Ioane 6

Kua Fafaga e Iehu he Kaifenua Tokalahi

(Mataio 14.13-21; Maleko 6.30-44; Luka 9.10-17)

1Kua uma atu te mea tēnei, oi fano ai ia Iehu ki tētahi itū o te Vaitūloto ko Kalilaia (ko Tipelia tētahi ona igoa). 2E tokalahi te kaifenua kua mulimuli atu ki a te ia, ona na kitea e ki lātou nā fakailoga na ia faia na fakamālōlō ai nā tauale. 3Oi fano ai ia Iehu ki luga o he mauga, kua nofo ki lalo i kinā fakatahi ma ona hoko. 4I te taimi tēnā, kua tāli pa ki te Kaiga Fakamanatu o te Pāheka. 5I te kitea atuga e Iehu te tokalahi o nā tino kua ōmamai ki a te ia, oi fehili ai ki a Filipo, kua vē atu, “Ko fea he mea e mafai ke fakatau mai ai ni falaoa e lava, ke fafaga ai nā tino uma iēnei?” 6(Na lea vēnā ki a Filipo, ke kikila pe ka vēhea ake hana tali; kae ko te meamoni, kua uma te ia iloa tana mea ka fai ka ko hēki fehili ai.)

7Kua tali mai ia Filipo, “E hē tāitai ke lava nā falaoa e mafai ke fakatau mai i te 200 tupe hiliva#6.7 tupe hiliva: Ko te tupe hiliva e fokotahi, ko te totogi ia o te tino faigāluega fatoaga i te aho (kikila ki te Mat 20.2). ke maua ai he tamā mea ma nā tino tau tokatahi uma lele iēnei.”

8Kua lea atu foki ki a Iehu tētahi o te kau hoko, ko Anitelea te uho o Himona Petelu, kua vē atu, 9“E i ei te taumalo i kinei, e lima ana falaoa kālite#6.9 kālite: he lākau e maua ai he itūkāigā haito e fakaaogā e nā tino mātitiva e fai ai a lātou falaoa. ma nā ika e lua, kae e hē tāitai lele ke lava mo te tokalahi o nā tino iēnei.”

10E lahi te mutia e ola i te mea tēnā, oi vāgana atu ai ia Iehu ki ona hoko, “Fakanonofo nā tino ki lalo.” Oi nonofo uma ai ki lalo nā tino; e tuha e lima afe ia tamāloa nae i ei. 11Oi tago ai ia Iehu ki nā falaoa, kua fakafetai ki te Atua, oi fakahoa ai ki nā tino uma nae nonofo i kinā. Na fai vēnā foki e ia nā ika, ma na lava lele ai ma totoe mo ki lātou uma tau tokatahi. 12Kua mākokona uma ki lātou, oi vāgana atu ai ia Iehu ki ona hoko, “Fakaputu uma mai nā toegā meakai; nahe fakamāumaua lele he mea.” 13Oi fakaputu uma ai e ki lātou, ma e hefulu lua ia polapola lalahi na tūtumu i nā tōega mai nā falaoa kālite e lima na fafaga ai nā tino.

14I te kiteaga e nā tino te fakailoga na fai e Iehu, oi lea vē ai ki lātou, “E hako lava ko te Pelofeta#6.14 te pelofeta: kikila ki te 1.21. tēnei na tuku e hau ki te lalolagi!” 15Kua hāfia e Iehu ko nā tino ka ōmamai oi kave fakamālohi ia ke fai ma o lātou tupu; oi toe fano kehe ai, kua fano tautahi ki luga o he mauga.

Kua Havali ia Iehu i Luga o te Kilitai

(Mataio 14.22-33; Maleko 6.45-52)

16I te fakaafiafi, oi olo ai nā hoko o Iehu ki te vaitūloto, 17kua hohopo ki luga o he vaka, oi olo ai ki tētahi itū o te vai agai ki Kapenaumi. Kua pō ifo lava kae ko hēki hau lava ia Iehu ki a te ki lātou. 18I te taimi tēnā, ko te matagi kua kāmata oi agi mālohi, ma kua hou te vai. 19Pe kua kātoa te tolu pe ko te fa maila ki gātai te mamao o te mea kua aloalo ki ei to lātou vaka, oi kitea ai e ki lātou ia Iehu e havali i luga o te kilitai ma kua pili mai ki te vaka, oi na mātataku lele ai ki lātou. 20“Koutou nahe mātataku, ko au tēnei,” kua lea vēnā mai ia Iehu ki ona hoko. 21Oi fakahopo ake ai e ki lātou ia Iehu ki luga o te vaka ma o lātou loto kua tumu i te fiafia, ma e hēki mataloa lele kae taunuku loa te vaka ki te mea na olo agai ki ei.

Kua Hakili ia Iehu e Tagata

22I te aho na hohoko ai, na manatua ai e te kaifenua nae nonofo i te itū i hahae o te vai, e fokotahi oioti te vaka nae i kinā. E iloa e ki lātou ko Iehu e hēki olo fakatahi i te vaka ma ona hoko, kae nā ko ona hoko oioti te na olo. 23Ka ko iētahi vaka mai Tipelia, na tau ake tafapili ki te mea na kakai ai te kaifenua i nā falaoa, ina kua uma te fai o te fakafetai e te Aliki. 24Kae i te kitea atuga e nā tino ko Iehu kua hē i kinā vēnā foki ma ona hoko, oi toe hohopo ai ki luga o nā vaka, ma kua olo ki Kapenaumi oi hakili ia Iehu.

Ko Iehu te Falaoa o te Ola

25I te maua atuga e ki lātou o Iehu i tētahi itū o te vaitūloto, oi lea vē atu ai ki ei, “Te Faiakoga, ko koe na hau anafea ki kinei?”

26Kua tali mai ia Iehu, “E takutino atu e au ki a te koutou te meamoni; ko au e koutou hakilia ona ko koutou na kakai mākokona i nā falaoa, kae hē ona ko koutou kua mālamalama i nā fakailoga na fai e au. 27Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

28Oi lea atu ai ki lātou ki a Iehu, “He ā nei te tatau ke ki mātou faia, ke fakataunuku ai nā mea e fofou ki ei te Atua?”

29Kua tali mai ia Iehu, “Ko te mea e fofou ki ei te Atua, ko koutou ke talitonu ki tē na ia uga maia.”

30Kua lea atu ki lātou, “He ā he fakailoga e kē mafaia oi fai ke kikila ki mātou ki ei, kae ke talitonu atu ai ki mātou ki a te koe? He ā te kē mafaia oi fai? 31#Eho 16.4, 15; Hal 78.24Na kakai o mātou tupuna i te mānai i te vao, e vē ona tākua i te tuhituhiga paia, ‘Na fōki e ia ki a te ki lātou nā falaoa mai te lagi ke kai.’ ”

32Oi lea atu ai ia Iehu ki a te ki lātou, “E takutino atu e au ki a te koutou te meamoni, ko te mea na fōki atu e Mohe e hē he#6.32 ko te mea na fōki atu e Mohe e hē he; pe E hē ko Mohe te na ia fōki atua ki a te koutou te. falaoa mai te lagi; ko toku Tamana te ia fōki atua te falaoa moni mai te lagi. 33Auā ko te falaoa e fōki atu e te Atua ko ia tēnā e fanaifo mai te lagi ma fōki atu te ola ki te lalolagi.”

34“Te aliki,” kua lea atu ki lātou ki a te ia, “fōki mai ko te falaoa tēnā ki a te ki mātou i taimi uma!”

35Kua tali mai ia Iehu, “Ko au ko te falaoa o te ola. Ko nā tino e ōmamai ki a te au, e hē toe fia kakaia lele; ko nā tino e talitonu mai ki a te au, e hē toe fia inua lele. 36E vē ona lea atu au, kua uma te koutou kiteagia au, kae ko koutou e hē fia talitonu. 37Ko nā tino uma lele e fōki mai e toku Tamana ki a te au, e ōmamai lava ki a te au. E hē kō tetekea lele he tino e hau ki a te au, 38auā ko au e hēki fanaifo mai te lagi ke fai te mea e loto au ki ei, kae ke fakataunuku te finagalo o tē na ia uga maia au. 39Ma ko te finagalo o tē na ia uga maia au, ke nahe kō faia he mea ke māumau ai he ola o he tino o ki lātou uma kua ia fōki maia ki a te au, kae ke kō fakatutūa uma ki lātou ki te ola, i te aho mulimuli.#6.39 aho mulimuli: Kāfai e fakamahino e te Atua ia tagata uma. 40Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

41Oi kāmata ai kua mūimui ia tagata Iutaia e uiga ki a te ia, ona na lea vē, “Ko au ko te falaoa na fanaifo mai te lagi.” 42Kua lea vē ki lātou, “E hē ko Iehu tēnei te ataliki o Iohefa, ko ona mātua e ki tātou iloa uma? Kae e vēhea la ona lea ko ia na fanaifo mai te lagi?”

43Kua tali atu ia Iehu ki a te ki lātou, “Koutou nahe mūimui. 44E hē mafai nā tino ke ōmamai ki a te au, vaganā e takitaki mai ki a te au e te Tamana, tē na ia uga maia au; ma e kō fakatutūa ki lātou ki te ola, i te aho mulimuli. 45#Iha 54.13Na tūhia e nā pelofeta, ‘Ko tagata uma ka akoakogia e te Atua.’ Ko nā tino uma e fakalogo ki te Tamana ma maua ho lātou akoakoga mai ia te ia, e ōmamai ki a te au. 46E hē vē la e i ei he tino na kua ia kiteagia te Tamana; ko tē e hau mai i te Atua, ko ia oioti lava te kua ia kiteagia te Tamana. 47E takutino atu e au ki a te koutou te meamoni; ko ai lava he tino e talitonu, ka maua e ia te ola e fakavavau. 48Ko au ko te falaoa o te ola. 49Na kakai nā tupuna o koutou ki te mānai i te vao, kae na oti. 50Ka ko te falaoa e fanaifo mai te lagi, e kehe, ma ko ai lava e kai ki ei, ka hē oti lele. 51Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

52Oi kāmata ai kua tauaikupu nā tino Iutaia, ma lea vē, “E vēhea ona fōki mai e te tagata nei tona kanofi ke kai e ki tātou?”

53Oi lea atu ai ia Iehu ki a te ki lātou, “E takutino atu e au ki a te koutou te meamoni; ka hē kakai koutou ki te kanofi o te Ataliki o te Tagata, ma inu ki tona toto, ka hē ia te koutou te ola. 54Ko nā tino e kakai ki toku kanofi ma inu ki toku toto, e maua e ki lātou te ola e fakavavau, ma e kō fakatutūa ki lātou ki te ola, i te aho mulimuli. 55Auā ko toku kanofi ko te meakai moni ia, ma toku toto ko te vai inu moni ia. 56Ko nā tino e kakai ki toku kanofi ma inu ki toku toto, e tūmau ki lātou ia te au, ma au foki ia te ki lātou. 57Ko te Tamana te puna o te ola, tē na ia uga maia au, ma ko au e ola ona ko ia. E vēnā foki la ona ola ho he tino e kai ki toku kanofi, ona ko au. 58Tēnei la te falaoa na fanaifo mai te lagi; e hē vē ko te falaoa na kai e nā tupuna o koutou, kae mulimuli ake na feoti. Ko nā tino e kakai ki te falaoa tēnei, ka ola pea lava.”

59Na lea ia Iehu i nā mea iēnei, i tana akoakoga nae fai i loto o te hūnako i Kapenaumi.

Nā Kupu e Maua ai te Ola e Fakavavau

60Ko te tokalahi o tagata nae mulimuli ki a Iehu, na ki lātou lagona atu te mea tēnei, oi lea vē ai, “Kai te faigatā ātili o tēnei akoakoga. Ko ai te fia fakalogo ki ei?”

61E hēki lea he tino ki a Iehu, ka kua uma te ia iloa o te mea e mūimui ai ki lātou. Oi lea atu ai ki a te ki lātou, “Ko koutou nei ka fakavāivai ona ko te mea tēnei? 62E vēhea nei la kāfai kua koutou kitea atu te Ataliki o te Tagata, kua toe fanake ki luga ki te mea nae i ei ai muamua? 63Ko te Agaga o te Atua te maua ai te ola; ko te mālohi o te tagata e matuā hēai lava he aogā. Ko nā kupu kua tautala atu ai au ki a te koutou, e maua ai e koutou te ola mai te Agaga o te Atua. 64Kae e i ei nā tino o koutou e hē talitonu.” (Na iloa lava e Iehu i te kāmataga, nā tino e hē talitonu ake ki a te ia, ma te tino e ia fakalatagia ia.) 65Oi toe lea vē atu ai, “Ko te mea tonu lava tēnei na ala ai toku lea atu, e hē mafai ni tino ke ōmamai ki a te au, vaganā e uga mai e te Tamana.”

66Ona ko te mea tēnei, na holomuli ai te tokalahi o ki lātou nae mulimuli ki a Iehu, kua hē toe mulimuli ki ei. 67Oi fehili ai atu ia Iehu ki te toka hefulu lua, kua vē atu, “Ko koutou — e fia olo kehe foki koutou?”

68 # Mat 16.16; Mlk 8.29; Luk 9.20 Kua tali mai ia Himona Petelu, “Te Aliki, ko ki mātou e olo ki a te ai? E ia te koe nā kupu e maua ai te ola e fakavavau. 69Ko ki mātou kua talitonu ki a te koe, ma kua ki mātou iloa ko koe ko te Tokatahi Paia na hau mai te Atua.”

70Kua tali atu ia Iehu, “Na kō filifilia te koutou toka hefulu lua? Kae ko tētahi o koutou, ko he tiāpolo.” 71Ko Iehu nae tautala e uiga ki a Iuta, te ataliki o Himona Ihikaliota. E ui lava ko Iuta ko hētahi o te toka hefulu lua, kae ka fakalata e ia ia Iehu.

Currently Selected:

Ioane 6: TNT

Highlight

Copy