Luka 5

Ko nā Hoko Muamua na Filifilia e Iehu

(Mataio 4.18-22; Maleko 1.16-20)

1 # Mat 13.1, 2; Mlk 3.9-10; 4.1 I tētahi aho, ko Iehu nae tū i te matāfaga o te Vaitūloto ko Kenehaleta,#5.1 Kenehaleta: Ko tētahi igoa o te Vaitūloto tēnei ko Kalilaia kae kua nunu atu ia tagata ki a te ia, ke fakalogologo ki te kupu a te Atua. 2Na kitea atu e ia nā vaka e lua e i te matāfaga; ko nā tino faifaiva kua tutū ki lalo oi fufulu o lātou kupega. 3Kua hopo ia Iehu ki luga o tētahi o nā vaka — e o Himona — kae lea ki a Himona ke hōhō mālie te vaka ki gātai mai te matāfaga. Oi nofo ai ki lalo i luga o te vaka ma akoako mai ki te kaifenua.

4Kua uma tana tautalaga, oi lea vē atu ai ki a Himona, “Tukutuku atu te vaka ki te mea loloto, oi tuku ai ki lalo nā kupega o koutou ke maua he ika.”

5 # Ioa 21.3 Ka kua tali mai ia Himona, “Te tamana, na fano te pō kātoa e fāgogota ki mātou, kae e hēki maua he mea. Kae kāfai koe kua lea vēnā mai, ka tuku la e au nā kupega ki lalo.” 6#Ioa 21.6Kua tuku o lātou kupega ki lalo, oi maua ai nā ika e lahi, ma kua tau gāhaehae ai nā kupega. 7Oi tālo ai ki o lātou hoa i tētahi vaka, ke ōmamai oi fehoahoani ake ki a te ki lātou. Kua ōmamai o lātou hoa, oi uta ai e ki lātou nā vaka i te ika ma kua tau gōgoto. 8I te kiteaga e Himona Petelu o te mea tēnei kua tupu, oi tōtuli ifo ai i mua o Iehu ma lea vē atu, “Te Aliki, fano kehe ko ma au, auā ko au ko he tino agahala!”

9Na ofo lele ia Himona Petelu ma ki lātou uma nae i ei, ki te lahi o a lātou ika na maua. 10Na vēnā foki nā hoa o ia nae i tētahi vaka, ia Iakopo ma Ioane nā ataliki o Hepetaio. Oi lea atu ai ia Iehu ki a Himona, “Koe nahe mataku; e kāmata atu nei, ko koe ka fāgota ke maua e koe ni tino, kae hē ni ika.”

11Kua toho ake o lātou vaka ki gāuta, oi tuku ai e ki lātou nā mea uma, kae mulimuli ki a Iehu.

Kua Fakamālōlō e Iehu he Tamāloa

(Mataio 8.1-4; Maleko 1.40-45)

12Ka koi i tētahi kakai ia Iehu, kae hau ki ei he tamāloa e maua i te lēpela.#5.12 lēpela: Ko te igoa ia nae kave ki ho he tauale kino o te kili, ma e hē ko te lēpela e vē ona iloa i nā aho nei. Ko te tauale tēnei nae i ei te talitonuga e hē mamā ai te tino i nā mea tau tāpuakiga. I te ia kitea atuga o Iehu, oi fakapakū fakapūlou ai i mua o ia, ma talohaga vē atu ki ei, “Te Aliki, kāfai koe e loto ki ei, e kē mafaia oi fakamamā au.”

13Oi papae atu ai ia Iehu, kua paki atu tona lima ki te lēpela ma lea vē atu, “Ko au e loto ki ei. Mamā loa!” Ma ko te taimi lava tēnā na teka ai te lēpela mai ia te ia. 14#Lev 14.1-32Oi fakatonu ai vēnei e Iehu te tamāloa, “Ko koe e hē lea ki he tino, kae fano oi fakaali tō tino ki he ohitāulaga; ma ofo atu ai he tāulaga mo te fakamamāgia o koe, e vē ona fakatonu mai e Mohe, ke fai ma fakamāoniga ki tagata ko koe kua mamā.”

15Kae kua fakaatili ai te halalau o te tala ki a Iehu. Oi holo mai ai te tokalahi o tagata ke fakalogologo ki a te ia, ma ke fakamālōlō ki lātou, mai o lātou tauale. 16Kae ko Iehu kua fano ki te vao, oi tatalo ai.

Kua Fakamālōlō e Iehu he Tamāloa e Mate tona Tino kātoa

(Mataio 9.1-8; Maleko 2.1-12)

17I tētahi aho nae akoako atu ai ia Iehu, kae nonofo ma fakalogologo mai ki ei ni Falehaio ma ni faiakoga o te Tūlāfono (na ōmamai i nā kakai uma o Kalilaia ma Iutea, vēnā ma Ieluhalema); ma nae ia te ia te mana o te Aliki ke fakamālōlō ai nā tauale. 18Oi ōmamai ai ni tamāloa, e hiki mai i luga o he moega he tamāloa e mate tona tino kātoa. Na taumafai ki lātou ke kave ki lotofale, ma fakatakoto i mua o Iehu. 19Kae ona ko te tumu o te kaifenua, kua hē maua ai he avanoa ke kave ai te tauale ki loto. Oi hiki ai e ki lātou te tauale ki luga o te tuāfale, ma kua uma te fakapu o te tuākaukau, oi tukutuku ifo ai tona moega ki lototonu o te potopotoga, i mua o Iehu. 20Kua kitea e Iehu te lahi o to lātou fakatuatua, oi vāgana atu ai ki te tamāloa, “Te uho, ko au agahala kua fakamāgalo.”

21Oi kāmata ai kua fakataufai nā faiakoga o te Tūlāfono ma te kau Falehaio, ma fehili vē, “Ko ai tēnei tagata e fai kupu fāifāi ki te Atua? Nā ko te Atua oioti lava te ia mafaia oi fakamāgalo nā agahala!”

22Kua iloa e Iehu nā mea i o lātou māfaufau, oi vāgana atu ai ki ei, “He ā te māfaufau ai koutou ki ni mea vēnā? 23Tēfea te mea e faigōfie, ko toku lea, ‘Ko au agahala kua fakamāgalo,’ pe ko toku lea, ‘Tū ki luga oi havali’? 24Ka kō fakamāonia atu la ki a te koutou, e i te Ataliki o te Tagata te pule i te lalolagi, ke fakamāgalo ai nā agahala.” Oi vāgana atu ai ki te tamāloa e mate tona tino kātoa, “Ko au e lea atu ki a te koe, tū ki luga, hiki tō moega ma fano ki tō kāiga!”

25Ko te taimi lava tēnā na tū loa lava te tamāloa ki luga i mua o ki lātou uma, kua kave te moega nae takoto ai, oi fano ai ki tona fale, ma viviki ake ki te Atua. 26Na taufai ofo ki lātou uma lele, ma viviki ake ki te Atua. Kua fakatumulia foki ki lātou i te mātataku, ma kua lea vē, “Kai te ofoofogia o nā mea kua kitea e ki mātou i te aho nei!”

Kua Kalaga ia Iehu ki a Levi.

(Mataio 9.9-13; Maleko 2.13-17)

27Kua uma atu te mea tēnā, oi fano kehe ai ia Iehu. Na ia kitea atu he aolāfoga e igoa ki a Levi, e nofo mai i loto o tona ofiha. Kua vāgana atu ai Iehu ki ei, “Mulimuli mai ki a te au.” 28Na tuku loa e Levi ana mea uma lele, kae kua tū ki luga oi mulimuli ki a Iehu.

29Oi fai ai te kaiga lahi a Levi i tona fale mo Iehu, ma e tokalahi nā aolāfoga ma iētahi tino na fakatahi atu ki ei. 30#Luk 15.1-2Ko iētahi o te kau Falehaio ma iētahi o faiakoga o te Tūlāfono, kua faitio ki ona hoko. Kua lea vē atu ki ei, “He ā te kakai ma inu fakatahi ai koutou ma nā aolāfoga ma iētahi tino inohia?”

31Kua tali atu ia Iehu ki a te ki lātou, “Ko nā tino e mālōlō e hē ki lātou manakomia he fomai, kae vaganā ai nā tino e tauaale. 32Ko au e hēki hau ke kalaga ki nā tino lelei kae ki nā tino e inohia e tagata, ke halamō.”

Ko te Fehili e uiga ki te Fakalāina

(Mataio 9.14-17; Maleko 2.18-22)

33Kua lea atu iētahi tino ki a Iehu, “Ko nā hoko o Ioane e fakalāina ho ma fai a lātou tatalo, oi vēnā foki nā hoko o te kau Falehaio; kae ko nā hoko o koe e kakai ma feinu.”

34Kua tali mai ia Iehu ki a te ki lātou, “E koutou mafaia oi fakalāina te kau valakaulia i he fakaipoipoga, ka koi i ei te tama fakaipoipo fakatahi ma ki lātou? E hē mafai! 35Kae e hau te aho e kave kehe ai te tama fakaipoipo mai ia te ki lātou, oi fātoā fakalāina ai ki lātou.”

36Na fai foki e Iehu te talafakatuha tēnei ki a te ki lātou: “E hēai he tino e hahae e ia he meakie mai he peleue fou ke fono ai he peleue tuai. Kāfai e ia faia, ka hahae e ia te peleue fou, ma ko te meakie fou ka hē fetaui ma te meakie tuai. 37E hē utua foki e he tino he uaina fou, ki loto o ni fagu pakumanu uaina kua uma te fakaaogā, auā ka gāpāpā nā fagu pakumanu uaina i te uaina fou, ka gogolo ki fafo te uaina, ma ko nā fagu pakumanu uaina ka fakakino. 38Kae ko te uaina fou e tatau ke utu ki loto o ni fagu pakumanu uaina fou. 39Ma e hēai he tino e uma te inu ki te uaina tuai, e toe fia inu ki te uaina fou, auā e lea vē, ‘E hili atu te lelei o te uaina tuai.’ ”

Currently Selected:

Luka 5: TNT

Highlight

Copy