2 Timoteo Fakatomuaga
Fakatomuaga
Ko te vāega lahi o te Tuhi e lua a Paulo ki a Timoteo e lahi lava ki ni fautuaga fakatamana ki a Timoteo, he hoa fehoahoani i luga o te gāluega. Ko te mea e fakamamafa ko te onohai. E fautuagia ia Timoteo, ke fakamākeke oi molimau ma te fakamāoni e uiga ki a Iehu, ke pipiki mau ki te akoakoga moni o te Tala Lelei ma te Feagaiga Tuai, ma ke fai ona tiute ko ia ko he faiakoga ma he tino tālaki, i nā taimi o puapuagā ma te teteke ake o tagata.
Na apoapoaki fakapitoa ki a Timoteo ki te tūlaga kino e pa ki ei te gāluega, kāfai ia e aofia i loto o nā “fīnauga valea ma te hēai o he uiga” (2.23). E hēai he mea e maua i nā mea iēnei, kae nā ko te āfāina ai o ōlaga o nā tino e fakalogo ki ei.
I nā mea uma iēnei, e fakamanatu ki a Timoteo nā fakatakitakiga e maua i te ōlaga o Paulo — tona fakatuatua, tona onohai, tona alofa, ona puapuagā ma fakahāuāga na pa ki ei.
Fakahologa o nā vāega o te Tuhi
Fakatomuaga 1.1-2
Vīkiga ma faufautuaga 1.3 — 2.13
Apoapoakiga ma lapatakiga 2.14 — 4.5
Te tūlaga e i ei ia Paulo 4.6-18
Fakaikuga 4.19-22
Currently Selected:
2 Timoteo Fakatomuaga: TNT
Highlight
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.