen te džastar! Nipošto! Neka korkoro aven thaj inkalen amen!” 38Kana e službenikurja phendine e upravikonenđe so phendas o Pavle thaj kana akala saznaisardine kaj si o Pavle thaj o Sila rimske građanurja, darajle, 39pa aviline lende te jartonpe, inkaldine len avri thaj zamolisardine len te džantar andar o gav. 40Kana o Pavle thaj o Sila inkljistine andar e tamnica đeline ande Lidijako ćher, te dićhen pe e phralenca thaj te ohrabrin len, pa đeletar andar o gav.

Currently Selected:

Dela 16: RČB

Highlight

Copy