1 Timoteo Fakatomuaga
Fakatomuaga
Ko Timoteo ko he tino Kelihiano talavou mai Ahia Taigole, ko tona mātua ko he Iutaia ka ko tona tamana ko he Eleni. Na kavea ia ma hoa o Paulo ma nae fehoahoani ki ei i ana gāluega fakamihionale. Ko te Tuhi muamua a Paulo ki a Timoteo e tākua ai nā mea tāua iēnei e tolu.
Ko te mea muamua, ko te tuhi ko he lapatakiga ke mataala ona ko he akoakoga pepelo kua fai i loto o te Ekalehia. Ko te akoakoga tēnei e aofia ai ni talitonuga faka-Iutaia vēnā ma ni iētahi talitonuga kehe. E fakavae i luga o te talitonuga, ko te lalolagi tēnei ko he lalolagi agahala, ma ko te fakaolataga e maua oioti e ala i he itūkāigā poto lilo, ma te mulimuli ki iētahi tu e vē ko te hē kakai ki ni itūkāigā meakai, ma te hē āvavaga. Lua, ko te tuhi e i loto ai ni fakatonuga e uiga ki te fakatinoga o nā gāluega a te Ekalehia, ma te faiga o nā tāpuakiga, vēnā ma te fakamatalaga o nā uiga ma nā āmio, e tatau ke fai e nā takitaki o te Ekalehia vēnā ma nā tino e fehoahoani ki ei. Ko te toe vāega, ni apoapoakiga ki a Timoteo, kinā mea e mafai ke kavea ai ia ma kaukauna lelei ki a Iehu Keliho, vēnā foki ma nā tiute o ia ke fehoahoani ai ki nā vāega kehekehe o tagata, kua talitonu ma mulimuli ki a Iehu.
Fakahologa o nā vāega o te Tuhi
Fakatomuaga 1.1-2
Fakatonuga e uiga ki te Ekalehia ma nā tino e gālulue ai 1.3 — 3.16
Fakatonuga mo Timoteo e uiga ki tana gāluega 4.1 — 6.21
Currently Selected:
1 Timoteo Fakatomuaga: TNT
Highlight
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.