iNgoma yazo iiNgoma Ingoma yazo iiNgoma 2

Ingoma yazo iiNgoma 2

1Ndiyintyantyambo yaseSharon, ndiyinyibiba yasezintlangeni. 2Njengenyibiba phakathi kwemithana, injalo intanda yam phakathi kweentombi. 3Njengomapile phakathi kwemithi yehlathi, Injalo intanda yam phakathi koonyana. Bendihleli emthunzini wawo ndinovuyo olukhulu, Neziqhamo zawo zibe nencasa ekhuhlangubeni lam. 4Yandisa endlwini yetheko, nebhanile yayo phezu kwam luthando. 5Ndibambe ngamaphiko akho, Ndidlise iiapile, Ngokuba ndisifa luthando. 6Isandla sayo sokhohlo siphantsi kwentloko yam, Esokunene sayo sindiwole. 7Zintombi zaseYerusalem, ndinifungela amaxhamakazi, nangexhama lelizwe, ukuba aniyi kuluxhokonxa, ningaluvuseleli uthando lwam, nide nibone. 8Izwi lentanda yam! yabona, isiza, itsiba ezintabeni, isuka imitsi ezindulini. 9Intanda yam injengexhama, nexhama; nantso imi emva kodonga lwakowethu, ikroba ngeefestile, iphuma imivalo; 10Intanda yam yathetha, yathi kum, Vuka, ntanda yam, ntwana yam, uze. 11Ngokuba, yabonani, ubusika bugqithile, imvula iphelile; 12Iintyatyambo ziyavela emhlabeni; ixesha lokuntyiloza kweentaka lifikile, nesandi sokugoba sivakele ezweni lakowethu; 13Umkhiwane uvelisa amakhiwane awo aluhlaza, Imidiliya ineediliya ezinevumba elimnandi. Vuka, sithandwa sam, ntombi yam, hamba! 14Vukuthu lam, emqhokrweni wamawa, entsithelweni, ndibubone ubuso bakho, ndilive ilizwi lakho; Ngokuba ilizwi lakho limnandi, ubuso bakho buhle. 15Sithabatheleni iimpungutye, iimpungutye ezincinane ezonakalisa izidiliya, ngokuba izidiliya zethu zineediliya ezilungileyo. 16Intanda yam yeyam, nam ndingowaso; Ulusela phantsi kweenyibiba. 17Lide liphume ilanga namathunzi asabe, jika, sithandwa sam, ube njengexhama ezintabeni zaseBhetere.

Currently Selected:

iNgoma yazo iiNgoma Ingoma yazo iiNgoma 2: CXB24

Highlight

Copy