Tito Fakatomuaga
Fakatomuaga
Ko Tito ko he tino nukukehe na liliu ki te talitonuga faka-Kelihiano ma na kavea ma hoā kaukauna ke fehoahoani ki a Paulo i ana gāluega fakamihionale. Ko te Tuhi a Paulo ki a Tito na tuhi ki tona hoā kaukauna i Kelete, na tuku i kinā ke kikilagia te Ekalehia. E tolu ia mea e fakamamafa i te tuhi.
Muamua, e fakamanatu ki a Tito nā uiga e tatau ke fai e nā takitaki o te Ekalehia, kae maihe lava ona ko te hē lelei o āmio a te tokalahi o nā tino i Kelete. Lua, e apoapoaki ki a Tito e uiga ki nā auala e tatau ke akoako ai nā vāega kehekehe i loto o te Ekalehia; ia tamāloloa ma fafine e mātutua atu (e ki lātou mafai oi toe akoako atu ki fafine talavou), ki taulelea talavou ma nā pologa. Ko tona tolu, e kavatu e Paulo nā fautuaga ki a Tito e uiga ki te āmio faka-Kelihiano, kae maihe te tatau ke ola i he ōlaga fīlēmū ma fealofani, ma ke tau mamao ma te loto ita, tauaimiha, ma te fevaevaeaki i loto o te Ekalehia.
Fakahologa o nā vāega o te Tuhi
Fakatomuaga 1.1-4
Nā takitaki o te Ekalehia 1.5-16
Nā tiute o nā vāega takitahi i loto o te Ekalehia 2.1-15
Apoapoakiga ma Lapatakiga 3.1-11
Fakaikuga 3.12-15
Currently Selected:
Tito Fakatomuaga: TNT
Highlight
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.