Luka 3

Ko te Tālakiga a Ioane te Papatiho

(Mataio 3.1-12; Maleko 1.1-8; Ioane 1.19-28)

1I te hefululima o tauhaga talu te nofoakiga a Kaihala Tipelia; ko Ponitiō Pilato te kōvana o Iutea, ka ko Helota te tupu o te itūmālō o Kalilaia, ma ko tona uho ko Filipo, ko te tupu o te itūmālō o Itoulaia ma Talakonaito; ko Luhania te tupu o Apilene, 2ka ko Anaha ma Kaiafa nā Ulu Ohitāulaga. Ko te taimi tēnā na pa mai ai te kupu a te Atua ki a Ioane te ataliki o Hakalia, i te vao. 3Oi fano ai ia Ioane ki nā kogāfenua uma e pili ki te Vaitafe ko te Iolitana, oi folafola atu ki tagata, kua lea vē atu, “Liliu kehe mai autou agahala ma papatihogia ke iloa ai ko koutou kua halamō moni, oi fakamāgalo ai e te Atua autou agahala.” 4#Iha 40.3-5Ko Ioane tēnei te na lea ai te pelofeta ko Ihaia vēia:

“Ko te leo o he tino e taukalaga i te vao;

‘Hāuni te auala o te Aliki;

fakahakohako he auala mo ia ke kui ai!

5Ke fakatūtumu nā vanu uma,

ke fakaholo ki lalo nā mauga ma tamā mauga uma.

Ke fakahakohako nā auala e takapikopiko,

ma fakalaugatahi nā auala e takaponapona;

6ma ka kitea e tagata uma lele te fakaolataga a te Atua!’ ”

7 # Mat 12.34; 23.33 Oi lea atu ai ia Ioane ki te kaifenua e tokalahi na ōmamai ke papatiho ki lātou e ia, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tāli pa mai? 8#Ioa 8.33Fai nā mea ke iloa ai ko koutou kua halamō i autou agahala, ma ia koutou nahe kāmata oi lea vē tētahi ki tētahi, ‘Ko Apelaamo he tupuna e o ki mātou’ auā e lea atu au ki a te koutou, e mafai e te Atua oi fakaliu tino nā fatu iēnei, ke fai ma lāpuna o Apelaamo. 9#Mat 7.19Ke pa foki lava nei, ko te toki kua hāuni ke ta ki lalo nā lākau i nā aka; ko nā lākau uma la e hē fua mai ai ni fua lelei, e ta ki lalo oi togi ki te afi.”

10Oi lea atu ai te kaifenua ki a Ioane, “He ā la te tatau ke ki mātou faia?”

11Kua tali mai ia Ioane, “Ko te tino e lua ni ona kofu, fōki tētahi kofu mo te tino e hēai hona kofu, ma ko te tino e i ei hana meakai, e tatau ke fai foki vēnā e ia.”

12 # Luk 7.29 Na ōmamai foki nā aolāfoga ke papatiho ki lātou, oi fehili vē atu ai ki lātou ki a Ioane, “Te faiakoga, he ā te tatau ke ki mātou faia?”

13Kua tali atu ia Ioane, “Nahe hili atu ki luga nā lāfoga e ao e koutou, i lo te mea e fakataga i te tūlāfono.”

14E i ei foki nā fitafita na fehili vē atu ki ei, “Ka ko ki mātou, he ā te tatau ke ki mātou faia?”

Oi tali atu ai ia ki a te ki lātou, “Nahe kave fakamālohia e koutou he tupe a he tino e ala i te fakamataku, pe ko te molimau pepelo, ma e tatau koutou ke mālilie kinā totogi o koutou e maua.”

15Ko nā tino nae i kinā, kua amanaki lele, ma kāmata oi fakafehili ifo i o lātou loto, pe hē ko Ioane nei te Mehia. 16Oi lea atu ai ia Ioane ki a te ki lātou uma, “E kō papatihoa koutou i te vai, kae e hau tē e hilihili lele atu tona mamalu i lo au, ma e hē aogā au ke kō tatala ona hēvae. Ka ia papatihoa koutou i te Agaga Paia ma te afi. 17Kua i tona lima tana huō tuihaito ke lūlū kehe ai nā atigi haito, ma ke fakaputu nā fuāhaito ki loto o tona falehaito; kae ka huhunu e ia nā atigi haito i te afi e hē mafai ke mate.”

18E lahi iētahi auala nae tālaki atu ai e Ioane te Tala Lelei ki tagata, ma fakamālohi atu ki a te ki lātou, ke hui o lātou ōlaga. 19#Mat 14.3-4; Mlk 6.17-18Kae na munaia e Ioane te tupu ko Helota, ona ko Helotia te āvaga a tona uho, ma te lahi o iētahi ana āmio kino nae fai. 20Oi fai ai e Helota he mea e hili atu te kino i lo iētahi mea kino na kua ia faia, kua fakatonu e ia ke togi ia Ioane ki te falepuipui.

Ko te Papatihoga o Iehu

(Mataio 3.13-17; Maleko 1.9-11)

21Kua uma te papatiho o nā tino uma lele, oi papatiho ai foki ia Iehu. Ka koi tatalo ia Iehu, kae matala ifo te lagi, 22#Ken 22.2; Hal 2.7; Iha 42.1; Mat 3.17; Mlk 1.11; Luk 9.35ma fanaifo ai te Agaga Paia ki ona luga, e vē he tino e o he lupe. Ma he leo e fanaifo mai te lagi, “Ko koe ko toku Ataliki pele, e fiafia lahi au ki a te koe.”

Ko te Gafa o Iehu

(Mataio 1.1-17)

23E tuha kua toluhefulu ia tauhaga o Iehu, kae kāmata tana gāluega. Ko he ataliki, i te manatu o nā tino, e o Iohefa te ataliki o Eli, 24te ataliki o Matetai, te ataliki o Levi, te ataliki o Meleki, te ataliki o Ianai, te ataliki o Iohefa, 25te ataliki o Matatia, te ataliki o Amoha, te ataliki o Nauma, te ataliki o Eheli, te ataliki o Nagai, 26te ataliki o Maata, te ataliki o Matatia, te ataliki o Hemeina, te ataliki o Ioheka, te ataliki o Iota, 27te ataliki o Ioanana, te ataliki o Leha, te ataliki o Helupapelu, te ataliki o Halatielu, te ataliki o Neli, 28te ataliki o Meleki, te ataliki o Ati, te ataliki o Kōhama, te ataliki o Elematama, te ataliki o Elu, 29te ataliki o Iohua, te ataliki o Elieha, te ataliki o Iolimi, te ataliki Matetai, te ataliki o Levi, 30te ataliki o Himeona, te ataliki o Iuta, te ataliki o Iohefa, te ataliki o Ionama, te ataliki o Eliakimi, 31te ataliki o Melea, te ataliki o Mena, te ataliki o Matafa, te ataliki o Natana te ataliki o Tavita, 32te ataliki o Iehe, te ataliki o Opeta, te ataliki o Poaha, te ataliki o Hala, te ataliki o Nahona, 33te ataliki o Aminatapu, te ataliki o Atimina, te ataliki o Āni, te ataliki o Hehaloma, te ataliki o Fāleha, te ataliki o Iuta, 34te ataliki o Iakopo, te ataliki o Ihaako, te ataliki o Apelaamo, te ataliki o Telaha, te ataliki o Nahoa, 35te ataliki o Heluka, te ataliki o Lagau, te ataliki o Fāleka, te ataliki o Epele, te ataliki o Helaha, 36te ataliki o Kainamu, te ataliki o Afahata, te ataliki o Hemu, te ataliki o Noa, te ataliki o Lameka, 37te ataliki o Metuhela, te ataliki o Enoka, te ataliki o Ialete, te ataliki o Maleleēle, te ataliki o Kainamu, 38te ataliki o Enoha, te ataliki o Hetu, te ataliki o Atamu, te ataliki o te Atua.

Currently Selected:

Luka 3: TNT

Highlight

Copy