Wepélisiananu 36

Ézau kulunu

(WP 26:34–35; 28:8–9; 2 BDWS 2:4–5)

1Ézau lé ke Édom nya, a kulu lé ke ’ko:

2Ézau le si Kanaan lomu va: Éti mi Élɔn lu Ada koo, Éévi mi Sibéɔn lu Ana, ’bɛ lu Oolibama koo, 3Ismaɛl lu Bazmat koo, é wo si é nanu nya. Bazmat a Nébajɔt zuané nya. 4Ada né yaa Ézau lɛ, wa laama Élifaz. Bazmat né yaa, wa laama Réuɛl; 5Ézau benu Jéusi koo, Jaélam koo, Koré koo, Oolibama wo yaa Kanaan tɛrɛ la. 6Ézau nanu koo, a benu koo, a lunu koo, alé kɔngimunu koo, alé trubɛnu koo, alé winu koo, fuafɛnu faa lé é a ye Kanaan tɛrɛ la, Ézau wo si yé é si é zuané Jakɔb ma baa yé é go tɛrɛ bɛ la. 7Wo fua kiɛre ble, bɛwemalé wo ’ka bɔa nyanale lɛ ékeva lo. Wolé trubɛnu a di, bɛwemalé tɛrɛ lé wo ke é nyanale a ta, é ’ka wolé trubɛnu lé fɛblele bɔa lo. 8Ézau nyana Séii gɔ nwiin. Ézau ɛ ke Édom nya.

9Édom ti Ézau lé ke Séii gɔ nwiin, a kulu lé ke ’ko: 10Ézau benu tɔnu lé ke ’ko: Ézau na Ada be Élifaz koo, Ézau na Bazmat be Réuɛl koo, woo lé. 11Élifaz benu lé ke Téman koo, Omaa koo, Sɛfo koo, Gaétam koo, Kénaz koo, wo nya. 12Timina a Ézau be Élifaz bwɛ nya. É né yaa Élifaz lɛ; a tɔ lé Amalɛk. Ézau na Ada benu lé ke bɛ. 13Réuɛl benu lé ke ’ko: Naati koo, Zérak koo, Saama koo, Miza koo, woo lé. Ézau na Bazmat benu lé ke bɛ. 14Ézau na Sibéɔn lu Ana, ’bɛ lu Oolibama benu lé ke ’ko: Jéusi koo, Jaélam koo, Koré koo, é wonu yaa Ézau lɛ. 15Ézau benu lé wo kɛlɛ tɛrɛzannu nya, wo lé ke ’ko: alé né vininzan Élifaz benu lé ke ’ko: tɛrɛzan Téman koo, tɛrɛzan Omaa koo, tɛrɛzan Sɛfo koo, tɛrɛzan Kénaz koo, 16tɛrɛzan Koré koo, tɛrɛzan Gaétam koo, tɛrɛzan Amalɛk koo, woo lé; tɛrɛzannu lé Élifaz a yaa Édom tɛrɛ la, wo lé ke bɛ. Ada benu lé wo nya. 17Ézau be Réuɛl benu lé ke ’ko: tɛrɛzan Naat koo, tɛrɛzan Zérak koo, tɛrɛzan Saama koo, tɛrɛzan Miza koo, woo lé; Réuɛl benu lé é a yaa Édom tɛrɛ la yé wo kɛlɛ tɛrɛzannu nya, wo lé ke bɛ. Ézau na Bazmat benu lé ke bɛ. 18Ézau na Oolibama benu lé ke ’ko: tɛrɛzan Jéusi koo, tɛrɛzan Jaélam koo, tɛrɛzan Koré koo, woo lé; tɛrɛzannu lé Ézau na Ana lu Oolibama a yaa, wonu lé ke bɛ. 19Ézau benu lé ke bɛ. Wo lé wo kɛlɛ tɛrɛzannu nya, wo lé ke bɛ. Ézau a Édom nya.

20Ori munu a tɛrɛ ’ko la é kyɛn. Wolé mi do lé wa laama Séii, a benu lé ke ’ko: Lotan koo, Sobal koo, Sibéɔn koo, Ana koo, 21Disɔn koo, Esɛɛ koo, Disan koo, woo lé; Séii benu lé wo kɛlɛ tɛrɛzannu nya Ori munu va Édom tɛrɛ la, wonu lé ke bɛ. 22Lotan benu lé ke Oori valé Émam nya. Lotan buru lé ke Timina nya. 23Sobal benu lé ke ’ko: Alvan koo, Manaati koo, Ébal koo, Séfo koo, Onam koo, woo lé. 24Sibéɔn benu lé ke Aja valé Ana nya. Ana lé é ’yikyɛbɔna ye nyéné saa lé fɛna, ’té é a é ti Sibéɔn lé sokofalenu tabinna, yee lé. 25Ana lé nénu lé ke Disɔn valé a lu Oolibama nya. 26Disɔn benu lé ke ’ko: Emidan koo, Esiban koo, Jitran koo, Karɛn koo, woo lé. 27Esɛɛ benu lé ke ’ko: Bilan koo, Zaavan koo, Akan koo, woo lé; 28Disan benu lé ke Usi valé Aran nya.

29Munu lé wo kɛlɛ tɛrɛzannu nya Ori munu va, wo lé ke ’ko: tɛrɛzan Lotan koo, tɛrɛzan Sobal koo, tɛrɛzan Sibéɔn koo, tɛrɛzan Ana koo, 30tɛrɛzan Disɔn koo, tɛrɛzan Esɛɛ koo, tɛrɛzan Disan koo, woo lé. Munu lé wo kɛlɛ tɛrɛzannu nya Ori munu va Séii tɛrɛ la, wo lé ke bɛ.

31Munu lé wo kɛlɛ munu nwiinzan blɛnnu nya Édom tɛrɛ la, ’té Izraɛl lé nénu nwiinzan blɛn ’ka tan kɛlɛ lɛ lo, wo lé ke ’ko: 32Béɔɔ be Béla kɛlɛ Édom mununwiinzan blɛn nya; alé fla tɔ lé Dinaba. 33Béla ga; yé Bozrazan Zérak be Jobab pla munu nwiin a pa gi; 34Jobab ga; yé Téman munu lé tɛrɛlami Usam pla munu nwiin a pa gi. 35Usam ga, yé Bédad be Adad pla munu nwiin a pa gi. Yee ɛ Madian gyɛ féi Moab tɛrɛ la. Alé fla tɔ lé Avit. 36Adad ga; yé Masrékazan Samla pla munu nwiin a pa gi. 37Samla ga; yé Saul pla munu nwiin a pa gi; Réobot lé ke yuu sɔnɔ, ’bɛ tazan lé. 38Saul ga; yé Akabɔɔ be Baal‐Aanan pla munu nwiin a pa gi. 39Akabɔɔ be Baal‐Anan ga; yé Adaa pla munu nwiin a pa gi. Alé fla tɔ lé Pau; a na tɔ lé Méétabéɛl. É a Mézaab lu Matrɛd lu nya.

40Ézau kulu lé wo kɛlɛ tɛrɛzannu nya, wo bɛn ma bɛn ma, wolé tɛrɛ ma tɛrɛ ma, wo tɔ ma tɔ ma, wo tɔ lé ke ’ko: tɛrɛzan Timina koo, tɛrɛzan Alva koo, tɛrɛzan Jétɛt koo, 41tɛrɛzan Oolibama koo, tɛrɛzan Éla koo, tɛrɛzan Pinɔn koo, 42tɛrɛzan Kénaz koo, tɛrɛzan Téman koo, tɛrɛzan Mibisaa koo, 43tɛrɛzan Magadiɛl koo, tɛrɛzan Iram koo, woo lé. Édom munu lé wo kɛlɛ tɛrɛzannu nya, wo lé ke bɛ, wolé nyanana ma do do valé wolé tɛrɛ ma do do. Édom munu ti Ézau lé we a yee ɛ zo.

Currently Selected:

Wepélisiananu 36: GOURU

Highlight

Copy